Commentaar op het Hooglied

(1975)–Anoniem Commentaar op het Hooglied– rechtenstatus


LV Van goeden werken ende bequame HIer suldi ulitelike nahoren Wat werke in gode siin vercoren Ende welc versmaet. uele luden men vint Die dueget en achten niet een twint 5[regelnummer] Ende siin ter quaetheit altoes gereit Goede werken siin hem leit Sine konnen ghedoghen niet Van anderen luden dat si yet Doen dair salicheit an leit 10[regelnummer] Hair saken maken ondersceit Tuschen gode: ende hem wel zere Want dese versmaet al onse here Hair sielen en hebben wangen niet Dair men in gode bi besiet 15[regelnummer] Ende siin den brudegom onbequame Mer si siin den duuel ghename Dese wanghen sii[n] onrene Sine hebben sake no werke en gene ¶ Noch vintmen ene maniere van luden 20[regelnummer] Die ic v hier wil beduden Die goede werken aneuaen Mer si siin te zere begaen Mit des uleischeliker genoechte Si soeken aldes buucs behoefte 25[regelnummer] Aldoen si werke die goet scinen Si laten se inden vleesch verzwinen Ende werden in sonden ghekeert Hier of wart god niet gheeert Des siin hair wangen onrene 30[regelnummer] Want si mit sonden siin ghemene ¶ Ooc vintmen lude die in gode Werken ende na sinen ghebode Mer om gode en doen sijs niet Den ypocriten is dus ghesciet 35[regelnummer] Die voer die lude scone scinen
[Folio B16vb]
Mer hare voir gode verzwinen Der dueget des ist onbequame Voir gode ende uan groter blame Mer is dat sake datmen doet 40[regelnummer] Doghet om wereltlike goet Te winnen ende om des liues noot Ende doch die meninge te gode stoot Sone ist ghene ypocrisie Mer als ic die wairheit lie 45[regelnummer] So ist in lone ene crancheit Want dair dicken sonden of gheit Hier mede siin ander werken Die wel hebben grote merken Tandren dingen dan in gode 50[regelnummer] Nochtan siin si in sinen ghebode Ende werden slecht om hem gedaen Dese werke suldi uerstaen ¶ Siin marthen werken mit marien Want si hem te gode vlien 55[regelnummer] Al ist sake dat dese werke Van beide wangen die scone merke Volcomen niet en hebben al Doch siin si niet voir gode smal Want martha is altoes bedroeuet 60[regelnummer] Tieghen uele des si behoeuet Al heuet si ulecken een luttelkijn Om sorghen die hair ane siin Si bliuet in gode vast nochtan Want si heeft reine meninghe an 65[regelnummer] Entie consciencie rene Die mit gode is ghemene ¶ Noch vintmen sielen die siin lest Ende uan allen desen best Die beide in gode ende om gode 70[regelnummer] Werken al na sinen ghebode Dese siin uan lieren scoon Ende hebben gheenrande hoon Van vlecken die hem mogen deren Des si hem te rechte keren 75[regelnummer] Inder tortelduuen zede
[Folio W11ra]
Dats in wairre eenuoudichede Dat si mit gode meent andere niet Ooc ander tortelduuen siet Scamelheit is hare maniere 80[regelnummer] Van wandelinghe is si niet fiere In andren voghelen mer si allene Is mit haren gade ghemene Dus sal der sielen eenuoudicheit Allene in gode siin ghemeit 85[regelnummer] Verliest si ooc hare gade Si blijft allene vro ende spade ¶ O salighe siele o salige bruut O salighe kerstenheit al uut Maec dine wangen clair ende rene 90[regelnummer] Wes allene mit gode ghemene Doch alle werken puer in gode Ende hout gaerne gode ghebode Gans in gode mit ghedachte Blijf in gode mit vaster achte 95[regelnummer] Sich in gode mit dinen ghebede Rust in gode mit herten vrede Stant in gode mit vasten zinnen Hang an gode mit vaster minnen Vander werelt sluut di in gode 100[regelnummer] Ende tye uander sonden knode Helse gode ende cusse dan Dus ontgaestu des duuels ban Coemstu bi saken onder tuolc Verneemstu achtersprake dolc 105[regelnummer] Dattie werelt zere nv zaiet Dair men grote sonde of mayet Ontsculdicht moghestu want crancheit Is ons allen scier bereit Tot achtersprake uan dinen naesten 110[regelnummer] Saltu altoes niet toe haesten Bidt ooc dat hem god vergheue Ende emmer voort in dÜechden leue

Vorige Volgende

LV Van goeden werken ende bequame