De C.L. psalmen des conincklijcken propheten Davids

Het morghenliedt.

Op de Voys: Alst begint.

ICk Danck dy lieve HEERE,
Dat ghy my hebt bewaert,
In desen Nacht so seere,
Daer in ick lach beswaert,
Met Duysternis Omvanghen,
Daer toe in groote Noot,
Daer wt ben ick Ontgangen,

[fol.  Ccxlix.r]

 

Holpt ghy my HEEr mijn Godt.

 

 

 

2. Met danck wil ick dy loven,

 

Ghy mijn Godt ende HEER,

 

In Hemel hooch daer boven,

 

Den dach my oock toe keer,

 

Waerom ick gae Aenbeden,

 

End dijnen Will' mach zijn,

 

Leyd' my in dijnen Zeden,

 

End breeck den Wille mijn.

 

 

 

3. Dat ick (HEER) niet Affwijcke

 

Van dijnen rechten Baen,

 

Die Vyandt niet beslijcke,

 

End my doe Dwalen gaen,

 

Behoudt my door dijn Goede,

 

Dat bidd' ick vlijtich dy,

 

Voor s'Duyvels List end Woede,

 

Als hy Aenvechtet my.

 

 

 

4. Help my t'Gelooff wel vaeten,

 

Aen dijn Soon JEsum Christ,

 

Wilt all' mijn Sond' verlaten,

 

Want ghy Ghenadich bist,

 

Ghy sult my niet Affslaghen,

 

Als ghy Belovet bly,

 

Dat hy mijn Sond' heeft draghen,

 

End my ghemaecket vry.

 

 

 

5. Die Hoping' my oock geve,

 

Die niet verderven laet,

 

Daer toe een Christlijck Lieve,

 

Tot dien, die my doet quaet,

[fol.  Ccxlix.v]

 

Dat ick hem noch beminne,

 

Niet soeck' daer in het mijn,

 

Met Lieffde goet van sinne,

 

Al nae den Wille dijn.

 

 

 

6. Dijn Woort laet my belijden

 

Voor s'Werelts Overmoet,

 

Dy dienen t'allen tijden,

 

Niet achten Gelt noch Goet,

 

Dat my haest mocht Aff leyden,

 

Van dijner Waerheyt Claer,

 

Wilt my (HEER) niet Affscheyden

 

Van dijn Christlijcke Schaer.

 

 

 

7. Laet my den Dach voleynden,

 

Tot Loff des Naemes dijn,

 

Dat ick van dy niet weynde,

 

Aent Eynd' bestandich zijn,

 

Behoed' my Lijff end Leven,

 

Daer toe die Vrucht int Landt,

 

Wat ghy my hebt ghegeven,

 

Staet all' in dijner Handt.