De C.L. psalmen des conincklijcken propheten Davids

Psalm VI. Domine ne in furore.

Op de Naevolghende Voys:

Wt dieper Noot,

ACh HEEr straft niet in dijnen thoorn
Castijdt niet grimmich seere,
Ontfermt u, oft ick ben verloorn,
Mijn cracht vermach niet meere,
Mijn Lijf en Ziel syn heel verschrickt,
Ist dat ghy HEEr my niet verquickt,
Hoe mach ick langher dueren?

[fol.  v.v]

 

2. HEEr help mijn Siel wt Ancx end Noot,

 

Om dijner Goetheyt wille,

 

Prijst u doch niemant in den Doot,

 

Noch danckt u in der Helle,

 

Van sufften ben ick also mat,

 

Dat d' Nachtes is mijn Laegher nat

 

Van Tranen end' van sweete.

 

 

 

3. Mijn Aengesicht van Treuricheyt

 

Is Oude end' heel vervallen,

 

Van allen kanten swaricheyt

 

Heeft my seer overvallen.

 

HEer woud' ghy nu mijn Trooste zijn

 

Verquicken d'Lijf end' Ziele mijn,

 

Vrymoedich soud' ick segghen.

 

 

 

4. Wijct af van my all' quaet gespuys,

 

Met schanden moet ghy wijcken,

 

Draghen so helpt de Here mijn Cruys,

 

Syn Hulpe doet hy blijcken.

 

Mijn Tranen syn al wel bestaet,

 

Die Vyand' hy verschricken gaet,

 

Subijtelijcx all' te schanden.