|
| |
[1486]
[1486-1-2]
Item up den 2den dach in Laumaend, anno 86, doe verdranc een man by de poorte van Sinte Ledenaerd, ende hy hiet Pieter, ende was huut Braband, ende hy plochte coyen te slane, met eene Roegyer van den Damme, ende hy woende byder Cruuspoorte.
| |
[1486-1-3]
Item up den 3den dach in Laumaend, anno 86, doe waren ghehouden ende ghedregen processyen generael ten clooster van den Freminueren.
| |
[1486-1-4]
Item up den 4den dach in Laumaend, anno 86, doe verdranc een schoon joncman by Sint Gillis brugghe, ende het was een Oosterlync. God hebbe zyn ziele. Amen.
| |
[1486-1-9]
Item up den 9sten dach in Laumaend, anno 86, doe was
| |
| |
een dood ghesteken in de Vlamyncstrate, voor de Munte; diet dede, hiet Michiel, ende was van Sinte Winnocxberghe, ende hy hiet Michiel, ende den dooden hiet Pieter.
| |
[1486-1-12]
Item up den 12sten dach in Laumaend, anno 86, doe zo quam eenen gehieten Pieter Baeds, den schipman, hy quam ten dage voorzeyd van der vanghenesse vander stede van Brugghe, metten bloten oofde ende met eene barnende keerse van 2 ponden, in zyn hand, toot in de vierscare van.....
| |
[1486-1-19]
Item up den 19sten dach in Laumaend, anno 86, doe was up de grote Merct, in de middel van de merct, een schavood, ende daer waren up ghesteld 2 jonghe ghezellen, elc ghebonden an 1 stake, ter cause van trewantynghe ende bouveryen.
| |
[1486-1-21]
Item up den 21sten dach in Laumaend, anno 86, doe was een knecht ghegeeselt up de Vischsmerct, up een schavood, ende hy daer up ghebonden an een stake, ende ghegeeselt met roeden, alzo men bouven pleeicht, ende hy was daer 3 jaer ghebannen, up zyn een hoore, ende hy was van Bruesele.
| |
[1486-1-23]
Item up den 23sten dach in Laumaend, anno 86, doe moesten andoen alle de brauwers cnapen van Brugghe, elc een groen journeye, ende up elcke journeye gheborduert het teeken vooren ende bachten, van der voorseyde brauwerye, daer hy woenachtich is.
| |
[1486-1-3]
Item up den 3den dach in Laumaend, anno 86, doe was te Brugghe, ter Halle huut gheroupen by den heere ende byder wet, hoe dat alsdoen ten tyden ghehoordeneerd waren, te wetene, 4 stochouders, tes te wetene, die daer toe dienende, ende heet ghedaen hebbende, tes te wetene, om de lieden haer goed te vercopene, alle diet tvercopen zullen willen, of vercopen moeten, dat- dat de 4 voorseyde persoonen zullen moeten vercopen ende nyemend anders,
| |
| |
en zullen hebben naer doordenancye vander camere, ende naer tinhouden van den ghebode van elcken lib. g. 8 g. dies moetense de voorseyde personen wiens goed zy vercocht zullen hebben, moeten hem contribuweeren ende bezoorghen haerleder geld; dies zo mueghen de voorseyde vier persoonen of stochouders gheseyd al vooren, den voorseyden copere doen vanghen, ende eerlicke innynghe execucye doen hover hem. Voord, tzy man of vrauwe, wie dat coopt, deen of dander thuusblyvende, hy die thuusblyft staed alzo wel verbonden in den voorseiden schuld van den coop als dander.
Item voord, den voorseyden vercoper en es niet gheoorlooft zyn goed te doen clynkene om zyn goed te vercopene, dan by den vier clynckers van der stede metter stede belle.
| |
[1486-1-25]
Item up den 25sten dach in Laumaend, anno 86, doe waren ghehouden ende ghedregen processyen generael ten broeders van den Predicaren, ende daer was mede ghedregen den weerdegen fyerter van Sinte Loy, die rustend es toot Sinte Salvator ende den weerdegen fyerter van Sinte Bonifacius die rustend is tOnzer Liever Vrauwe ende den weerdegen fyerter van Sinte Bazelis, die rustend es toot Sinte Donaes.
| |
[1486-1-17]
Item up den 17den dach in Laumaend, anno 86, doe stac eenen man zynen hoom doot tusschen der Gendpoorte ende Zevekoote.
| |
[1486-1-25]
Item up den 25sten dach in Laumaend, anno 86, doe stac eene vrauwe dood een jonc ghezelle, ende was een berbiers cnape, ende was de cnape van Jan Payn, ende es wonachtich by der Potterye, by tScravenbrugge.
Item up den 25sten dach in Laumaend, anno 86, doe was dood ghesteken eenen man, wonende ter Panne, taveerne
| |
| |
houdende, ende hy hiet Jan Bake, het dede hem een dienare van den Vryen, ende het was hem ghedaen, tHedtelgeem, by Oudenburg.
| |
[1486-2-4]
Item up den 4den dach in Spurkele, anno 86, doe was hover ghedaen by justicyen van mynheere, den souverayn van Vlaendren, mynheere van Merwe, eenen gheheeten Roegyer Steegre, als ballync, ende was gherecht metten zweerde, by sinte Michielskerke. God hebbe zyn ziel. Amen.
Item den zelven Roegyer voorzeyd was zynen rechtren hand af ghehauwen, by justicyen up den Steenstegre, up den 27sten dach in Maerte, anno 80, ende hy was gherecht metten zweerde, alzo tvoorseyd es, up den 4den dach in Spurkele, anno 86.
| |
[1486-2-6]
Item up den 6den dach in Spurkele, anno 86, doe waren ghehouden ende ghedregen processyen generael te Sinte Donaes ende daer was mede ghedregen den weerdegen fyerter ende glorieus lichame van Sinte Donaes, ende deze voorseyde processyen waren ghedregen duer de Breyel straetkin, rondhomme de merct: hover de Wisselbrugge, hover de plaetse Maubeerdt ende alzo tSinte Donaes weder in.
| |
[1486-2-9]
Item up den 9sten dach in Spurkele, anno 86, doe was eenen man dood ghesteken, in de Vlamyncstrate, in de Wyntaveerne, in de Munte, ende het dede de ghezellen van myn heere van Hassauwe ende van myn heere van Montengy ende den doode was van haerleder volcke. God hebbe zyn ziele. Amen.
| |
[1486-2-18]
Item up den 18den dach in Spurkele, anno 86, doe waren dry mannen ghesteld up een schavoot, up de visch merct, ende daer up elc ghebonden an eenen stake, ende den eenen was ghegeeselt met roeden up zyn naecte lyf, ende elc ghebannen 6 jaer, huuten lande van Vlaendren, up zyn ooft, waer of de twee stonden up een schavood in den Burch,
| |
| |
voor der schepenen huus, daer stondense, anno 83, up den tweeden dach van Meye, ende waren behangen met quart spelen, met beurzen ende met gordriemen.
| |
[1486-2-22]
Item up den 22sten dach in Spurkele, anno 86, doe waren ghehouden ende ghedregen processyen generael ten clooster van den Augustinen, ende daer was mede ghedregen den weerdegen fierter van den gloryeuse vriend Gods, Sinte Eluterius die rustend es tSinte Donaes, den weerdegen fierter, van Sinte Bonifacius ende den weerdegen fierter ende vriend Gods Sinte Loy, ende daer ghinc mede in de voorseyde processyen in zyn lynwaed, bervoed en metten bloten oofde, ende eene toordse van 3 ponden in zyn handen al barnende, die ter voorseyde kerke prezenteerende ende die daer latende; Item ten waren geen processyen generael ghebrocht ten voorseyde cloostre sichtend den 15den dach in Spurkele, anno 79.
| |
[1486-2-26]
Item up den 26sten dach in Spurkele, anno 86, doe waren gehouden ende ghedreghen processyen generael te Sinte Donaes, ende daer was mede ghedregen den weerdegen fyerter van Sinte Bazelis die rustend es te Sinte Donaes, ende de voorseyde processyen waren ghedregen duer dBreylstraetken, rondomme de Merct, hover de Wisselbrugge, hover de plaetse Maubeerdt, ende alzo tSinte Donaes weder in.
| |
[1486-2-27]
Item voord, zo was up den 27sten dach, den zelven dag snavends ten seven hueren, achtervolgende thuud geven van den ghebode van der stede, dat men vieren zoude maken, om den wyn daer mede te winnene. Zo hebben de vleeschauwers van der stede voor tvleeshuus up den Braemberch ghemaect vyf vieren, ende tvoorzeyde vleeshuus lancx behangen metter stede paruer rood, blaeu ende wid, ende daer in ghestelt de wapenen van den hertoghe van Oostryke, eerlicken ende chierlicken alzo aelst betaemd.
| |
| |
Item voord, van daer in den Burch voor der schepenen huus, een wonderlic grood vier ghemaect van groten blocken. Item voord, van daer up de Vischsmerct voor der vischscopers huus, stonden ghemaect vier vieren, ende tvoorseyde huus van den vischscopers behangen met een cleed van tappicherye ende veertien vierpannen al barnende ghestelt up de voorzeyde merct. Item voord, van daer up de Spegelmakers reye, tusschen Sint Jansbrugge ende de Kuenyncxbrugge, daer stond ghemaect een vier. Item voord, van daer up de Kuenynckxbrugge daer stonden gemaect vuf vieren, an elc hende van der voorseyde brugge twee, ende in den middel van der voorzeyde brugge een.
