De C.L. psalmen des conincklijcken propheten Davids

Psalm. VII. Domine Deus meus.

Op de Voys: Waer GOdt niet met ons deser Tijdt.

MYn Godt want ick op dy betrou,
Redd' my van mijn Vyanden,
Dat hy niet als een Leeuw seer gou,

[fol.  vj.r]

 

Veerscheur mijn Siel met schande,

 

HEEr mijn Godt heb ick so ghedaen,

 

Als sy my over segghen gaen,

 

Is Onrecht in mijn Handen.

 

 

 

2. Is yemant oyt van my beschaet

 

Die Vrede houden wilde,

 

Jae heb ick oyt oock dien verhaet

 

Die my verhaten wilde,

 

So laet den Vyant vinnich syn,

 

Verpletten Siel end' Leven mijn,

 

Mijn Eer int Stoff vernielen.

 

 

 

3. Den Vyant (Heer) is heel vergramt,

 

Toornich wilt u verheven,

 

End' helpt my weder in dat Ampt,

 

Dat ghy my hadt ghegeven,

 

Op dat het Volck verstroyet nu,

 

Hem mach vergaedren wert tot u,

 

Jae daerom wilt verschijnen.

 

 

 

4. De HEER is Rechter over al,

 

Can Proeven Hert end' Nieren,

 

Daerom mijn Saeck hy Rechten sal,

 

Nae mijn Onschult my stieren,

 

Daer t'ondergaet Godloosicheyt,

 

Bevordert wort Gherechticheyt,

 

Mijn Schilt is Godt de HEERE.

 

 

 

5. Godt is rechtveerdich int Gericht,

 

Een Godt die daghelijcx dreyghet,

 

All' die haer noch bekeeren nicht,

 

Maer syn tot quaet gheneyget,

[fol.  vj.v]

 

Daer is syn Sweert al scherp gewet,

 

Syn Boogh' ghespant, syn Pijl ghereet

 

Gheheelijcks te verderven.

 

 

 

6. Mach yemant syn soo boos van sin,

 

Om ander te beswaren,

 

Nochtans en heeft hy gheen ghewin,

 

Maer Faulte moet hy baren,

 

Hy graeft een cuyl wel diep end' wijt,

 

Valt selfs daer in tot zijnder tijdt,

 

Hem mach niemandt bevrijen.

 

 

 

7. Zijn ongeluck hem comen moet,

 

Om all' zijns Wrevels wille,

 

Den HEERE wil ick dancken soet,

 

Hoe soud' ick swijghen stille,

 

Want zijn Gherechticheyt is vroet,

 

End hy is d' Alderhoochste goet,

 

Ghelooft moet zijn syn Name.