Commentaar op het Hooglied

(1975)–Anoniem Commentaar op het Hooglied– rechtenstatus


XIIJ Hoe God ander menscheit quam DOe gods minne niet en vant Die menscheit so ghereet te hant Dat hem conde yemen voeghen Dair toe dat hi gode ghenoeghen 5[regelnummer] Mochte. so dat hi wairdich ware Gode tontfaen openbare Does vercoes gods minne vut Ene maghet ende ene bruut Die uan allen sonden vri 10[regelnummer] Was ende ootmoedich dair bi So dat si gode an hare toech Mit oetmoeden die te voren vloech Vanden mensche om siin oetmoet Dit was maria die maghet goet 15[regelnummer] Gabriel die trouwe bode
[Folio B3rb]
Wart ghesent te hare van gode Die hair dat wel liet verstaen Dat si den gods sone soude ontfaen Ende si soude die gone wesen 20[regelnummer] Dair alle menschen bi souden genesen Een kint soude uan hair comen Dat men ihesus soude nomen Dat soude mensche siin ende god Ende ouer al gaen siin ghebod 25[regelnummer] ¶ Hier of wort die reine maghet Bi reden salichlike versaghet Si wiste wel dat in haren sin Mans begheerte niee quam in Dair men kinder bi naturen 30[regelnummer] Menschelike mochte of bÜren Mar die enghel gabriel Troeste dese maghet wel Ende sprac dat uan gode soude sijn Dat si ontfinghe dat kindekiin 35[regelnummer] Die heilighe geest soude in hair comen Bi dien soude si tonser vromen Een kint ontfaen ende ghebaren Ihesus soude het heten twaren Maria die wel was bereit 40[regelnummer] Alte doene dat god beheit Si antwoirde den enghel doe Siet hier gods dierne ende hoe Dine woirde nv siin gheuallen So ghescie mi oec mit allen 45[regelnummer] Merke mensche na desen duden Dese woirden te rechte luden Hi come ende cusse mi Des bruut ic te rechte si Cussen dat is mont an mont 50[regelnummer] Ghedincket ende maect vrienscap cont ¶ Dair om sprac die reine maghet Die in gode dat wel behaghet Gods mont dair siin woort vut gaet Cusse mi ende gheue mi raet 55[regelnummer] Ende wat siin wille is dat ghescie
[Folio B3va]
In sinen wille gheuic mie Die heilighe gheest quam hair doe in Ende gaf hair der godheit ghewin Dair si ihesum of ontfinc 60[regelnummer] Ende maghet ende moeder dair mede ginc Al na moederliken zede Mer ghene vlecke was dair mede Noch geen wee noch geen swairheit Aldus quam doe die menschelicheit 65[regelnummer] Mitter godheit alte samen Dit was ene brulocht sonder scamen Dus is der minnen wille uolgaen Nu god die menscheit heuet ontfaen

Vorige Volgende

XIIJ Hoe God ander menscheit quam