Commentaar op het Hooglied

XCIIJ Hoe gheloue sonder werke niet en is

DIe altoes gode wel behaghen
Want gene werke mogen dragen
Sonder gheloue salicheit
Als sinte iacob heuet gheseit
Ooc is gheloue sonder werken
Voir gode doot ende inder kerken
Der bruut woorde is dit die sin
Gheuet mi uan gheloue een scijn
Der werke dat ic dair bi moghe
Goede werke in gods oghe
Altoes bringhen die geuen vrucht
Ter salicheit in soeter tucht
Ghelike dat uter blome coomt
Die vrucht die den mensche vroomt
Also comen goede werken
Vten gheloue inder kerken
Hier om waent die salighe bruut
Die de siele wel beduut
Of die heilighe kerstenhede
In allen salighen gods lede
Heeft der soeter vrucht ghesmaket
Dair si of is starc ghemaket
Enten dranc uan soeter minnen
Als gods celle heuet binnen //

[fol. W21ra]

 

// Soe et een cruut dairt bi gheneset

 

Dit selue men van dien leset

 

Als si tiegen gode waren

 

Misdadich of in sonden zwaren

5

So nutten si een reine cruut

 

Dats ootmoedicheit beduut

 

Mit rouwe ende quamen weder

 

In gods hulde ende bleuen zeder

 

Bi desen reen bezweert hi wale

10

Die dochtren dat si te male

 

So langhe die bruut laten rusten

 

Tot hair mach des op staens lusten

 

¶ Tander camp is kerstenheit

 

Dair die herten in bereit

15

Salichlike in ganser hopen

 

Emmer in gode hebben gelopen

 

Dese harten moghen siin

 

Gods kinder in allen sciin

 

Apostole ende mairtelare

20

Confessore der maechden scare

 

Predicair ende goede liede

 

Die siin al uan gods mesniede