De C.L. psalmen des conincklijcken propheten Davids
(1625)–Anoniem De C.L. psalmen des conincklijcken propheten Davids–
Auteursrechtvrij
[Folio Liiij.v]
| |
Op de Voys: Nu vreucht u lieven Christen ghemeyn.GHy alle Volck in alle Landt,
Juycht Godt met bly gheschalle,
De Alderhoochste Heer bekant
Is schricklijck over alle.
Een Coninck opt gheheel Aertrijck,
Seer sterck, Jae niemant syns ghelijck
Al hier int Aertsche Dalle.
2. Hy onder ons bedwonghen gheeft
Die Volcken al te samen,
Wt Lieffd' hy ons Vercoren heeft
Tot syne Erffghenamen,
Met Vreuchden en met grooter Eer,
Is op ghevaren Godt de HEER,
Loffsingt hem al te samen.
3. Loffsinghet Godt die Coninck is,
Loffsingt hem al u Leven,
Des Werelts HEER is hy ghewis,
Den Loffsangh' hem wilt gheven,
Godt is een Coninck nae t' Betaem,
Hooch over alle Heyden tsaem,
Op synen Heyl'ghen Stoele.
4. Die Heyden en die Vorsten vroom,
Die moeten haer begheven,
Den rechten Godt des Abraham,
Wel Eenich te verheven,
| |
[Folio Lv.r]
| |
Want onsen Godt betaemt die Eer,
En wort nu wel verhooghet seer,
By Princen hier op Aerden.
|
|