Commentaar op het Hooglied


LXIX Een ander glose NOch so moghen wi merken mere Inder derder glosen lere Cypre bediet bekeringhe Of ene scone bloeynghe 5[regelnummer] Ihesus die suete druue der bruut Is ons bekeringhe ouer luut Hi bloeide ooc in sinen opstaen Vander doot des wi ontfaen Bliscap hebben salichlike
[Folio W14vb]
10[regelnummer] Want wi dair bi siin worden rike Des is die kerstenheit verblijt Al hebben alle die ioden nijt ¶ Cypren is een groot eylant Dat menighen mensche is becant 15[regelnummer] Ende dragen druuen herde groot Niewer en is des wiins ghenoot Die uan airde die druuen geuen Aldus was ons heren leuen Dat bouen allen leuen ghinc 20[regelnummer] Dat mensche ter werelt ye ontfinc Van duechden ende uan salicheden Eens anders sin suldi verbeden Men leest bider meester goom Dat in egipten wast een boom 25[regelnummer] Die als die wilge is ghedaen Die heeft uan naturen aen Dat hi grote druuen draget Die dracht den uolke wel behaget Want si is suete goet ende scone 30[regelnummer] Siin roke is al sonder hone Bouen allen cruden omtrent Die men in enigen lande vent Dus is ihesus die cyper druue Die altoes simpel als die duue 35[regelnummer] In allen duechden was uolcomen Dair goede roke of was ghenomen Want ihesus is spieghel der doghet Dair elc salighe in verhoghet Des spreect die bruut mit herten rene 40[regelnummer] Miin lief is cyper druue allene Mi in die soete wiingairde Van engaddi mit groter wairde