Item up den 27sten dach in Spurkele, anno 86, doe zo was in den Burch ghemaect een schavoodt ende daer zo was up gherecht metten zweerde, Cornelis Tyry, den zuene van Colaerd Tyry.
Item up den zelven dach voorzeyd, zo was den zelven Cornelis voorseyd, gheleyt up eenen waghen ende ghedeet met stow, ende up den zelven was ghestelt eenen man huuten landen van Grieken, ende was ghewesen ende ghevonnest by schepenen ter vierschare, over te doene metten brande, buuten der Cruuspoorte, ter plecken ghecostumeerd van zaken die beter ghezwegen zyn dan vele daer of vermaendt; alzo zo was de voorseyde Cornelis up den zelven waghen gheleyt daer den voorzeyde persoon mede huutwaerd ghevoerd, ende daer by dier pleeke ghestelt up een wiel als eenen malefactuer toebehoord, ende dandre was gherecht metten branden des viers zo hem toebehoorde.
Voord up den zelven dach ende up de zelve huere, zo was ooc ghestelt een joncknecht up den zelven waghen, ende ooc mede huutwaerd ghevoert ter plecke voorseyt, ende daer was hem zyn haer of ghebarrend van zynen oofde, ende hy
| |
| |
was zeere ghegeeselt met roeden, ende zes jaer ghebannen huuten lande van Vlaendren, up beede zyn hooren.
| |
[1486-2-28]
Item voord, zo was den zelven Cornelis voorseyd of ghedaen van den wiele, up den 28sten dach van Spurkele, dat was tsanderdaechs naer den dach van der justicye voorseyd, ter Cruuspoorten inghebrocht ende begraven ter Carmers. God hebbe zyne ziele ende alle zielen. Amen.
| |
[1486-3-4]
Item up den 4den dach in Maerte, anno 86, doe was eenen overghedaen by justicyen ende gherecht metten zweerde, Tassebrouc buuter der Gendpoorte by mynen heere den Souvereyn van Vlaendren.
| |
[1486-3-14]
Item Maertin Lem, was ghebrocht doot van Luevene, huut Brabandt in Vlaendren, te Brugghe, int clooster van den Predicaren up den elfsten dach in Meerte, anno 86, ende up den 14den dach in Meerte, doe was hy ghedregen met de geheele college van den vier hoordenen, ende metter geheele college van der Kerke van Sinte Donaes, met vier barnende stallichten ende met 20 barnende toordsen ende up den 15 dach begraven. God hebbe zyne ziele ende alle zielen daer Gods bede vooren begeerd. Amen.
| |
[1485-2-14]
‘Dit naervolgende poynt ende artikel, behoord te stane, gheteekend ende ghescreven up den 14 dach in Spurkele, anno 85, maer den scryver van dezen trectaet en had doe ten tyde niet.
Het es van onzen harden gheduchten heere ende prinche Maximilyaen, hertoghe van Oostryke, hoe hy was te Vrankevoord, den 16den dach in Spurkele was ghesteld ende angedaen tkuenynclicke habyt, ende was ghecoren als kuenync van den Roomschen ryke.’
| |
| |
| |
Eerst, de heeren vergadert in de stede van Vrankevoord.
Eerst. Den keyser ende onzen harden gheduchten heere ende prinche zinen zuene.
| |
Dit waren de curvosters:
Den busschop van Mens.
Item. Den busschop vant Tryere.
Den busschop van Cuelne.
| |
Noch de curvorsters:
Den paelsgrave.
Item. Den hertoghe van Zasse
Den maerkys van Brandeburch.
Item. Noch zo esser den hertoghe Aelbrecht van Zassen tshertoghe broeder.
Item. De twee zuenen van Zassen ende beede hertoghen.
Item. De twee zuene van Brandeburch, van dewelke vier zuenen, de twee zuenen commen zullen met onzen ghenagen ende prinche Maximilyaen hertoghe van Oostryke.
Item. Noch zo esser den busschop van Verdyn, huuter name van den kuenync van Vrankeryke, ende een ambassade van den hertoghe van Loreyne, dewelke twee niet wel ontfangen en waren.
Item. Den hertoghe van Beyere.
Den busschop van Worems.
Item. Drye ghebroeders maerchgraven, ende den landsgrave van Hessen, den broeder van mynen heere van Nassauwe.
Item up den 14sten dach in Spurkele, anno 85, doe ontfyn- | |
| |
ghen de heere van den keyzer, onzen harden geduchten heere ende prinche in de stede van Vrankevoord, up de merct ten twee hueren naer der noene.
| |
Dit waren de heeren die onzen prinche ontfynghen:
Eerst. Den busschop van Mens met 2 bannieren ende 1 bondel.
Den paelsgrave met 3 bannieren.
Den hertoghe van Brueswyc met 3 bannieren.
Den busschop van Worems met 2 bannieren, ende den abd van Valde.
| |
Dit waren de graven:
Den grave van Morse,
van Aulbenar,
van Nassauwe,
van Manderscheyt,
van Gulke.
van Stelberch,
van Hanon,
van Yzenberghe,
van Solims,
den ryngrave van Rymeke.
| |
[1448-2-16]
Item up den Donderdag twelc was den 16den dach in Spurkele anno 85, doe ontfync ons harde geduchten heere ende prinche Maximilyaen, den hertoghe van Oostryke, de crone van den Roomschen ryke, in de grote kerke van Vrankevoord, ende daer was bereed eenen stoel, daer den keyser in zadt, an de rechterhand van den oogen koor, ende ande zelve zyde, stond den busschop van Mens, den paelsgrave ende onzen prinche zonder meer.
| |
| |
Item an dander zyde stond den busschop van Cuelne, den hertoghe van Zassen, den markys van Brandenburch.
Tiegenhover den keyzer:
Stond den busschop van Tryere, ende hoorden alle tsamen de messe; de messe ghedaen zynde, doe ghync den keyzer, ende alle de curvosters ende alle de vooren ghenoemde heeren, ende quamen leggen voor den ooghen houtaer, op haerleder knyen, alle den tyd gheduerende dat men zanc de messe van den helegen Geest; de messe ghedaen zynde, stonden alle de voorseyde heeren up, en ghyngen alle te zamen in de sanctewarye van de kercke, te rade bycans eene huere, ende doe riepen zy in, by namen ende by toenamen, alle de hertogen, princhen ende graven, ende alzo vergaderd zynde, bleven daer in noch een alf huere; eerst zo quam daer huut den busschop van Cuelne, den paelsgrave, hertoghe Aelbrecht van Zassen, marchgrave van Baden, ende leededen onzen prinche hertoghe van Oostryke, in de sanctewarye voorzeyd, te dien wyzen rade, daer was hem gheopenbaerd de kueren die zy hem ghedaen hadden, ende daer over, zo waren in gheroupen groote heeren, om ghetuge te zine van der elecxye:
Dit aldaer ghedaen zynde, de grote heeren, quamen alle te zamen, voor den houtaer, ende daer zo knielde ons prinche zo lange, dat men las eenen zallem gheheeten:
Ende noch een ander oracye.
Dit aldaer ghedaen zynde
Tiegen onzen prinche, zittende up den houtaer, meten aenzichte ten volke waerd, daer maecte den keyzer een cruce voor zynen zuene, ende hy gync in zynen stoel, ende daer zo bleef ons prinche zittende up den houtaer toot dat
| |
| |
Te Deum laudamus huut ghezongen was, ende doe namen die curvostersche heeren onzen prinche, als kuenync van den Roomschen ryke, van den houtaer, ende leedene an deen zyde, ende deden hem huut de cleedren van den hertoogheschepe, ende deden hem an een keunynclic habyt, eenen mantel ghevoedert met witten herminen, ende eene roode fluweelen bonnette ooc ghevoedert met witten hermynen, ende den voorzeyden mantel was peersch fluweel. Dit aldaer ghedaen zynde brochten die curvostersche heeren den kuenync voorzeyd, voor zynen vader de welke daelde van zynen keyzerlicken stoele ende ontfync zynen zuene, ende nam hem byder hand, ende daer bleven zy staende, toot dat daer een die daertoe gehoordeneerd was clam up skeyzers stoel, ende las daer huut de kueren die ghedaen was ende alle zaken die te lanc waren omme al te verhalene.
Dit al ghedaen zynde, zo zyn alle de voorseyde heeren ende noch menich hertoge en grave niet ghenoomt hier voren, zyn metten keyzer ende metten kuenync zynen zuene, toot skeyzers huus ghegaen ende alle deen metten andren met grooter eerbaerheden ende met costelicken keyzerlicken state.
| |
[1486-4-9]
Item up den 9sten dach in April, anno 86, doe was in Sinte Cruuskerke buten Brugge, ghecleed ende ghedaen een cluzenesse, by hueren vryen consente ende wille, ende ze nam an de hoordene, ende toordinen van Sinte Kateline van der Seyne, thabyd an hebbende van den broeders van den Predicaren geheeten de Jacopinen; ende zoe heeift eene dochter woonende up de Beurze die heeift ghetraud eenen mutsereeder, ende die heet Andriaen Duuc.
| |
[1486-4-14]
Item up den 14den dach in April, anno 86, doe trac een notabel meester ende doctuer broeder van den Predicaren, ende een honderzoecker van den helegen kersten ghelove,
| |
| |
hy vertrac ten dage voorzeid om te verzouckene tHelich Graf.
| |
[1486-4-19]
Item up den 19den dach in April, anno 86, doe was hover ghedaen by justicyen ende gherecht metten zweerde, te Male, eenen vry maetsenare van Brugghe ende hy hiet Joos Haghe ende het dede mynen heere den souverayn van Vlaenderen, gheseyt myn heere van Merwe.
| |
[1486-4-22]
Item up den 22sten dach in April, anno 86, doe viel eene vrauwe dood van haren bedde int Nieustraetkin, ende dat licht tusschen de Olyebrugge ende tSnackersbrugge, an de noord zyde van de reye, ende zoe hiet de weduwe van Tryere.
| |
[1486-4-29]
Item up den 29sten dach in April, anno 86, doe was eenen man hover ghedaen by justicye ter Smedepoorte huut, hy was gherecht metten zweerde ende ghesteld up een wiel up den wech van Vassenare, tusschen der Coude Kuekene ende den Witten Huuse, ende hy hiet Thomaes, ende hy was ter stede van Herlaem, huut Holland, ende het dede myn heere den souverayn van Vlaendren mer Dhaneel van Moerkerke heere van Merwe.
