Het Christalyne spieghelken



[pagina 82]
Van het Roose-kransken Van de heylighe Maghet Maria.
Op de wijse: Est-ce Mars ce grand Dieu, &c. ROose-kransken van Marie V zy lof. In u lof ick my verblije, Gheenen Hof Sulck en gheeft, sulck’ en heeft, Gheen blommeken soo schoon Als op dees croon.
[pagina 83]
Daer en zijn gheen eglentieren Soo vol jeught, Soo bequaem u te vercieren, Soo vol vreught, Ghy verschoont, ghy becroont, O Roose-krans, de Maeght, Als sy u draeght. Daer en zijn gheen sulcke Rosen Sulck gheen gheur, Die ghedurigh staen en blosen Winter deur Dese staen, die vergaen, Dees Roose-krans blijft groen t’Allen saysoen. Die u dese Krans wilt vlechten Suyv’re Maeght. Suldy by-staen in sijn vechten, Als hem jaeght d’Helsche beest, d’helschen gheest, En sult met soet gheweldt Doen houden ‘tveldt. Ghy sult die wel helpen strijden, Die u eer Hier in droefheydt, end’ in lijden Soecken meer; Want ghy zijt, die wel strijt: In leven ende doodt Helpt uyt den noodt.
[pagina 84]
Als ick u Maria croone Met dees Croon: Wat sal ick krijghen te loone, Maghet schoon? Ghy sult my, komen by, En gheven voor een loon Des Hemels croon.