De C.L. psalmen des conincklijcken propheten Davids

Psalm. LXVII. Deus Misereatur.

Op de Voys: Het wil ons Godt ghenadich syn: Als hier nae volghet.

HEt wil ons Godt ghenadich zijn,
End' synen Seghen geven,
Sijn Aensicht ons met claren schijn
Verlicht ten Eew'ghen Leven.
Dat wy bekennen syne Werck,
End' wat hem Liefft op Eerde,

[fol.  Lxxvj.r]

 

 

End' JEsus Christus Heyl en sterck,

 

Bekent den Heyden weerde,

 

End' haer tot Godt bekeeren.

 

 

 

2. So dancken Godt en Loven dy,

 

Die Heyden over alle.

 

End' all' de Werelt haer verbly,

 

En sing' met groot gheschalle,

 

Dat ghy op Aerden Rechter bist,

 

Dat Sond' niet mach Domineren.

 

Dijn Woort die Hoed' en Weyde is,

 

Die alle t' Volck Regieren,

 

In Rechter Baen te Wand'len.

 

 

 

3. Het Dancken Godt, en Loven dy,

 

Dat Volck in goeden Daden.

 

Dat Landt brengt Vrucht, en t'Betert vry,

 

Dijn Woort is wel gheraden.

 

Ons Segen Vader ende Soon,

 

Ons Segen Godt de Heylig' Gheest,

 

Dien alle Werelt Eere schoon,

 

End' voor hem Vreesen aldermeest,

 

Nu spreeckt van herten Amen.