De C.L. psalmen des conincklijcken propheten Davids

Psalm XXIII. Dominus regit me.

Op de Voys: Door Adams val is heel verderft.

[fol.  xxiiij.r]

 

DIe HEEr is selfs die Herder mijn,

 

Dies sal my met Faelgieren,

 

Geern wil ick oock syn Schaepken zijn,

 

Nae syn Goetheyt my keeren,

 

Want hy door zijn Ghenade goet,

 

My, daer veel Gras is Weydet,

 

En my een varsschen Water soet,

 

Sijns Heyl'gen Gheestes leydet.

 

 

 

2. Mijn Siel verquict hy boven maet,

 

Maeckt mijn Ghemoet sijn stille,

 

Hy leydt my op de Rechte straet,

 

Alleen om zijn Naems wille,

 

Al wandeld' ick int Jamerdael,

 

Daer veel gaen treuren seere,

 

Nochtans en vrees ick quaet noch quael,

 

Want ghy bendt met my HEEre.

 

 

 

3. HEEr dijn Stoc end' staff troosten my,

 

End' teghen mijn Vyande

 

Een salich Disch bereydt hebt ghy,

 

Dat ick niet coem' en schande.

 

Welrieckend' Water op mijn Hooft,

 

Daer met ghy my vereeren,

 

Vol Troostes schenckt ghy mijn Geloof,

 

Hoe wel condt ghy Tracteeren.

 

 

 

4. Dijn Goetheyt en Barmherticheyt

 

Die sullen by my blijven,

 

Mijn leven lang' in Eewicheyt,

 

Also mach ick beclijven,

 

Ins HEEren Huys ghestadichlijk,

[fol.  xxiiij.v]

 

Dat ick Aendachtich singhe,

 

End' mijnen Loop Godtsalichlijck

 

Ins HEEren Naem volbrenghe