Commentaar op het Hooglied

(1975)–Anoniem Commentaar op het Hooglied– rechtenstatus


XVI Van drien vreden die Adam brac DOe adam onghehoirsam wart Quam hi in veden swair ende hart Want god enter enghelen scare Veden den mensche langhe dair nare 5[regelnummer] ¶ Drierhande vrede hi verloes Bi onurede die hi vercoes ¶ Deerste was die vrede des tijts Want des haets ende des nijts Wart uele op airtrike ende noch is 10[regelnummer] ¶ Dander is herten vrede ghewis Die ons adam hadde verloren Des wi noch dicken liden toren ¶ Die derde was vrede der ewicheit Die allen menschen was ontseit 15[regelnummer] Eer dat suete kint ihesus Der menscheit gaf des vreden cus Dair hi ons mede weder gaf Den urede die ons adam nam af ¶ Ter eerster bruloft quam die vrede 20[regelnummer] Des tijts hier of seit ter stede Een prophete dese woort Vrese sal siin als hi comt voort Entie enghelen singhen vrede Den luden uan goederwillichede 25[regelnummer] Dit was ter werelt openbare Want in alle sine iare Was ouer al die werelt vrede
[Folio B5rb]
Ende pais in ghestadichede ¶ Des herten vrede ons god ooc brocht 30[regelnummer] Inder kerstenheit brulocht Want doe hi was van dode verresen Als wi inder ewangelie lesen Sprac hi mit sinen sueten monde Sine iongheren te menigher stonde 35[regelnummer] V si vrede den latic v Ic gheue v pais ende vrede nv Desen vrede ontfinc die bruut Inden apostolen ouerluut Want die heilige .xij. gods boden 40[regelnummer] So wat si leden in menighen noden Hare herten worden niet ontsat Van ureden om dit noch om dat Mer si bleuen al ghestade In herten urede uan gods ghenade 45[regelnummer] ¶ Dair na doe die kerstenheit Vaste meerde ende wart breit Mit confessoren ende martelaren Ende mit magheden harentare Al leden si die bitter doot 50[regelnummer] Ende menigherande pine groot Nochtan worden si niet quijt Des herten urede tenigher tijt Mer si ontstonden in allen steden Ende sterkeden in verduldicheden 55[regelnummer] Ende noch heeft uast die kerstenheit Des herten vrede so wat leit Of verdriet hair ouer gaet Si bliuet in des vreden staet Ende sal ooc in antekerst tiden 60[regelnummer] Die anxtelijc op hair sal striden Des herten urede niet vertien Want si sal vaste an gode lien Dair si emmermeer sal mede Winnen eweliken vrede 65[regelnummer] Dats die vrede der ewicheit Dair hier voren of is gheseit Dair ysayas uele of sprect
[Folio B5va]
Miin uolc sal sitten wel bedect In des ureden scoenheit groot 70[regelnummer] In die woninghe sonder ghenoot Ende in rikeliker rusten Veruult uan allen herten lusten Dese vrede wart ghegheuen Der bruut gods na desen leuen 75[regelnummer] Inder brulocht die dan beghint Daer men niet dan vrede en vint Ende vroude sonder vergaen Want dat ewelike sal staen Ende want cussen een teken is 80[regelnummer] Des vreden ende der minnen ghewis Dair om begaert altoes die bruut Gods cussen dair mede gaet wt Al onurede : ende pais gaet in Inder salicheit ghewin 85[regelnummer] Ende spreket recht in desen woort Die si uan minnen bringhet voort Hi cusse mi uan sinen monde Mitten cussen talre stonde Dats geue mi urede ende sine ghebode 90[regelnummer] Dair ic mede uolsta in gode Ende bliue gheuest in sire minnen Die ic beghere mit allen sinnen

Vorige Volgende

XVI Van drien vreden die Adam brac