De C.L. psalmen des conincklijcken propheten Davids

Psalm. CXI. Confitebor tibi Domi.

Op de Voys: Nu vreucht u Lieve Christen ghemeyn.

HEER hartlijck wil ick dancken dy,
Hier in der Vroomen Raede,
End Loven in die G'meynte bly,
Groot syn des HEEren Daede.
Wies' Acht, heeft Enckel Lust daer aen
Tis Heerlijck (wat hy maeckt) ghedaen,
Syn G'rechticheyt blijft Eewich.

2. Hy heeft een Heuch'nis op ghericht,
Die HEER Barmhertich preesen,
Syn Wond'ren te vergeten nicht,
Hy Spijset die hem Vreesen,
Ghedenckend' Eewich aen syn Bondt,
Hy laet syn Volcke maecken Condt
Syn Macht en syn Weldaden.

3. Godt sal door syn Rechtveerdicheet
Der Heyden Erffgoet gheven,
Syn Wercken syn tot ons gheneet,
Waerheyt en Recht daer neven.

[fol.  Cxxxiij.v]

 

Al syn Gheboden heerlijck syn,

 

Bestaen altoos end eeuwich fijn,

 

Ghemaeckt trou en waerachtich.

 

 

 

4. Syn Volck hy een Verlossing' sendt

 

Houdt syn Verbont oock Eerlijck,

 

Op dat syn Naem sy wel bekendt,

 

Die Heylich is en Heerlijck.

 

De Vrees des HEEren is voorwaer

 

Der Wijsheyt Aenvang gants en gaer,

 

Behoedt in allen Nooden.

 

 

 

5. Het is een schoone Cloeckicheyt

 

Die haer daer nae gaen stueren,

 

En die GOdt Prijsen al bereyt,

 

Syn Loff sal Eewich dueren.

 

Nu ghy syn Volck voecht u te saem,

 

Loff singht van Herten s'Heeren Naem,

 

En spreeckt all' vrolijck Amen.