De C.L. psalmen des conincklijcken propheten Davids
(1625)–Anoniem De C.L. psalmen des conincklijcken propheten Davids–
AuteursrechtvrijOp de Voys: Het wil ons Godt ghenadich zijn, etc.NV siet hoe fijn end Lief'lijck ist,
Recht Broederlijck te Leven,
Tot eenicheyt in Jesu Christ,
Van Herten hem begheven.
| |
[Folio CLxiij.r]
| |
Want Eenderley ghesinnet zijn,
Doet d'Een den And'ren Bouwen,
End hem selffs Matich houden fijn,
Daer mach de Lieffde Trouwen,
End voor gheen Valscheyt grouwen.
2. So Cost'lijck en mocht niet gezijn
Die Balsem Zalve meede,
Die van t Hooft Arons vloeyde fijn
In synen Baert end Cleede,
Als Costlijck is Eendrachticheyt,
Der Christenheyt vol Eere,
In s'HEEren Woort so wel bereydt,
Eendrachticheydt al meere,
Behaghet Godt den HEERE.
3. Den Dauwe van den Berch Hermon
Mach so ghewenscht niet comen
Op den Berch dorstich van Zyon,
Tot Laeffenis der Vromen.
Als Costlijck is des Gheestes Cracht,
Die wercket sulck Eendrachte,
By Godes Volck van Gheeste saecht,
Dat syn Woort houd' in Achte,
End syn Ghenaed' verwachte.
4. Want daer wil selffs de milde Godt
Syn Seegen heyrschen laten,
Met Troost end Hulp in Aller Noot,
Ons comen all' te Baten,
Belovende daer toe noch mee
In dees' Elend' te gheven
| |
[Folio CLxiij.v]
| |
In desen Leven Rust end Vreed',
En daer nae d'Eewich Leven,
Door JEsum Christum Amen.
|
|