Item voord, noch up den 29sten dach in April, anno 86, doe zo waren ooc twee mannen hover ghedaen by justicyen ende gherecht metten zweerde buuten der Cruuspoorte, bachten der kerke van Sinte Cruus; ende het waren twee ghebroeders van vader ende van moeder ende waren van Oosburch buuten der sluus; den eenen die hiet Jacop Boudins ende dandren Francoys Boudins, ende het dede myn heere van Huutkerke, den baelju van den Brugschen Vryen.
| |
[1486-5-11]
Item up den 11sten dach in Meye, anno 86, doe waren ghehouden ende ghedregen processyen generael ten broeders van den Predicaren, ende daer was mede ghedregen den weerdegen fierter van Sinte Bazelis, die rustend es tSinte
| |
| |
Donaes, ende den weerdegen fierter van Sinte Bonifacius, die rustend es tOnzer Liever Vrouwe kerke, ende den weerdegen fierter van Sinte Loy, die rustend es in de kerke van Sinte Salvator.
| |
[1486-5-15]
Item up den 15den dach in Meye, anno 86, doe was een kind besteeid te houdene, ende te voestrene int Nieuland, bachten den Engle, in een straetken zonder hende, en dat voorseyde kind was tnuchtens dood verleghen ghevonden van der voorseyde voestrege, in haer bedde, ende dat kind voorzeyt behoorde toe een vry scrinewerkere, ende heet Zegher Bate ende woende doe ten tyden, in een cleen straetken ghezeyt bachten Calays, in de Oochstrate ghelegen.
| |
[1486-5-19]
Item up den 19sten dach in Meye, anno 86, doe was dood ghesteken eenen man, up de merct by Sinte Kartoffels kerke, in de Pottemerct, ende het was den bode van den fierter van Sinte Romboudt van Mechelen, ende het dede een smids cnape, die men hiet Cornelis Bortoen eenen maerschalc, ende hadde daer te vooren, 6 jaer te Brugghe, ghebannen gheweest van tassemente.
| |
[1486-5-27]
Item up den 27sten dach in Meye, anno 86, doe was ghestelt up eene karre, moeder naect van den Liveupwaerd ende alzo ghebonden an eene stake, eenen gheheeten Adriaen Gyens, Jan Gyens zuene, ende dat ter cause om dat hy zyn natuerlicke moeder ghesmeten hadde met nydegen wille, ende in hevelen moede, ter cause van dien, zo was hy alzo ghebonden, in den Burch, ende daer ghesmeten met roeden, up zyn naecte lyf, ende van daer alzo ghevoerd toot voor de cappelle van den Nazarette, ende daer ooc ghesmeten. Voord van daer was hy ghevoerd up de Zuudzandbrugge an de Vrydachmerct, ende daer ooc alzo ghesmeten; voord van daer up de Noordzandbrugge, ende daer ooc alzo gesmeten; voord
| |
| |
van daer alzo ghevoerd voorby ons princenhof, duer Sinte Amandstrate, toot up de grote Merct, ende daer ooc ghegeeselt; voord van daer alzo ghevoerd duer de Vlamyncstrate up de Beurze en daer ooc ghegeeselt; voord van daer, duer de Zouterstrate, voorby Sint Jansbrugge, duer tGendhof, up de Kermersbrugge, ende daer ooc ghegeeselt; voords van daer voorby de Karmerskerke, duer de Stuufstrate toot voor de cappelle van Jerusalem, ende daer ooc ghesmeten met roeden; voord van daer duer den Muelenmeersch, hover dhoude Muelenbrugge, duer de Oochstrate, voorby zynder moeders duere, ende alzoo toot in den Burch, ende altoos daer mede rydende, mynheer Pieter Lanchals, rudder ende schoudheeten ende Matheus De Nys ende Jan van Muenkerede, beede als schepenen. Den voorseyden Adriaen, van den karre ghedaen zynde, was ghebrocht in der schepenen huus ende daer zo was zyn joncfvrauwe moeder, ende daer zo moeste den voorseyden Adriaen vallen hover beide zyn knyen, ende biddaer zyn moeder vergevenesse van der rudichede ende meshuuze, die hy tieghen huer mesdaen hadde, dewelke meshuuze stond ghescreven in groote ronde lettren, in eenen brief, den welken brief stond vast gemaect op een bard, het welk bard stond vast ghemaect an thende van der voorseyde karre, daer den Adriaen voorseyt op rydende was: dit hy al ghedaen hebbende ende vulcommende wesende, was weder gheleed in hechten van vanghenessen.
| |
[1486-5-30]
Item up den 30sten dach in Meye, anno 86, doe zo was groot messchief, verdriet ende schade van brande, by der cappelle van Jerusalem, in den Muelenmeersch, ende dezen grooten brand quam huuter Roodestrate, uyt eenen huyse, dat men heet in de Roose, ende es een stove: ende van dezen voorzeyden brande, quam schade van hondert ende 68 huusen. God wilder ons voord of beschermen. Amen.
| |
| |
| |
[1486-6-4]
Item up den 4den dach van Wedemaendt, anno 86, doe waren ghehouden ende ghedregen prossesyen generael ten broeders ende ten clooster van den Augustinen.
| |
[1486-6-10]
Item up den 10sten dach in Wedemaendt, anno 86, doe was huut gheroupen ter halle, by mandemente ende brieven van placcate, van onzen harden geduchten heere ende prinche weghe Maximilyaen kuenync van den Roomschen ryke, dat alle de guene, die saudeye wilden winnen te peerde ende te voed, datse hem zouden commen doen bescriven om hem te dienene.
| |
[1486-6-15]
Item up den 15den dach in Wedemaent, anno 86, doe zo moesten commen twee jonge ghezellen, twee gebroeders zynde, ende waren de kinderen van den cousscheppere wonende bachten Sinte Donaes kerke, ende tes ooc haerleder broeder den cousscheppere die woond op de Beurse. Dese twee voorseyde jonge ghezellen quamen in de vierschare van Brugge ten dage voorseyd, elc metten bloten oofde, ende eene barnende toordse van 2 ponden in haerleder handen, daer elken vallende hover haerleder knyen, vergevenesse biddende den heere ende de wet ende alzo voord van daer gaende huuter voorzeyde viersharen duer de Breyelstrate, hover de grote merct, voor by de Waterhalle, duer de Vlamyncstrate, hover de Buerze, duer de Zouterstrate, toot in de Langewynckel, toot in een huus gheheeten in den Houden Nobel, ende daer ooc alzo den cooplieden ende de nacye van den Spaengiaerden vergevenesse biddende van den ruudhede, ende injurye, ende hoverlast die zy den voorseyden coopman ghedaen hadden.
| |
[1486-6-25]
Item up den 25sten dach in Wedemaent anno 86, doe waren ghehouden ende ghedregen processyen generael toot Sinte Salvator.
| |
[1486-6-30]
Item up den laetsten dach in Wedemaent, anno 86, doe
| |
| |
quam in de stede van Brugge, ter Cruuspoorten in, myn heere van Bevere zeere chierlic en princhelic met schonen state, ende hy hadde an eenen zwarten fluweelen keerle, ende daer up tgoudin Vlyes.
Item up den laetsten dach in Wedemaent, anno 86, doe verdranc eenen Cornelius van Eerdsberghe, ende plochte te zine een garsoen van de stede van Brugghe, ende hy verdranc by de cleene Steenbrugge, by den vagevure, tusschen tScreyboone ende der groter Steenbrugge. God hebbe zyn ziele ende alle zielen. Amen.
| |
[1486-7-1]
Item up den eersten dach in Hoymaent, anno 86, doe was grote schade van brande te Brugghe ten tween steden, tes te wetene, int Scraverstrate, teegen hover de Potterye kerke, ende tander in Sinte Clarestrate, by thof was wylend geheeten thof van Croij, maer Gode lof het vergync metter minster quets ende schade.
Item voord up den eersten dach van Hoymaent, anno 86, doe was eenen man up een leedre ghesteld, voor thuus van den Vryen, zyn handen voor hem ghebonden crucewys up zinen buuc, ende vooren op zinen boezem ghevest eenen brief gheschreven met groten lettren, ende dat zynde, zyn meshuuzen, ende was daer alzo ghesteld ter cause van zynder bedrieghelichede, ende hy heet Jan, ende was ghebooren van Dendermonde ende was wuenachtich ter Sluus, in de Crake, ende plochte te zine ter Sluus een casteelder int casteel van der Sluus, ende den zelven Jan voorseyd was daer doe ghebannen 50 jaer up zyn ooft huuten lande van Vlaendren.
Item up den 1sten dach in Hoymaent, anno 86, doe was vulmaect de upperste voye van den Beeilfrooydt staende up de Halle an de grote Merct.
