Commentaar op het Hooglied
(1975)–Anoniem Commentaar op het Hooglied–
Auteursrechtelijk beschermd
[Folio B18rb]
| |
Doe hi in marien quam
Ende van den hemel in hair spranc
Dairne sine lieue minne toe dwanc
5[regelnummer]
Hier of spreect dauid mit wonne
Hi heuet gheset in die sonne
Dats in marien sonder akel
Ende sonder vlecke siin tabernakel
Ende hi heuet hem verblijt
10[regelnummer]
Als ene rose in sine tijt Om te lopen sinen pat
Vanden hoochsten hemel was dat
Dat hi uut ginc. ende uan neder
Was siin ghemoede opwairt weder
15[regelnummer]
Wair wert ye berch also verheuen
Als maria was van leuen
¶ Hi spranc voort in sine vrienden
Die hi vercoes entie hem dienden
Merct hoe hi in magdalenen
20[regelnummer]
Spranc mit minnentliken wenen
Hoe hi spranc doe hi bekeerde
Paulus dien hi sint so leerde
Dat hi hem droech onder die heiden
Mit ware lere sonder beiden
25[regelnummer]
¶ Noch sprinct hi ooc mit ghenaden
In die berge die van daden
Vruchtbair sijn uan goeden werken
Ende in sine minne sterken
¶ Die derde berge min no mee
30[regelnummer]
Siin die berghe van gelboe
Die die prophete dauijt
Selue heuet vermaledijt
Hi spreect ghi berghe uan gelboe
Vermalediit sijt emmermee
35[regelnummer]
Op v en come dan noch regen
Versceiden si di uan gods segen
¶ Dit siin die duuel inder lucht
Die altoes mit quader tucht
Doget ende goede werke storen
40[regelnummer]
Ende altoes den mensche koren
Dat die duuel berghe siin
| |
[Folio B18va]
| |
Doet ons dauid wel in scijn
Hi spreect die berghe onghehiere
Siin gheuloeiet als uan viere
45[regelnummer]
Voir dat soete gods aenschiin
Wie moghen dese berghen sijn
Dan die vule euel gheeste
Die mitter houairden tempeeste
Verborghen siin uan gods ghenade
50[regelnummer]
Dat si nemmerme bi rade
Moghen gods aensicht scouwen
Of verlost worden uan rouwen
¶ Dese berghe ende dese houele
Ouersprinct god sonder hele
55[regelnummer]
So dat hise niet gheraket
Noch mit genaden niet ghenaket
Ooc is uan desen berghe uele
Onder den luden sonder hele
Die uan houairden sijn so groot
60[regelnummer]
Dat niement is hair ghenoot
Si willen alle dinc berechten
Ende na haren wille slechten
Nochtan hem niet en is beuolen
Die wise dinken hem al dolen
65[regelnummer]
Dat doet al houairdich sin
Dairse die duuel so zere in
Sterket dat hem quaet dunct goet
Ende goet quaet uan ouermoet
Dese siin vermaledijt
70[regelnummer]
Mitten duuel talre tijt
Mer dese berghe siin alre meest
Onder den ghenen die inden geest
Leuen souden godelike
Dese siin den duuel ghelike
75[regelnummer]
Die inden hemel bouen gode
Hem verhief en ghene ghebode
En houden si van haren prelaten
Si willent alle selue saten
Na haren wille. sine kennen niet
80[regelnummer]
Die maledixie die hem behiet
Dauid inder berghe name
| |
[Folio B18vb]
| |
Van gelboe uan groter blame
Hi spreect alle berge die sijt
Om gelboe ghebenedijt
85[regelnummer]
Si di uan douwe ende uan regen
Allene van gelboe gods segen
Voirlide. mar god v vande
Mit sire ghenaden menigherande
Dus heeft die bruut hair lief geprijst
90[regelnummer]
Lieflijc als v is ghewijst
|
|