Commentaar op het Hooglied

(1975)–Anoniem Commentaar op het Hooglied– rechtenstatus


XXVIII Van Sinte Augustijn TRecken heuet in een ghewelt Ende niement is te rechte gestelt Themelrike. die men trecken moet Als ons sinte augustiin doet 5[regelnummer] Verstaen: die ons dus ghewaghet Bedwongen dienst gode mishaghet Dair om sulwijt dus uerstaen Dat in trecken twee sinne gaen ¶ Teen is al an des menschen danc 10[regelnummer] Aldus te trecken dats bedwanc [D]air mede te hemel niement comet Wat mit wille weder scromet Ende dat meent sinte augustijn ¶ Tander trecken dat mach sijn
[Folio B9rb]
15[regelnummer] Van vrien wille ende mit ghehinghen Dat siet men wille wel uolbringhen Want wijt an die kinderen sien Die die moedren na hem tien Dat si hem uolghen sonderlinghen 20[regelnummer] Ooc siet men wel in andren dingen Dat minne die herte so uerwecket Dat deen vrient den anderen trecket Na hem dair hi doch is node Dat comt uander minnen ghebode 25[regelnummer] Dair om is hier of die sin Trecke mi vrient want ic cranc bin Men siet ooc wel datmen trect Wien die stercheit so ghebrect Dat si selue niet mogen gaen 30[regelnummer] Dus is dit al sonder waen Als die bruut hier nv wel ghiet Trecke mi na di want ic niet Bi mi seluen comen mach Dine woirde doen ghewach 35[regelnummer] Die mi wil uolghen die vertie Op hem seluen ende ane mi lie Ende neme siin cruce ende volghe mi ¶ Noch spreecstu een woirt dair bi Sonder mi en moghe di niet 40[regelnummer] Doen: als miin herte dat siet So is in mi cranckeit so groot Dat ic hebbe dire hulpen noot Dair om trecke mi soetelike Na di dat ic ewelike 45[regelnummer] Bliue vast in diinre minnen Want dijn rechterhant heeft binnen Ghenoechlicheit al ten einde Dats ewelijc sonder miswende Trecke mi want ict zere beghare 50[regelnummer] Diins ghebruken sonder vare ¶ Dan mach mi ghescien niet Hier dair is so groot verdriet Mer trecke mi dair du selue bist So bin ic seker soete crist
[Folio B9va]
55[regelnummer] Dan sulwi in den roke lopen Dire saluen mit groter hopen ¶ Ihesus cristus die goedertieren Trect ons them in .ij. manieren Hi louet ons groten loon 60[regelnummer] Te gheuen in des hemels troon Ist dat wi hem willen volghen Sone werden wi nemmer verbolghen Van enigher noot na desen leuen Ooc heeft hi ons dair toe ghegeuen 65[regelnummer] Sine gauen die siin goet Ende alter salicheden spoet Dus trect hi ons als die here den knechte Mit lone te werken sonder plechte ¶ Dair om spreket die bruut ghereit 70[regelnummer] Gif dire ghenaden sueticheit Die mi salichlike uerwecke Ende in dinen weghe trecke Wanttu sijs wech ende wairheit Ende leuen dair men toe gheit 75[regelnummer] Dair om lief so trecke mi In di. mit di. ende te di Dat meent gif mi in di te gaen Want du bist wech laet mi uolstaen In di. die sijs rechte wairheit 80[regelnummer] Ende trecke mi uoort te di ghereit Want du sijs ewelijc leuen Ende om dattu ons dit wilt geuen So sulwi lopen herde zere In rueken diere saluen here 85[regelnummer] Curremus in odorem Vngentorum tuorum vij ¶ Dat wi sullen in ganser hopen Altoes te dire ghenaden lopen Mit begheerten ende mit minnen 90[regelnummer] Als wi dine salue kinnen Dat siin dire gracien werken Die wi billic sullen merken Ende pinen ons mit alre cracht Di te winnen dach ende nacht

Vorige Volgende

XXVIII Van Sinte Augustijn