De C.L. psalmen des conincklijcken propheten Davids

[fol.  I.r]

De Psalmen Davids.

Psalm. I. Beatus vir.

Op de Voys, Het is dat Heyl ons comen her. Item: Op die navolghende Voys.

WEl salich dien, die niet en gaet,
Ten raede der Godloosen,
Noch op der Sondaers wegen staet
Noch sitt by spotters boosen,
Maer heeft zijns herten lust alleyn
Aen s'Heeren Wet heylich en reyn,
Spreeckt daer van Dach end' Nachte.

2. Sal wesen als een Boom gheplant
By goede Water beecken,
Hy brengt in tijts zijn Vrucht playsant,

[fol.  I.v]

 

Sijn Bladen niet verbleecken,

 

Wat hy aenvaert, is wel ghedaen,

 

Daer die Godloos' verstuyven gaen,

 

Als kaff al voor den Winde.

 

 

 

3. Die Godloos' sullen int gericht,

 

Niet moghen staende blijven,

 

Die Sondaers moghen in den Sticht

 

Der Vromen niet beclijven.

 

Want Godt kent der gerechten wech,

 

Maer Godloos wesen, (tis sijn recht)

 

Sal eyndtlijck heel verdwijnen.