De C.L. psalmen des conincklijcken propheten Davids

Psalm. CXXXVIII. Confitebor.

Op de Voys: Door Adams Val is gantsch verderfft.

VAn gantscher Herten Danck ick dy,
End wil dy (HEER) Loffsingen,
Voor al den Gooden, want ghy my
By staet in allen Dinghen.
Dies wil ick dy, Aenbidden vry,
In dijne Heyl'ge Steede,
En dancken seer, dijn Name HEER,
Voor dijn Trouw' end goetheede.

2. Want over alle Ding' hebt ghy
Ghemaecket groot dijn Name,
Door dijn Woort, daer tot allen Ty,
Die Werelt thoont syn Blame.
Maer so wanneer, Ick dy bid' HEER
So wil my doch verhooren,

[fol.  CLxvij.v]

 

En laet oock snel, mijn Siele wel

 

Dijns Geestes Cracht Orbooren.

 

 

 

3. Die Coninghen al Dancken dy,

 

Den hoochsten Prijs dy geven,

 

Dat sy dijn Woort nu hooren bly,

 

End singhen op den Weghen

 

Des HEEren mijn, dat d'Eere zijn,

 

Sy groot, Onsprekelijcken,

 

Want Godt is hooch, En siet dan noch

 

Het Nedrigh' op Aertrijcke.

 

 

 

4. Hy kent die Stouten Allegaer,

 

Van verd' end oock van Wijde,

 

Al Wandeld' ick in Droefheyt swaer,

 

By quaet Volck, t'Allen zijden,

 

Sult ghy my doch Heer onder t'Joch

 

Verquicken end behouwen,

 

En met dijn Handt, mijnen Vyandt,

 

(Als hy is gram) Benouwen.

 

 

 

5. My helpen sal dijn Rechter Handt,

 

End Eynden mijne saecken.

 

Want Heer ghy condt het doen Valyant

 

Voor my sult ghijt wel maecken,

 

Dijn goetheyt Heer, duert Immermeer

 

Dies laet om dijnen Name,

 

Twerck dijner Hand', niet gaen te schand,

 

Door JEsum Christum Amen.