De C.L. psalmen des conincklijcken propheten Davids
(1625)–Anoniem De C.L. psalmen des conincklijcken propheten Davids–
AuteursrechtvrijItem: Op de navolgende Voys. HElp Godt hoe gaet het immer toe,
Dat alle Volck soo grimmet,
Die Vorsten, Adel oock alsoe,
Alleens sijn sy ghesinnet,
Om wederstaen des HEEren handt,
| |
[Folio II.r]
| |
 End' Christo dien ghy hebt ghesandt,
Om alle Werelt te helpen.
2. Sy willen onberispt gaer
Gaen leven nae haer sinne,
Verwerpen dijnen Raet van haer,
End' wat ghy leert daer inne,
Sy gaen al nae haers Herten waen,
Een yeder op zijn eygen baen,
En laten haer niet weeren.
3. Maer ghy hooch in des HEmels staet,
O Godt sult sy belachen,
Bespotten haren besten Raet,
End' all Aenslagh verachten,
Met Thoorn sult ghyse spreken aen,
En straffen t'gunt by hun ghedaen,
Met grim sult ghyse schrecken.
4. Die HEEr heeft syn Coninck geset
Christum, dien ghy vercleynen,
Op Zyon Heylich nae syn Wet,
Al over syn Ghemeyne,
Dat hy vercondigh' over al,
Des Vaders sinn' end' welgeval,
End' syne Wet ons leere.
5. Hy sprac tot hem, ghy zijt mijn Soon
| |
[Folio II.v]
| |
Huyd' heb ick dy gheboren,
Oock vanden Doot verwecket schoon,
End' in dy wtvercoren,
Voor Erven end' voor Kinder mijn,
Die g'looven aen den Name dijn,
Dat sy al door dy leven.
6. Die Heydens wil ick schencken dy
Mijn Soon tot eenen Erve
Op dat door dijnen woorde vry,
Haer vleesches lust verderve,
Een nieuw Volck sult ghy voeren aen,
Dat mijnen Naeme prijsen can,
Hier over al op Aerden.
7. Daerom ghy Coning' mercket hoe
Ghy u sult laten leeren,
End' desen Coninck hooren toe,
Houden zijn Woort in eeren:
Op dat ghy leert Godt vreesen goet,
End' hoe t'hert hem betrouwen moet,
Dat heet Godt recht wel dienen.
8. Aenneemt die straffe willichlijck,
Dat niet en thoorn die HEEre,
Houdt hem voor ooghen stadichlijck,
End' leeft nae synder Leere,
Als syn Thoorn, als een Vuyr aengaet
Wie is dan die voor hem bestaet?
Dat syn die hem betrouwen.
|
|