Commentaar op het Hooglied


CVIII Van den winter DEse winter nam doe ende Doe god den heiligen geest sende Die die apostolen also strengede Ende mit des geests vier ontfengede 5[regelnummer] Dat si ghene dinc ontsaghen Mer leerden tuolc in allen dagen So dat .iiim. in ere tijt Ghelouich worden sonder strijt
[Folio B20ra]
Vij^m op ene ander stonden 10[regelnummer] Doe die apostolen leren begonden Doe was die winter verleden Dat wies in salicheden Des spreect god hier der bruut te troest Stant op haest du sijs verloest 15[regelnummer] Vanden winter die di was hinder Lere ende gader mi uele kinder Die reg[en] is wel vergaen imb[e]r abijt et recessit xxxviij ¶ Den anderen hinder wi hier verstaen 20[regelnummer] Dats die regen onghesture Als hi valt mit groter sture So benemet hi al dat soet Dat is ghesaiet ende staet Om urucht te geuen opt uelt 25[regelnummer] Dat nemet die regen mit ghewelt