Commentaar op het Hooglied


CXIIJ Tander point ¶ Tander point comt ons ooc voort Dats alsmen wiingaert besnijt Dats wel ene volle tijt Dair of sulwi nv voort seggen 5[regelnummer] Entie glose dair bi leggen Des spreect die brudegom te hant Als ict inder letter vant ¶ Die tijt is comen datmen sal Den wiingaert knopen ouer al 10[regelnummer] tempus putationis aduenit Als die winter is vergaen Entie lenten ane staen So besnijt men die wijn reuen 15[regelnummer] Om dat so bat hair vruchte geuen Dus ist inder heiligher kerken Die cristus wecket te goeden werken
[Folio B20vb]
Datsi uan sonden wart besneden In hare kinder in hare leden 20[regelnummer] ¶ Cristus selue wiingaert is Als hi spreket al ghewis Ic bin wiingaert ghi sijt reuen Van hem is kerstenheit verheuen Des sal die heilige moeder kerke 25[regelnummer] Van allen sondeliken werke In hare leden doen besniden Mit biechten tallen tiden Om dat si bat ter salicheit Vrucht te gheuen si bereit 30[regelnummer] Dese tijt is nv comen Des heeft die bruut die mare vernomen