Commentaar op het Hooglied

CXIIII Terde point

¶ Dat derde point comt wel hier an
Dat salicheit wel maken can
¶ Inder tortelduuen stemme is
In onsen lande ghehoort ghewis
vox turturis audita
est in terra nostra
¶ Hets ene lustelike mare
Als men hoirt ende wort gheware
Die tortelduue. want dan naect
Der soeter tijt alst wel gheraect
Als men die tortelduue hoort
Weetmen wel dat dan comet voort
Die blome ende der blomen vrucht
Die zomer gheeft mit tucht
Al is der tortelduuen zanc
Ombequame ende cranc
Doch machmen dair in wel verstaen
Salicheit al sonder waen