Item voord noch up den eersten dach in Hoymaent, anno 86, doe was opgewonden ende opghesteldt, de voorme,
| |
| |
tbeeilde of de ghelyckenesse, van den helegen engel Michiel, boven up den tor van den voorseyden Beeilfrooydt, schone, chierlic ende costelicken vergoud, ende doe daer zo speeylden de ministraelen van den stede, boven in dupperste voye van den voorseyden Beeilfroydt, een mottetken lustich ende blyde, alzo daer toe diendt, Gode teeren ende den heilegen hyngel Michiel.
| |
[1486-7-3]
Item up den 3den dach in Hoymaent, anno 86, doe trac de schutterye van den handboghe van der stede van Brugghe, toot Heeckeloo, om daer te schietene, ende prys te winnene, ende dat met zeere schoonen state; eerst twee waghenen hoverdect, ende 24 ghesellen ghecleed met graeuwen nyeuwen keerels, ende elc eenen nyeuwen graeuwen velten hoed, ende dat waren de rethorizyeenen; dat es te zeggen, die zullen habatementen; voord daernaer volghende dry waghenen hoverdect met rooden boucrane, ende die vul hartyljeryen, ende vier pannen, ende tunnen met torcken, ende met toortsen, ende voord al zulc als daertoe diendt; voord daer naer achtervolgende 200 ende 50 mannen te peerde, ende elc an hebbende eene roode journeye daer up gheborduerd den handboghe ende een coppel schichten; voord zo wasser mede in den hoop, eenen zod, geheeten Hannekin, die plochte te rydene hoverzot up een kermespeerd, ende was ooc ghecleed rood, ghelyc eenen zod, ende syn peerd, daer hy up reed was besleghen met vier houten patinen.
Ende daer reeden mede dry maneren van staten heerlic ende rykelic verchierd.
Eerst den kuenync van den handboge, alzo dat betaemd; dander eenen huut ghemaect ghelic mynheere Sinte Sebastyaen, alzo dat betaemdt, ende toe behoord ghedaen te zine, costelic ende chierlic. Den derden staet was mynheere den burchmeester, Mer Joos van Vassenare, ende dander
| |
| |
mynheere Jacop de Voochdt beede met costelic ende rykelicken state voord, ende elc man van den voorseyden boge angaende, ende alle den geheelen staet, elc man eene roode journeye zo alst voorseyd es, ende eenen gheluwen velten hoed.
| |
[1486-7-5]
Item up den 5den dach in Hoymaend, anno 86, doe quam den grave van Nassauwe in de stede van Brugghe, zeere costelic ende chierlic, honder te peerde ende te voed met hondert mannen, waer of de 60 hardchiers te voed, alle an hadden zward fluweel, geborduerd met zelveren ketenen, Sinte Andries crucewys voren ende bachten.
| |
[1486-7-12]
Item up den 12sten dach in Hoymaend, anno 86, doe was de execucye ghedaen van Clays Marteel, te Brugghe, up de Grote Merct, up een schavood voor dhoude Halle, ende was daer ghebrocht van leevende live ter doot, ende gherecht metten zweerde, ter cause van der crieme, alzo daer ten voorseyden schavote ghelezen was, ende hadde ghevangen gewezen, om de zelve cause in de vangenesse van Brugghe, een jaer ende 16 dagen, ende zyn ooft was ghestelt op een glavyeschacht an den beelfroydt van der Halle, daer dandre staen, ende het stond daer een huere ende niet langer.
Item up den 12sten dach in Hoymaend, anno 86, doe was groot meschief van brande in de Belgebuucstrate, daer zo reest eerst up, ten huuse van eenen geheeten Jan Speeilman, die daer wonachtich doe zynde, ende tselve huus behoorde als doe ten tyde toe, Jan Ryquaerd, als doe ten tyden woenende an de voed van de houde Muelenbrugge. Dien brand, ende dat zelve vier vlooch van daer der plecke voorzeyd, an de Cruuspoorte, in de rechte Langestrate, an beede zyden van der strate, ende van dien zelven brande verbeerrenden hof, huuzen, honder cleen ende grood, hondert ende
| |
| |
20 huuzen. Den almuegenden God wilder ons voord of beschermen. Amen.
| |
[1486-7-14]
Item up den 14den dach in Hoymaend, anno 86, doe was messchief van brande, in den houden zac, in een plecke die daer licht, ende heet in Ruckendale, ende daer barrende een huus hof. God wild betren.
| |
[1486-7-23]
Item up den 23sten dach in Hoymaend, anno 86, doe quamen in die van den jongen voedboge van de schotterye van der stede van Brugghe, ende quamen van der stede van Sluus, 50 mannen te peerde, ende elc man ghecleed metter paruer van der schotterye graeu ende groen, ende hadden twee trompetten ende een claroen, ende brochten alzo in heerlic en statelic twee zelveren schalen, elc van een troyschen merc, ende hadden die ghewonnen ter Sluus, met schoonst incommen te watre.
| |
[1486-7-25]
Item up den 25sten dach in Hoymaend, anno 86, doe waren ghehouden ende ghedregen processyen generael ten clooster van den Wyngaerde, binnen Brugghe, ende in die voorseyde processye, was ghedregen tgebenedyde, warachtich, ontfarmachtich ende glorieuse sacramend, twelc es God almachtich ghebenedyd, twelk dat rustend es tSinte Donaes, ende tvoorseyde glorieux, ghebenedyde, helich sacramend was ghedregen van den deken van Sinte Donaes, met twee ander priesters onder hem dryen, elc metten blooten oofde, ende elc een roosen hoed up zyn ooft, ende de stede van Brugghe die hadde daer mede draghende 12 barnende toordsen, ende an elke toordse eenen schild daer an hangende van der stede wapenen.
Item up den 25sten dach in Hoymaend, anno 86, doe quamen in de schotters van der stede van Brugghe, van den houden voedboge van der stede voorseyd, ende quamen van der stede van Sluus, ende brochten met hemleden seven
| |
| |
schalen zelveren, ende elc van een troyschen marc, ende quamen met 120 peerden, ende elc man metter paruer van der stede, tes te wetene, rood ende graeu, ende elc met eenen witten velten hoed, ende metten stede speeillieden, twee trompetten ende een claroen.
| |
[1486-7-28]
Item up den 28sten dach in Hoymaend, anno 86, doe zo was een schoon, frechs, jonc ghezelle, ghebonden an een van den steenen pylaren, staende in den Burch, honder t'huus van den Vryen, ende hem was daer zyn hoore of ghesneden, van dieften, by de wet van den stede van Brugghe.
| |
[1486-8-1]
Item up den eersten dach in Oustmaend, anno 86, doe quam den keyser van den roomschen ryke, ende Maximilyaen zyn zuene, ende kuenync van den roomschen ryke, den welken zuene es stedehouder, voochd ende monboor van zynen zuene, onzen erfachtigen ende inghebooren, harden, gheduchten heere ende prinche, den jongen hertoghe Phylips, gravene van Vlaendren ende hertoghe van Bourgognen enz. Aldaer, zo quamen zy in, ten dage voorseyt, de twee voorseyde hedele, muegende vassale, ende zy quamen van der goede stede van Gend, in de goede stede van Brugghe, ter Cruuspoorten in, voor de welke poorte, de stede van Brugghe, dede stellen dry wapenen ryckelieken ende costelieken, tes te wetene, de wapene van den keyser, de wapene van den hertoghe van Oostryke en de kuenync van den Roomschen ryke, zyn zuene, ende ooc de wapenen van onzen erfachtegen heere ende prinche, den jongen hertoghe Phylips. Tes te wetene, dat den keyser, ende den hertoghe voorseyd, zynen zuene, quamen beede te zamen ten daghe voorseyd, bin der goeder stede van Brugghe met 1,500 peerden, tes te wetene, de 600 peerden waren van binnen der stede van Brugghe, ende elcman te peerde anhebbende eenen nyeuwen rooden keerle, ende elcman hebbende up de luchter
| |
| |
mauwe den cnoop of de devyze van onzen harden, gheduchten heere ende prinche de conync van den Roomschen ryke, ende voord alle de dekenen van der stede van Brugghe, ende de deken met zinen heed, ooc anhebbende eenen neyeuwen rooden keerle, al metter zelver devyze.
Item voord, den waghen daer den voorseyden keyzer in zad, daer waren inghespannen 12 witte peerden gaende al deen voor dander.
Item voord, boven den waghen daer den voorseyden keyser in zad, daer was boven ghedregen een viercante gouden laken het twelke laken men pleeicht te dragene up den Sacramends dach, boven den heleghen Sacramente.
Item voord, zo hadde de stede van Brugghe een hondert mannen, elc man an hebbende een roode schabbe van rooden bouckerane, ende elc eenen schild van der stede wapene, voor zyn borst, ende elk van dien 100 mannen hebbende eene toordse van 2 ponden in zyne handen, ende an elke toordse eenen schild van der stede wapene, ende alzo met dien toordse al barnende, den voorseyden keyser ende den hertoghe voorseyd, zinen zuene, lichtende van der voorseyde poorte toot den hove van onzen harden gheduchten heere ende prinche, ende menech andre frechs hedel man; ende binder stede was groote costelichede ghetoocht ter heere van der incomste van den keyser ende van den kuenync van den Roomschen ryke, zinen zuene.
Eerst in de Langestrate up den houc van tSheerzegherstrate daer stond ghesteld in fygueren:
Direxerunt ad cum cor patris
Trademus populum almum decoris
et dyadema speciei in manu eius.
