De C.L. psalmen des conincklijcken propheten Davids

Mangnificat,

Op de Voys: Alle hier nae volghet.

1. MYn Ziele verhevet den HEEren
2. End mijn gheest verblijdt hem in Godt mijn Heylandt.
1. Want hy heeft die Elendicheyt syner Maghet aenghesien,
2. Siet voortaen sullen my Salich prijsen alle Kindes kinde.

[fol.  Ccxlviij.v]

 

1. Want hy heeft groote Dinck aen my ghedaen, die daer Machtich is,

 

2. End diens Name heylich is.

 

1. End syne Barmherticheyt duert ymmer voor end voor,

 

2. By den genen die hem Vreesen.

 

1. Hy bethoont Macht met synen Arm

 

2. End verstroyt die Hovaerdich syn in haeres Herten sin.

 

1. Hy stoot die Geweldigen van den stoel,

 

2. End verhoocht die Neddrighen.

 

1. Die Hong'rigen vervult hy met Goeden,

 

2. End laet die Rijcken ledich.

 

1. Hy gedencket aen Barmherticheyt,

 

2. End helpt synen Dienaer Israel.

 

1. Als hy belovet heeft onsen Vaed'ren.

 

2. Den Abraham end synen Zaede Eewichlijck.