Commentaar op het Hooglied


LXVIJ Vander duuen dat Cristus is IHesus is die druue wale Die bi reine ende ware tale Vten lande uan chanaan An enen bome droeghen .ij. man 5[regelnummer] Want ihesus die reine brudegoom Hinc tusschen .ij. mans ants crucen boom Vter druuen wart gheporst
[Folio W14rb]
Der bruut wiin uoir haren dorst Doe dat heilighe suete bloet 10[regelnummer] Vut sinen liue liep als ene vloet Dair mede al die kerstenhede Ghelauet wart in salichede Dair om mach die bruut wel seggen Ende hair lief ter druuen leggen 15[regelnummer] Ende spreken miin lief is druue mi Inden wiingaerde uan engaddi Die wiingaert siin alle kerken Die in ware minnen werken Vrucht uan salichliken smake 20[regelnummer] Dair god selue in is die sake Dese heten wel engaddi Merket wat sinne hier in si Engaddi is ons beduut Berne des hokens ouerluut 25[regelnummer] Dair wi die dope bi uerstaen Want die dope sonder waen Is borne die of dwaet die sonden Dair die sondair in wart vonden Die sondair is gheliken den hoeken 30[regelnummer] Want als wijt vinden in boeken So geuet dat hoken altoes stanc Dits den sondair al ghemanc Want die sondair voer gode stinct Die wile dat hem die sonde dwinct 35[regelnummer] Die dope dwaet die sonden af Die ons ihesus cristus gaf Die soete druue uan sire siden Dair wi al mogen of verbliden