Tes te zeggene:
| |
| |
Item daer naer was den tor van den Predicaren behangen met lakene rood ende blaeu, ende an elc hende van den cruce was gehangen eenen lanterne, met eender barnende keersse.
Item voord, daer naer stond eene poorte ghemaect ten houcke van den voorseyde clooster, ende die poorte was wyt 22 voeten, ende die voorseyde poorte was gheverwet van boven toot beneden, chierlic ende costelic metter stede paruer, rood, wit ende blaeu, ende an elke zyde up elken tor, stond een banniere metter zelve paruer, ende in den middel van elken tor, ten straten huut, stac huut eene banniere, metter voorseyde stede wapene, ende voor de zelve voorzeyde poorte, stonden vele schone misteryen angaende den ontfanc ende de incomste van den voorzeyden keyser, en van zinen zuene.
Eest daer stond:
Qui ex te et uxore tua nascitur in tua est
potestate, idem filius et filia.
En es te zeggene: Die gheboren es van hu, ende uwen wive, es in huer muegentheyt, beede zuene ende dochtre.
Surexit in terra rex novus,
tolle filium tuum quem diligis.
Es te zeggene: Int land es een nyeuwen kuenync gherezen; neeimt hu kind twelc gi bemind.
Honora patrem et matrem ut sis longaevus super terram.
Ende es te zeggene: Eerd vader ende moeder, zo muecht ghi lange up dheerde weezen.
| |
| |
Jhesus quam met zyn vriendekens te Nazareth, ende was hemleden honderdanich.
Psallite regi nostro, psallite. Venerunt ergo
omnes maiores natu Israhel ad regem in Hebron
et iniit David faedus cum eis.
Es te zeggene: Verhuecht ende zynct onzen kuenync. De meeste gheboren van Ysrahel, quamen toten kuenync in Ebron, ende maecte David met hemleden eene eendrachtighede.
Unxerunt David in regem super Israel.
Es te zeggene: Naer de woorden van den heere, word hy ghezalft, kuenync boven Ysrahel.
Rex pacificus magnificatus est hodie, cuius
vultum desiderat universa terra.
Ende es te zeggene: Een paysivel kuenync is hedent verheven, wiens gezichte begeerd al dheerde.
Vivat Dominus Deus rex virtutum.
Egredimini et videte filie Syon regem in dyademate suo.
Ende es te zeggene: Den kuenync der duechden moet leven, comt huut dochtren van Syon, ende zied den keunync met zynder dyademe.
Exulta satis filia Syon, jubila filia Jerusalem,
rex tuus venit tibi.
Ende es te zeggene: Verheft hu ghenoech dochtren van Syon, verblyd hu dochtre van Jerusalem, hu kuenync komt toot hu.
| |
| |
Item voord daer naer, aen den voed van der houder houde Muelenbrugghe, stond ghemaect een stalage dweers der strate, honder duere rydende ende gaende ende dat waren de 4 neerynghen, tes te wetene: wevers, vulders, verwers ende scheerers. Voor die stage stond gescreven ende was thinhouden van huerleder personagen:
Rex noster eris et subjiciemur nomini tuo.
Omnis multitudo filiorum Israhel optulit
regi numera mente promptissima.
Ende es te zeggene: Ghi zult ons kuenync wesen ende willen hu honderdanich wesen, alle de menichte der kindren van Ysrahel offerde den kuenync giften met groter ghewillichede.
Ende daer naer achtervolgende in de Oochstrate, tusschen den schilder ende een huus, dat heet in de Mane, stond ooc een stage ghemaect dweers der strate, poorte wys, honder duere rydende ende gaende, daer up stonden de vleeschauwers ende de vischscopers, ende binder stage stond ghemaect eenen groenen boom waer an dat ghemaect waren anghende in schilden van schilderyen de 17 landen, ende in den middel van dien boom stond gescreven:
Glorificetur pater in filio.
Es te zeggene: Gheheerd is den vader, by den zuene.
Item buten, voor de zelve stage stond ghescreven:
Ego quasi vitis fructificavi suavitatem odoris.
Et flores mei fructus honoris et honestatis.
Inveni quem diligit anima mea, tenui eum nec dimittam.
De vino eius bibent omnes gentes.
| |
| |
Ende es te zeggene: Ic hebbe bevrucht geweeist ghelyc den wyngaerd den stat des heeren, ende myn bloomkins vruchten der heeren ende eerbaerheden. Ic hebbe ghevonden die myn ziele bemind, ic houden ende zalne niet laten; van zinen wine zal alt volc drynken.
Item tland van den Vryen dat lach int huus toot eenen scrinewerker tieghen over de Bogaerdstraete, ende hadden haer huus behangen met lakenen, rood ende wit, ende hadden daer in ghemaect staende, eerlic ende chierlic, de wapenen van den lande van den Vryen, ende ooc hadden daer voren ghemaect staende 60 barnende toordsen.
Item voord, de nacye van den Poortegaloyzen die lagen int huus staende ende den houc wezende van den Bogaerdstrate, tieghen hover den keersgieter, ende zy hadden tvoorseyde huus al begleed van boven der vuerst tot beneden, met rooden lakene, ende de wapenen van der voorseyde nacye voor dat huus staende zeere costelic, chierlic ende rykelic, ende betrend dien voorseyden huuse, ghemaect staende, al barnende 200 toordsen.
Item voord, daer naer al zo achtervolghende zo laghen de Genevoyzen ten huuse van meester Jan de Witte, in de Oochstrate, ende die hadden dat huus behanghen van boven toot beneden, met lakene rood ende wit, ende daer voren ghemaect een stage, ende daer up ghemaect staende 100 barnende toordsen, ende daer voren ghemaect staende, eenen Sint Jooris, ende die zeere costelic, rykelic ende chierlic, ende daerby stond dit navolghende ghescrifte:
Tu regere imperio populos Maximiliane memento.
Parcere subiectis el debellare saperbos.
Ende es te zeggene: Weeist regierende by bevele, ghe- | |
| |
dynckende Maximiliaen, sparende den honderdanege ende bevechtende den hoveerdegen.
Item voord, de Luuckoyen die lagen tooten huuse van Jan Gyens, in de Oochstrate, ende hadden tvoorseyde huus behangen met schone tapytserye ende daer up een rood vergouden laken, 3 lakenen breed, ende daer up haerleden wapene heerlicken anhanghende, ende voord, voor tvoorseyde huus staende al barnende 80 toordsen.
Item up thuus geheeten Jacob Heldebolle, daer laghen de Busschayers ende hadden dat voorseyde huus van boven toot beneden behanghen met tapytserye, ende daer up zo was dat laken behangen ende verchierd met gouden lakenen, breed, ende haerleder wapenen, heerlic, chierlic ende rykelic daer anhanghende, ende daer voren staende al barnende een hondert toordsen.
Item voord, up den houc van de strate, alzo men gaed tooter gendscher herberghe, an de rechter hand, tieghen hover thuus van den zelversmeden, in Brugghe, in de Oochstrate, daer laghen de Venecianen, ende die hadden dat voorseyde huus van boven toot beneden, al becleed met witten wulle lakene, ende haerleder wapene daer an hanghende, ende een 100 toordsen al barnende daer vooren staende.
Item voord, in de oost Oochstrate tooten schoemakere aldernaest de backerye gehieten in de Boone, tiegen hover thuus metten 7 torren, daer lagen de Florentinen, die hadden dat voorseyde huus al van boven toot beneden behanghen met tapytserye, ende daer up behangen met 6 gouden lakene, ende haerleder wapene daer in hangende ende daer voren ghemaect staende 150 barnende toordsen.
Item voord, toot den backen, in de Oochstrate, ten huuse
| |
| |
gheheeten in de Boone, daer lach de nacye van Haragon, ende die hadden dat voorseyde huus behangen van boven toot beneden, met tapytserye, ende ooc daer up behangen met 4 gouden lakenen ende haerleder wapene, chierlic, rykelic ende costelic daer up behangen, ende daer voren ghemaect staende 56 barnende toordsen.
Item voord, ten huuse van den zeventorren, in de Oochstraete daer laghen de Spaengaerden, ende die hadden dat voorseyde huus behangen met vullen lakenen rood ende groen, van boven toot beneden, ende haerleder wapene daer anhangende, chierlic, rykelic ende costelic, ende hadden daer voren gemaect staende 300 barnende toordsen, ende hadden noch bovendien boven ter voyen van den voorseyden huuse, huutstekende 3 casteelen metter wapenen van Spaengen, ende voord hadden noch bovendien, beneden up de strate, ghemaect liggende 3 pypen wyns, dien wyn ghevende te dryncken alle die daer omme quamen.
Item voord, thenden van der Oochstate, ten huuse gheheeten Blanckeberghe, daer stond ghemact eene stage, dweers der strate, daer honder duere gaende ende daer stonden de 17 neerynghen van der stede van Brugghe, de temmerliedens, maetsenaers ende voord al dat daer an cleeift, ende voor haerleder stage stond ghescreven:
Nemo tronum adeat nisi quem fortuna biformis
repperit....tali dignatus honore.
Dignus Alexandri solio hoe tu rex celebrande,
hue propera quem non fregit fortuna biformis,
Tu regere imperio populos Romane memento.
Hec tibi erunt artes pacis imponere morem
Parcere subjectis et debellare superbos
Quem fortuna ferit, patientia longa coronat.
Ende es te zeggene: Niemend anga dezen troon dan die
| |
| |
bevonden es, met dobbelder fortune, schuldich zo tieneghe heere.
