Commentaar op het Hooglied

(1975)–Anoniem Commentaar op het Hooglied– rechtenstatus


CXVIIJ Dat vierde point Dat vierde point volcht thant her na Inder lettren als ic versta Die vigheboom heuet uolbracht Sine grouen: merct ende acht 5[regelnummer] ficus protulit grossos suos xxxix ¶ Wat grouen siin uanden vighebome .ij. vruchten heuet hi des neemt gome Deen is tidich ende bequame Dander ontidich ende onghename
[Folio B21vb]
Die ontidighe die is zuer Ende te nutten onghestuer Die vigheboem is menschelic aert Beduut alst ons openbairt Dat ewangelium uan enen man 15[regelnummer] Die in sinen houe ghewan Enen vigheboom sonder wairde Die ghene vrucht gaf na sinen airde Doe hiet die here den vigeboom af Houwen want hi ghene vrucht gaf 20[regelnummer] Mer die bouman lieflike seide Sinen here dat hi beide Hi wouden messen ende grauen Ende mit haueninghe lauen Creghe hi dan en ghene spoet 25[regelnummer] So ware hi op ghehouwen goet ¶ Dese vigheboom is die mensche Dair god vrucht of gheert na wensche Die goede vigheboom geuet vrucht Van werken ende uan soeter lucht 30[regelnummer] Mer die quade vigheboom Gheuet ter doghet genen goom Mer sinen werken sijn al suer Den goeden ende onghestuer Dit was anden ioden scijn 35[regelnummer] Die der suricheden venijn Storten op dat kint marien Doe si an hem niet woude lien Si gauen hem edic ende galle Ghemenghet tharen ongheualle 40[regelnummer] Dair had die vigeboom volbracht Sine grouen alst wat voiracht ¶ Doe cristus deser grouen ghenoech Ghenomen hadde na siin gheuoech Die hem die felle ioden gauen 45[regelnummer] Wildi ooc sine vriende lauen Van sinen kelc so dat si mede Dronken nader heren zede Die haren vrienden mede scinken Moghedi uanden kelc drinken //
[Folio B22ra]
// Bi ander glose sonder dolen Nemen die wel merkelike Spreket uanden hemelrike ¶ Onse here doet verstaen 5[regelnummer] Sinen ionghe[ren son]der waen Dat in siins v[ad]erhuus ooc sijn Vele woninge van vrouden fijn Inden holen sal die bruut Altoes denken uut ende uut 10[regelnummer] Hoe si dair toe moge comen Ende hoe dat hier niet wart benomen Paulus spreect uan desen dingen Inden hemel is onse wandelingen

Vorige Volgende

CXVIIJ Dat vierde point