Commentaar op het Hooglied

(1975)–Anoniem Commentaar op het Hooglied– rechtenstatus


CIX Van den reghen Dat is die onghesture regen Dats felheit der ondadigher degen Der felre ioden enter quaden Die mit fellen ondaden 5[regelnummer] Riepen op cristum mit bitterhede Doe wech doe wech ende crucen mede Dat was ene sware scure Si riepen voort ter seluer vre Andren luden condi helpen 10[regelnummer] Siins selues noot can hi niet stelpen Dair na reghendet vtermaten Doe gods vrienden in allen straten ¶ Mit woorden mit pinen mit noden Hoe mense begonde doden 15[regelnummer] Vangen slaen martelen braden Dese reghen hadde verladen Die kerstenheit so langhe Tot die werelt in bedwanghe Constantiins des keisers quam 20[regelnummer] Die regen doe een einde nam Dat was die persecucie groot Die de goede zere sloech doot
[Folio B20rb]
¶ Nv spreect die brudegom ter bruut Stant op haest die regen is wt 25[regelnummer] Entie blomen openbaren Dats die tijt is comen twaren Dattie blomen soetelike Openbaren in allen rike flores apparuerunt 30[regelnummer] in terra nostra ¶ Hier wart der vrouden tijt bescreuen Dair die kerke in is verheuen Ende ghestaen heeft lange tijt Mer leider si vint swaren strijt 35[regelnummer] Van antekerst boden alle dage Die quade kersten sonder sage Die blomen sijn gheopenbairt In onsen lande onghespairt Die gheuoeghe entie goede 40[regelnummer] Siin bloemen uan gods bloede Dair dat uelt der kerstenheit Ouer al mede is bespreit Die apostolen bloeiden zere In mirakel ende in lere 45[regelnummer] Die die werelt sere bekeerden Ende alle salicheit meerden ¶ Die martelaren oec bloemen waren Die om gode al sonder sparen Storten willichlike hoir bloet 50[regelnummer] Der confessoren reine moet Bloeiden salichlike altoes In duechden alse god vercoes ¶ Ooc waren blomen die magheden Die gode in reinicheit behageden 55[regelnummer] Papen clercken moniken nonnen Die salicheit in dÜechden begonnen Hair leuen beterden: ende menich mensch Die salichlijc ende naden wensch In dÜechden bleuen dit waren blomen 60[regelnummer] Des hair die bruut wel mach beromen

Vorige Volgende

CIX Van den reghen