De C.L. psalmen des conincklijcken propheten Davids

Te Deum Laudamus.

1. HEER GOdt wy Loven dy,
2. Heer Godt dy Dancken wy,
1. Dy Vader in Eewicheydt,
1. Alle Engelen ende HEmels heyr,
2. Eert die Werelt wijt end breydt,
2. Die dienen dy met grooter Eer,

[fol.  Ccxlvij.r]

 

 

1. Oock Cherubim end Seraphim,

 

2. Singhen altijdts met luyder stem.

 

1. Heylich is onsen GOdt.

 

Heylich is onsen GOdt.

 

1. & 2. Heylich is onse Godt, de HEEre Zebaoth,

 

1. Dijn Godtlijcke Macht end Heerlijckheyt,

 

2. Gaet over HEmel end Aerde breyt.

 

 

 

1. Der Heylighen Apostel Tal,

 

2. End die lieve Propheten al.

 

1. Die dierbaer Martlaers altemael,

 

2. Loven dy Heer met groot geschal.

 

1. Die heel weerdighe Christenheyt,

 

2. Roemt dy op Aerden Alle tijdt.

[fol.  Ccxlvij.v]

 

1. Dy Godt Vader in hoochsten throon,

 

2. Dijnen Eenighen gheboren Soon,

 

1. Den heylighen Gheest den Trooster weerd'

 

2. Met rechten Dienst hem Loeft end Eert,

 

1. Ghy Coninck der Eeren Jesu Christ

 

2. God Vaders Eewig' Soon ghy bist,

 

1. Des Maechts Lichaem hebt niet versmaet,

 

2. Om te verlossen t'Menschelijck Zaet.

 

1. Ghy hebt verstoort des Doodes macht

 

2. Alle Christen ten HEmel bracht,

 

1. Ghy sitt ter Rechten GOds gelijck,

 

2. Met alder Eer ins Vaders Rijck.

 

1. Een Rechter ghy toecomend' zijt,

 

2. Over Dooden end Levend' wijt.

 

 

 

 

 

Tsamen knielende.

 

 

1. O HEER wy Vermanen dy, Ghy wilt dijnen Geloovigen behulplijck zijn,

 

Die ghy Verlosset hebt, Met dijnen duyrbaren Bloede.

 

 

 

1. Laet ons in den HEmel hebben deyl

 

2. Met den Heylighen Eewich Heyl.

[fol.  Ccxlviij.r]

 

1. Helpt doch dijn Volck HEEr JEsu Christ,

 

2. Ghebenedijdt wat dijn Erffdeel is.

 

1. Bewaertse end besorcht Altijdt,

 

2. Verheftse hooch in Eewicheyt.

 

1. Wy Loven dy HEER daghelijcx,

 

2. End Eeren dijnen Naem altijdts.

 

1. Bewaer ons steets ghetrouwe Godt

 

2. Van alle Sond' end Missedaet.

 

1. Zijt ons Ghenadich HEEre Godt

 

2. Zijt ons ghenadich in aller Noot.

 

1. Bethoont ons dijne Barmherticheyt

 

2. Ghelijck ons Hoping' aen dy leydt.

 

1. Op dy betrouwen wy lieve HEER,

 

2. Laet ons in schande nimmermeer.

 

(AMEN)