Weeist regierende by bevele, bedynkende den Romeynen twelcke hu conste wezen sal, pays hebbende, sparende den honderdaneghen ende te bevechtene de hooveerdighe, den fortunen tiegen word ghecroont by met paciencie.
Item voord, up de plaetste Mauberdt, daer stonden de smeden, ende alle de guene die daer an cleven, ende voor haerleder stage stond ghescreven:
Facies Romani imperii
umbra Romani decoris.
Ende es te zeggene:
Item voord, up den houc van der Vlamyncstrate, ten houcke van thuus geheeten de Matte, daer stond tleeder, dat es den schoemaker ende al tguend dat daer an cleeift, ende voor haerleder stage stond ghescreven:
Sadoch sacerdos, Nathan propheta et Banaias, ad
mandatum David, unxerunt in Syon Salomon filium
ejus in regem super Ysrahel.
Rex David in lectulo suo hec locutus est: benedictus
Deus de Ysrahel qui dedit hodie sedentem in solio meo,
videntibus oculis meis.
Es te zeggene: Den priester Sadoch, Natham de propheten ende Banam by den bevele van David salvende, in Syon Salomon zinen zuene konync van Israhel.
Den kuenync David heeift dit ghesprooken in zyn bedde,
| |
| |
ghebenedyt zy de heere den God van Ysrahel, die hedent ghegeven heeift, zittende in zinen trone, myn zuene ziende met minen oogen.
Item voord, achtervolgende de voorseyde incomste zo waren ghemaect 5 vieren up de Vischmerct, voor thuus van den vischcoopers ende haerleder huus costelic behangen met tappytserye.
Item voord, zo stond ghemaect noch een vier up de voorseyde merct, ende dat was wyd int ronde 60 voeten.
Item voord, zo waren beede de hallen, de Waterhalle ende dHoude halle, becleed met der stede devyze lakenen, rood, wit ende blaeu, behangen tooter heerden, ende voor beede de hallen staende barnende 100 toordsen, tes te wetene, 60 lancs ter Waterhalle, ende 40 voor dHoude halle, behangen met wapene ghemaect in schilden, van schilderyen, alzo dat behoord.
Item voord, zo was ooc behangen thuus geheeten in Bochoute, up den houc van de strate van St Amand, 't was ooc behangen van boven toot beneden, ooc metter zelver devyze van bouckerane, rood, wit ende blaeu ende daer voren ghemaect staende 36 barnende toordsen.
Item voord, ten huuse geheeten int Schaec, staende up de voorseyde merct, dat hadden de Oosterlyngen van boven toot beneden, al becleed met een veerdich rood laken, vul hanghende metten zwarten haerne, int gouden veld, ende voor dat voorseyde huus hadden zy ghemaect staende in fygueren, den keyzer ende zin zuene geheeten Maximilyaen, ons harden geduchten heere ende prinche, ende die byder hand hebbende onzen lieven zuene ende ingheboren heere, erfachtich prinche ende grave van Vlandren. Voord zo was
| |
| |
daer ghemaect ooc huut stekende in bannieren, alle de wapenen van den 7 corvostersche heeren; voord zo waren daer ghemaect staende ghetemmerd voor dat voorseyde huus 200 barnende toordsen, ende die voorseyde fygueren waren ghemaect zo costelic ende zo rykelic als van verheven werc, van schilderyen angaende, als dat noyt man des ghelicx en sach.
Item voord, daer naer achtervolgende zo stonden de scheppers, gheseyt de Naelde, ende alle de guene die daer an cleiven, ende voor haerleder stage stond ghescreven ende die stonden voor dBeerkin by dBueterhuus:
Pereant omnes inimici tui Domine; qui autem
diligunt te, sicut sol in ortu suo splendet,
ita rutilent.
Es te zeggene:
Item voord up den houc van de strate by tCaproenkin, tiegen hover een huus, dat men heet, in Sinte Maertin, daer stonden de backers, ende alle dat daer ancleift, ende voor die stage stond geschreven:
Similis factus est leoni in operibus suis, et
sicut catulus leonis rugiens in venacione.
Curavit gentem suam et liberavit eam aperdicione.
Osculantes se alterutrum fleverunt pariter.
Ende es te zeggene: Ghelyc den leew heift hy gheweist, in zyn ghewerken, ende ghelyc de leewen brieschende inder iacht: hy heeift ghegeven zin volc, een bewaerd van ver- | |
| |
lieze: zy hebben elc den andren ghecust ende weenden te gadre.
Item voor thof van den prinche, dweers der strate, stond ghemaect een stage, daer honder gaende ende rydende, ende daer up stonden de schiplieden, ende aldat daer an cleift, ende voor die stage stond ghescreven:
Universa terra desiderabat videre vultum
Salomonis...., et singuli deferebant ei munera, vasa
aurea et argentea....per annos singulos omnes.
Plebs ut vidit dedit laudem Deo.
Ende es te zeggene:
Item dit vooren ghenoomde ghesciede al up den 1sten dach in Oustmaend, anno 86.
| |
[1486-8-2]
Item up den tweeden dach in Oustmaend, anno 86, doe hadden de Oosterlyngen haerleder plaetse rond omme betemmerd int vierkante, ende daer an dat behangen met rooden lakene al rondomme, ende up dat temmerwerc, boven den voorseyden lakene stonden hondert ende 84 barnende toordsen, ende int voorseyde rooden laken, waren ghesteld ende vast ghemaect 100 ende 20 schilden, van schilderyen, metten zwarten haerne, honder cleene ende groot; ende up den tor van huerleder huus stonden 12 barnende toordsen, ende an den middel van den voorseyden plaetse stond ghemaect een vier, viercante, elke zyde 15 voeten wyt, tes te wetene, int gheheele 60 voeten wyd, ende dat voorseyde vier ende al de voorseyde toordsen, waren ontsteken ende verbarrend, bin den zelven havende, met grooter ghenouchten ende goeder manierlichede, ende daer waren ghestelt
| |
| |
ende gheordeneerd 4 trompetten ende 2 claroenen, ant noordhende van der voorseyde plaetse trompende, spelende ende jolyd huut ghevende ter heeren van der blyder incomste van den keyzer ende van zynen beminden zuene. Ende den tor van den Augustinen ende de voye van der Augustinen kercke waren costelic ende rykelic behangen, ende in de voye van der voorseyde kercke, waren ghesteld 12 vierpannen, ende ooc den tor van der Kermers kercke was ooc int ronde, rykelic becleed met gouden lakene.
Item up den 2den dach in Oust, anno 86, doe quam den keyzer van den Roomschen ryke, ende ons harden gheduchten heere ende prinche, zynen zuene, die es kuenync van den Roomschen ryke, quamen beede te peerde, zyde an zyde, messe hooren toot Sinte Donaes, ende den voorseyden keyzer hadde an eenen keerle, tooter heerden, rood goudin laken, ende onzen beminden hertoghe zynen zuene, die hadde an eenen zwarten gouden keerle lanc tooter heerden, ende quamen alzo te peerde, met menegen fresschen edelen man, ende elc peerd zyn ghetuge van den keerel daer elc up zat, van den zelven kaluere, dat den keerel was, die hy an hadde.
| |
[1486-8-3]
Item up den 3den dach in Oust, anno 86, doe onzen keyser, ende zynen lieven beminde zuene, den kuenync van den Romeynschen ryke, hertoghe van Oostryke, quamen ende waren beede te zamen, toot Onzer Liever Vrauwe kerke in Brugghe, al metten zelven state ende in zulke habituwagen als zy waren ten daghe voorzeyd te Sinte Donaes.
Item up den 3den dach in Oustmaend, anno 86, doe zand de nacye van den Oosterlynghen den keyser ende den kuenync van den Roomschen ryke, hertoghe van Oostryke, zinen zuene, zy zonden elc eene pype wyns ende eene scive was;
| |
| |
elken scive zwaer wegende 12 pond: het was al behangen costelic ende rykelicken metter wapene van den keyzer.
| |
[1486-8-4]
Item up den 4den dach in Oustmaend, anno 86, doe quamen in 100 ballingen, honder mannen ende vrauwen, ende dat by gracien van der liever incomste van den keyser, ende zy quamen al ter Cruuspoorten in.
| |
[1486-8-6]
Item up den 6den dach in Oustmaend, anno 86, doe zo was te Brugghe gheschoten den papegay van den houden voedboghe, up de veste by der Cruuspoorte; ende den hertoghe van Oostryke kuenync van den roomschen ryke quam minlic huut zynen hove toot up de beurze, ten huuse van meer Jacop als oofdman van den voorzeyden boghe, ende quam alzo metten ghemeenen ghezelschepe, tooter Karmers kerke, ende daer hoorde hy messe ende quam van daer princhelicken tooter veste, daer den gay geschoten was, ende hy ooc schood 4 schoten ende de 3e schote, hy schood den papegay tooft of, ende hy was daer met meneghen fresschen edelen man, met 50 peerden, ende het worde doe kuenyne Denys van Heerdvelde.
