De C.L. psalmen des conincklijcken propheten Davids

Psalm. XX. Exaudiat te Domi.

[fol.  xx.r]

Op de Voys: Door Adams Val is gantsch verderft.

DE HEER verhoor dy inder Noot,
GOdt Jacobs dy behoede,
Wil seynden dy syn Hulpe vroet,
En stercken dijn Ghemoede,
Die HEER wil dijn Spijsoffer goet,
Ghedencken al te same,
Dijn Brandoffer behaghen moet
End' wesen aenghename.

2. Hy gheeff all' dijns Herten begeer,
Vervull' al dijn Aenslaghe,
Wy roemen van dijn Hulpe Heer,
In onses GOdes Name,
Soo vueren wy die Vane vry,
Die HEERE wil daer neven,
Dijns Herten wensche maecken bly,
End' dijn Ghebedt dy gheven.

3. Nu merck ick end' is openbaer,
Die HEER alleyn moet Raden,
Sijn Tempel daer doet hy verhoor,
Sterck helpt syn Handt van quaden.
Op Ros end' Waghen hem verlaet,
Die Vyandt die ons Plaghen,
Nochtans met schanden hy bestaet,
Moet eyndtlijck heel vertzaghen.

4. Wy dencken alleen aen den Naem
Des HEERen onses Godes,
Die Vyant moet al t'onder gaen,

[fol.  xx.v]

 

Met vrees en quael des Doodes,

 

Maer opgherecht staet onsen moet,

 

Help HEER dat ons verhoore

 

Den Coninck, als in onse noot,

 

Wy roepen tzijnen oore.