De C.L. psalmen des conincklijcken propheten Davids

Op de Begraeffenis.

Op de Voys: Alst begint.

NV laet ons t'lichaem begraven,
Daer aen gheen twijffel meer dragen,
Hy sal ten Jongsten Dach opstaen,
En onverderff'lijck her voor gaen.

2. Aerd' is hy, end van der Aerden,
Sal oock tot Aerd' weder waerden,
End vander Aerd' weder opstaen,
Als Gods Basuyne sal aenslaen.

3. Die Siele leeft Eewich in Godt,

[fol.  CCLvij.r]

 

Diese al hier wt Louter Gnaed',

 

Van alle Sond' end Missedaet,

 

Door synen Soon Verlosset haedt.

 

4. Syn Jamer, droeffnis end Eleynd',

 

Is comen tot een Salich Eynd',

 

Hy heeft ghedraghen Christus Joch,

 

Hy is ghestorven en leeft noch.

 

5. De Ziele Levet sonder Clach,

 

T'lichaem slaept t'aen den Jongsten Dach,

 

Godt sal hem verclaeren subijt,

 

In d'Eewich Vreuchde met jolijt.

 

6. Hier is hy in Ancxt ghewesen,

 

Maer sal hier nae wel ghenesen,

 

In d'Eewich Vreught en blijschap fijn,

 

Lichten ghelijck der Sonnen schijn.

 

7. Nu laten wy hem hier Slaepen,

 

End gaen all' tHuys onser Straeten,

 

Bereyden ons met allen Vlijt,

 

Want de Doot ons verschoonet niet.

 

8. Des help ons Christus onse Troost

 

Die ons door syn Bloet heeft Verloost,

 

Van 's Vyants Macht end Eewig' Pijn,

 

Hem sy Lof, Prijs, end Eer Alleyn.