Item up den 6den dach in Oustmaend, anno 86, doe brochten in de schotters van den handboghe van der stede van Brugghe, die brochten in huren prys van Eeckeloo, ende quamen ter Cruuspoorten in, ende brochten als thueren pryze, 3 zilveren schalen, tes te wetene, elke schale van 6 onsen, tes te wetene, deen schale van meest looten, dander van schoonst incommen, ende de derde van schoonst vieren ende quamen alzo in met 100 peerden, ende elc man hadde an zynen keerle van den parure blaeu ende graeu, ende elc man hadde up zyn ooft eenen gheluwen velten hoed, ende al vooren rydende een tamboere, ende voor den kuenync rydende, twee zelveren trompetten ende een claroen.
| |
| |
| |
[1486-8-8]
Item up den 8sten dach in Oustmaend, anno 86, doe reede mynheere den keyzer huuter stede van Brugghe ter Cruuspoorten huut, ter Sluuse waerd, zittende in eenen hangenden waghen, in den welken waghen waren ghespannen 6 witte peerden; buuten der Cruuspoorte zynde hy reed alzo lancx der veste tooter Speypoorte, ende daer zo was een schip toe ghereed naer de betampte van hem, daer zad hy in, ende voer alzo tooten Damme, daer hy heerlic ende vriendelic ontfanghen was, naer huerleder vermueghen, ende heerlicken den wyn gheschoncken, ende den voorseyden wagen, was van buuten becleed met zwarten fluweelen lakene, ende den voorseyden wagen hadde, honder an beede henden ende in den middel, 16 gouden happelen, ende 50 mannen te peerde by hem, ende 36 voedgangers, ende den 10den dach quam hy weder in de stede van Brugghe, al metten zelven state. Den almachtegen God hebbe lof ende danc van al dat hy ons verleend. Amen.
| |
[1486-8-9]
Item up den 9den dach in Oustmaend, anno 86, doe quam in ter Gendpoorte den hertoghe van Guulke, met 200 peerden, ende 300 mannen te voed.
| |
[1486-8-13]
Item up den 13den dach in Oustmaend, anno 86, doe slouch onzen harden gheduchten heere ende prinche kuenync van den Roomschen ryke, ende hertoghe van Oostryke, hy slouch rudder de twee ambassaden van Venegen, die waren ghecommen toot hem, in zin hof, om hem te vergiftene, alzo zy deden, zy gaven hem 2 schatten van goude, elken schad es 100 hyngelsche noblen van ghewichten.
Item up den 13den dach in Oustmaend, anno 86, doe vertrac ons harde gheduchten heere ende prinche kuenync van den Roomschen ryke, hertoghe van Oostryke, van der stede van Brugghe snuchten ten vier hueren, ende trac tot zynder goede stede van Ypre om van daer te treckene op zyn.....
| |
| |
God wil hem wel bewaren, ende hy hadde doe gheweeist binder stede van Brugghe 14 daghen, ende hy hadde huuter stede van Brugghe ghezyn van dat hy daer te vooren huut trac toot dat nu in quam, den eersten dach van Oust, anno 86, zo was hy wech een jaer ende 26 dagen.
| |
[1486-8-15]
Item up den 15den dach in Oustmaend, anno 86, doe stac deen Duudschen den andren dood, in den hooven, by den Braemberch.
Item up den 15den dach in Oustmaend, anno 86, doe was eenen man dood ghesteken by den Kalchoven.
| |
[1486-8-26]
Item up den 26sten dach in Oustmaend, anno 86, doe waren ghehouden ende ghedregen processyen generael tOnzer Liever Vrauwe kerke, ende daer was mede ghedregen tprecieuse, ghebenedyde, helich bloedt, dat rustend es tSinte Bazelis, ende daer gync mede in de voorzeyde processye den hedlen keyser, den natuerlicken vader van onzen prinche, kuenync van den Roomschen ryke ende hertoghe van Oostryke, ende hy, den keyzer voorseyd, quam te voed huut zinen hoove, duer Sint Amandstrate, hover de Merct, toot Sint Donaeskerke, ende hy gync alzo te voed in de voorzeyde processye met zynen state, naest den heleghen bloede toot Onzer Liever Vrauwe kerke: voord den dienst ghedaen zynde hy gync van Onzer Liever Vrauwe kercke tooter kerke van Sinte Salvator, ende van daer weder in zyn hof. De voorseyde processye weder commende in den Burch, tghebenedyde, weerde, helich bloed was terstond boven ghedregen tSinte Bazelis ende weder besteeidt. Ende daer waren ghedregen in de voorseyde processye voor tvoorseyde helich bloed, van ghemeene toordsen, een hondert al barnende ende 24 van der stede weghe, ende an elke toordse hanghende der stede wapene, ende 24 van den ghezelschepe weghe van den heleghen bloede, ende die ooc al
| |
| |
gheschildert metter devyzen van den heleghen bloede.
| |
[1486-8-17]
Item up den 17sten dach in Oustmaend, anno 86, doe was den keyser ten hetene, in tHeester van Jan Duvercop, staende bachten Sint Gillis kerke, up tVulreykin.
Item up den 17sten dach in Oustmaend, anno 86, doe verdranc eenen man tusschen Brugghe ende Damme, by den olye muelne, an de Coolkercsche zyde, ende hy was een winne brood ter Vischsmerct, ende hy woende up den houc van der Peperstrate, ten huuse dat men heet in Bedlehem, ende hy was tSinte Cruus begraven, up den 18sten dach in Oust, anno 86. God ghedyncke zyn ziele, ende alle zielen, daer God beede vooren begeerd. Amen.
| |
[1486-8-20]
Item up den 20sten dach in Oustmaend, anno 86, doe waren ghehouden ende ghedregen processyen generael tooter kerke van Sinte Salvator, ende daer was mede ghedregen den weerdegen fierter van Sinte Bonifacius die rustend es toot Onzer Liever Vrauwe kerke, ende daer was ooc mede ghedregen den weerdegen fierter van Sinte Bazelis, die rustend es toot Sinte Donaes.
| |
[1486-8-21]
Item up den 21sten dach in Oustmaend, anno 86, doe waren ghehouden ende ghedregen processyen generael toot Sinte Donaes, ende daer was mede ghedregen den weerdegen fierter ende glorieux lichame van Sinte Donaes, ende die was ghedregen duer de Oochstrate, hover dhoude Muelenbrugghe, voor by tclooster van den Predicaren, voor by de Braemberch, hover de grote Heechoudbrugge, duer de Vullestrate, rondomme de Merct, hover de Wisselbrugge, hover de plaetse Mauberdt ende alzo weder in toot Sinte Donaes.
| |
[1486-8-22]
Item up den 22sten dach in Oustmaend, anno 86, doe verdranc een kint ten Eechoute, in de plaetse, ende het was een meisken; het zoude daer water scheppen om zin cleedren te begietene, want het bleecte daer.
| |
| |
| |
[1486-8-28]
Item up den 28sten in Oustmaend, anno 86, doe quam de edelen vassael ende den edelen keyser van den Roomschen ryke, hy quam te voed huut zynen hoove, minlie, vriendelic tooten broeders van den Predicaren, snavends ten 6 hueren, ende quam tvoorseyde clooster bezien ende vizenteeren.
| |
[1486-8-30]
Item up den 30sten dach in Oustmaend, anno 86, doe quam den edelen keyser huut zinen hoove te voed toot up de Halle van der stede, ende van daer zo quam hy up de Waterhalle, ghezeyd up de Mudshalle, ende van daer zo gync hy duer de Wapenmakerstraet tot up Sinte Jansbrugghe.
| |
[1486-8-31]
Item up den 31sten dach in Oustmaend, anno 86, doe vertrac onzen hedelen eerweerdegen keyser van den Roomschen ryke, van der stede van Brugghe tooter goeder stede van Ryssele; hy zat in eenen hanghenden waghene binnen becleed met zwarten fluweelen lakene ende buuten hovertrocken met zwarten wullen laken, ende in den voorseyden waghen waren ghespannen 10 witte peerden, al van eenen hare, ende alzo zittende in den voorzeyden wagen, zo hadde hy vooren hem ligghende op zynen schood, een gouden cussen van rood gouden laken, ende daer up stond voor hem zyn keyserlicke crone, ende reed alzo heerlicken, ende met schonen state, toot der stede van Ryssele, ende hy hadde als doe ten tyde ghezyn in de goede stede van Brugghe 31 dagen.
| |
[1486-9-1]
Item up den 1sten dach in September, anno 86, doe waren te Brugghe ghehouden ende ghedregen processyen generael tooter kerke van Sint Gillis, ende daer was mede ghedregen het ghebenedyde, weerdich, helich, ghebenedyde houd van den weerdegen, ghebenedyden cruce van onzen behouder Christi Jhesus, twelke dat rustend es in Onzer Liever Vrauwe kerke, in Brugghe, ende daer zo was mede ghedregen den weerdegen fyerter van Sinte Bazelis die rustend es te Sinte
| |
| |
Donaes; ende deze voorseyde processye waren ghedregen, duer de Breydelstrate, hover de merct, voorby de Waterhalle duer de Vlamynestrate, hover de Beurse, duer de Zouterstrate, voor by Sint Jans Brugghe, hover der Oosterlynghe plaetse, hover Sint Gillis Brugghe, ende alzo toot Sint Gillis.
| |
[1486-9-2]
Item up den 2den dach in September, anno 86, doe zo was up ghestelt den edelen hertoghe Kaerle, den zuene van den hertoghe Phylips ende grave van Vlaendren, die was up ghestelt an ende der vooren van den schepenen huuse te Brugghe, in den Burch, an thende van den voorseyden huuse, naest der kerke van Sinte Bazelis, binnen Brugghe.
