Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B21rb]
| |
Dair in moghen wi verstaen
10[regelnummer]
Dat wi sullen sonder waen
Altoes suchten in onse ghebede
Ende gode louen mit innichede
Des voghels stemme en is niet soete
Mer si bringet ons te ghemoete
15[regelnummer]
Lusticheit dat ons bewijst
Ootmoedicheit dat god prijst
¶ Wair om spreect hi hier van ene
Tortelduue niet uan gemene
Van allen duuen clare
20[regelnummer]
Sinte paulus openbare
Ontbint dit wel al dair hi seit
Die gheest bit voir ons gereit
Mit ootmoedeliken suchten
Dair om en sulwi niet duchten
25[regelnummer]
Als wi bidden want die heilige geest
Doet ons bidden ende geuet uolleest
¶ Van deser duuen dander manier
Is dat si reine is ende fier
Als si hare gade verliest
30[regelnummer]
Dat si nemmer ander kiest
Sine sit ooc niet op groene rijs
Dus is wel der goeder prijs
Die hair gaden hier verliesen
Dat si gheen ander kiesen
35[regelnummer]
Ende dat si inder werelt lust
Nemmermeer en ghewinnen rust
Dese maniere mach wel becomen
Den ghenen die hebben ghenomen
Gheestelijc leuen ende verliesen
40[regelnummer]
Die werelt die se dede riesen
Die sullen hem te gode setten
Ende leuen sonder sonde smetten
Ende niet setten haren moet
Op dit airdsche goet
45[regelnummer]
Ende wairlike ghenoechte versmaden
Ende mitter werelt niet verladen
Mer suchten beden ende karmen
Datse god moete ontfarmen
| |
[Folio B21va]
| |
Mer leider dit doetmen nv clene
50[regelnummer]
Dat men claghen mach mit wene
Die dese werelt hebben begheuen
In scine. ende souden gheestelijc leuen
Ende wairlike lust vertien
Ende hair uleesch altoes castien
55[regelnummer]
Die sietmen dat si buten draghen
Gheestelijc teken mer tallen dagen
Sietmen dat herte ende daet
Ter werelt altemale staet
Si hebben luttel uanden geest
60[regelnummer]
Niet dan abijt mer alre meest
Begheren si die wairlicheit
Diese ten duueluolen leit
Si suchten cleen in hair ghebede
Houairdich ghierich siin si mede
65[regelnummer]
Hat ende nijt heeftse uerwonnen
Si leuen nader werelt wonnen
Sine achten hare oirden niet
Salicheit is hem verdriet
Och wat mach ic hier of seggen
70[regelnummer]
Ic mach mi seluen hier toe leggen
Dat ic die tortelduue niet bin
Volcomelike in minen sin
Noch niet en uolghe hare nature
Des bin ic dicken uan herten sure
75[regelnummer]
Wi bidden gode dair wi bi leuen
Dat hi ons allen wil vergheuen
Die sonden die wi hebben op heuen
Ende geeft ons uoirt in dÜechden tleuen
|
|