De C.L. psalmen des conincklijcken propheten Davids

Danckliedt nae de Maeltijt

Op syn eyghen Voys: Alst begint.

O Godt wy Dancken dijner Goet,
Door Christum onsen Heeren,
Voor dijne Weldaet Overvloet,

[fol.  CCLj.r]

 

Door welck ghy gaet gheneeren,

 

All' wat Aesem ontfanghen heeft,

 

Ghy die hen haer behoefte gheeft,

 

Dy geschiet Loff, Prijs, end Eere, (Eere.)

 

2. Als ghy nu HEER gespijset vast,

 

Het Lichaem dat verdervet,

 

Soo laet de Siel oock zijn dijn gast,

 

Die door dy nimmermeer stervet,

 

Dijn heylsaem Woort haer Spijse sy,

 

Tot dat sy heel vercrijghe dy,

 

In Eewicheyt betrouwen.

 

3. Loff, Eer en Danck tot alder Tijt,

 

Dy Vader hooch hier boven,

 

Ghy die ons maeckt de Sonde quijt,

 

Door een Oprecht Gheloove,

 

Aen dijnen Eengheboren Soon,

 

Dat wy met hem in HEmel schoon,

 

Dy Eewich prijsen Amen.