De C.L. psalmen des conincklijcken propheten Davids

Psalm. CXXXIIII. Ecce nunc be.

Op de Voys: Van HEmel quam der Enghel schaer.

SIet nu end Looft den Heer met vlijt,
Ghy all' die s'Heeren Knechten zijt,
Ghy die in syn Huys s' Nachtes staet
Dient synen Naeme Vroech end Laet.

2. Hefft uwe Handen op met Eer,
Int Heylichdom end Looft den HEEr
Van Herten reyn end wel Bereydt,
Hem dient in alder Heylicheydt.

3. De HEEre die daer Eewich Leeft
Wt Zyon u syn Seghen gheeft,
Die HEmel ende Aerde beyd'
Wt niet heeft maeckt end wel bereydt.