Item voord, zo was ooc up ghestelt ten zelven voorseyden dage, anno 86, myn vrauwe Marie van Bourgogne, hertoginne ende gravenede van Vlaendren, dochtre van den voorseyden hertoghe Kaerle, was up ghestelt an tselve voorseyde huus ter zelve plaetse voorseyd, ende daer was ghelaten tusschen hun beede eene ydel plaetse, ende zoe was daer ghestelt vrauwelic ende princhelic up haer luchter hand hebbende eenen spoorware.
| |
[1486-9-7]
Item up den 7den dach in September, anno 86, doe waren ghehouden ende ghedregen processyen generael, ende daer was mede ghedregen tghebenedyde, warachtich ende helich sacrament van Sinte Donaes, ende was gheboden te dragene, duer de Oochstrate, hover dhoude Muelenbrugge, voor by tclooster van den Predicaren, voor by den Braemberch, ende alzo in, ten Freminueren. Den dienst daer ghedaen zynde, alzocommende hover den Zouddyc, hover de grote Heechoudbrugghe, duer de Wullestrate, rondomme de merct, hover de Wisselbrugghe, hover de plaetse Maubeerdt ende alzo in den Burch. Tvoorseyde ghebod hild in een tredzoor te stellene, ende daer te bereedene om den ghebenedyden warachtegen
| |
| |
Sacramente eere lof en de weerdichede te bieden, maer de grote onbestierdhede ende onghestadichede van wind ende van watre, diet was, als ten dage voorseyd, dat dede dat men de voorseyde processye niet voorder en drouch dan vander kerke van Sint Donaes duer den Braemberch ende alzo ten Freren, ende de heere, weerdichede ende de revirencie die men ghedaen zouden hebben in den Burch, die was ghedaen in de voorkerke van Sinte Donaes, wand buuten der duere van der koorduere, was ghemaect eenen houtaer, ende daer was tweerde, helich, ghebenedyde Sacramendt up ghestelt te rustene, ende hem daer ghedaen heere, weerdichede ende reverencie.
| |
[1486-9-16]
Item up den 16den dach in September, anno 86, doe was hover ghedaen by justicyen ende gherecht metten zweerde by myn heere den souvereyn van Vlaendren, myn heere van Merwe, eenen gheheeten Hannekin, die niet dogen en wil, in de Wandelynghe, ende hy was van Lopheem, ende was van brandstichte, ende hy was ghestelt buuten by Sinte Andries, up den wech van Lopheem.
| |
[1486-9-18]
Item up den 18den dach in September, anno 86, zoo was ghesteken ende ghegrieft van zinen live waer of dat hy quam van levenden live ter doot, den zuene van eenen wapenmaker, gheheeten Francoys Put, ende es deken van den wapenmakers, ende het geschiede in Sint Jansstrate, daer lach hy doot, an de zuutzyde van der strate, dweers hover de greppe, tiegen over den Kellenare die men heet: in Groenendale; ende het dede eenen gheheeten Cornelius Haritas, ende het geschiede snavends tusschen den 9 ende den 10 hueren, ten daghe voorseyd. God hebbe zyn ziele.
| |
[1486-9-23]
Item up den 23sten dach in September, anno 86, doe was groten noot, vreeze ende zworge van brande, in den Westmeersch van een hayzemend huus dat doe daer verbarrende.
| |
[1486-9-24]
Item up den 24sten dach in September, anno 86, doe was
| |
| |
eenen man ghequetst ende ghegrieft van zinen live, zo dat hy daer of quam van levende live ter doot, ende het gheschiede buuten der Smedepoorte, alzo men gaet te Vassenare, ende den dooden was woonachtich int straetkin bachten den Eechoute. God hebbe zyne ziele. Amen.
| |
[1486-10-1]
Item up den 1sten dach in October, anno 56, doe was eenen man ghegrieft van zynen live, in de Vlamyncstrate zo dat hy terstond starf, ende bleef daer dood ende hy hiet Loy van Maldegeem, ende het dede den palphernier van meer Joos van Vassenare.
Item up den 1sten dach in October, anno 86, doe speeilden twee kindren te gader up de strate, ende slougen den bal met looden cobien, ende het een kint dat slouch tander kind een ooghe zuver huut, ende het dede een van den kindren van Loy Bec, wylend was, ende plochte te wonene in de Roodstrate, ende het gheschiede up de Cruusstrate, alzo men gaet ter Braemberge, voor een huus dat heet int Witte Peerd.
Item up den 1sten dach van October, anno 86, als den tweeden dach bedaechde, doe was ghequetst ende ghegrieft van zinen live, zo dat hy starf, ende was begraven up den derden dach van de maend voorseyd, ende den doode was den zuene van eenen beddecoper, ende hy es ooc eenen hofman, ende hy es wonachtich by den Nazarette, tusschen den Staelhysere ende den Steenpitte die daer staet in de Vlasmerct, ende by hiet Jan de Vend.
| |
[1486-10-2]
Item up den 2den dach in October, anno 86, doe stond een schamel man, en dalf in de loove, honder eenen muer, ende dien muer viel neder up zyn lyf, waer of dat hy ooc starf. God hebbe die ziele, ende alle zielen daer Gods bede vooren begeerd. Amen.
| |
[1486-10-11]
Item up den 11sten dach in October, anno 86, doe ver- | |
| |
dranc eene vrauwe, ende viel daer in de reye, an de voet van de grote Eechoudbrugghe, ende zoe vercochte appelen, fruud ende ander ware, an di voorzeyde brugghe, ende het was de dochter van een vrauwe, binnen Brugghe, Katelinne Casins, zy gheneerd huer up de merct, hondert fruud. God hebbe haer ziele, amen, ende alle zielen daer God bede vooren begeerd. Amen.
| |
[1486-10-12]
Item up den 12sten dach in October, anno 86, doe was groot messchief van brande, by Sinte Kateline poorte, voor de poorte van den clooster de Collette, ende daer verbarrende hof een huus.
| |
[1486-10-13]
Item up den 13den dach in October, anno 86, doe was in den Burch een schavoot ghemaect ende daer was up ontooft ende gherecht, metten zwerde, eenen gheheeten Jan van den Driessche, zyn vader hiet Olyvier van den Driessche, ende was te Brugghe eenen vrylynewevre, ende den voorseyden Jan hiet Roukeloos, in de Wandelynghe. God hebbe zyn ziele. Amen.
Item up den zelven dach voorseyd, den 13den dach in October, anno 86, doe was ooc ter plaetse voorseyd, eenen ontooft ende gherecht, metten zwerde, ende hiet Heyndric Vrom, zyn vader hiet Diederic Vrom, ende was een messemaker. God hebbe die zielen en alle zielen daer God bede vooren begeerd. Amen.
| |
[1486-10-17]
Item up den 17sten dach in October, anno 86, doe woende een schepper nayer dat men hiet een cleeder maker, tusschen den houc van de Steenstraete ende eene Kellenare gheheeten in Slypen; die voorseyde schepper zyn kind, een manooft van 9 jaren, stond voor de duere ter plecke vooseyd van zinen vader ende hadde een glasin flassche in zyn hand, ende en was maer commen van den Damme, met eens vleeschauwers wyf van Brugghe; ten daghe voorseyt, zo
| |
| |
quamen koyen ghedreven van Dixmuude, huuter Merct, ende eenen van dien beesten tyerde alzo, als datse tvoorseyde kind stac met haren hoornen, als dat dat voorseyde kind quam daer plecke voorzeyd terstond van in levenden live ter dood.
| |
[1486-10-22]
Item up den 22sten dach in October, anno 86, doe brochten in de ghezelle van den rethoryke van der stede van Brugghe, huuter stede van Eekeloode, eenen zelveren schale zwaer wegende 6 honsen, ende quamen bin der stede van Brugghe ten daghe voorseyd met 36 mannen te peerde, twee trompetten ende een claroen.
Item up den 22sten dach in October, anno 86, doe viel een haerbeyder te Sint Jansbrugge, ende hy was ooc een smids cnape, ende hy hadde ghetraud een melkeghe, ende hy woende in de Hezelstrate, tiegen hover thof van Halewyn, ende hy hiet Loykin de melkere, in de Wandelynghe; hy viel ten daghe voorzeyd in de huuterste veste buuten der Hezelpoorte, ter huuterster Steenenbrugge, ende hy viel daer in van groter dronckenschepe ende versmoorde daer in zyn zonden. God hebbe zyn ziele. Amen.
| |
[1486-11-1]
Item up den 1sten dach van November, anno 86, doe was eenen dood ghesteken in Tillegeem, by Sinte Pieters, staende bachten den byter, ende hy die daer dood bleef hiet Cornelis Minne, ende hy was eenen vry temmerman, ende het dede hem eenen Pieter van Westvoorde.
| |
[1486-11-10]
Item up den 10den dach in November, anno 86, doe waren ghestelt 6 ghezellen of bouven ghezeyt, alzo men wil, die waren ghestelt ende ghesloten in de bloc daer men al zulke boeven pleeicht te stellene up bloc, den houc van der Waterhalle, ende up den Breyelstrate, boven de Vischmerct.
| |
[1486-11-23]
Item up den 23sten dach in November, anno 86, doe waren ghehouden ende ghedregen processyen generael ten clooster van den Fremineuren, ende het dede tofficye van der kerke,
| |
| |
den sufflegaen als stede houder van den busschop van Doornicke ende busschop zynde van Sarepten.
| |
[1486-12-2]
Item up den 2den dach in December, anno 86, doe was in den Burch, een schavood ghemaect, met 3 staken up staende, ende daer waren 3 mannen up ghestelt, an elke stake een; ende zy waren alle dry huut Vranckeryke; de cause was, om dat se vercocht hadde valschs suffraen, ende hadden duer in ghemynget onghehoorlofde substancye, ende up dat zelve schavood was voor hemleden gheleyd, zand ende heerde, zo dicke dat daer up ghemaect was een groot vier, ende daer in was verbarrend haerleder ghereeschepe daer zyd mede ghemaect ende ghemynget hadden, dat waren twee caerde burderen, een zeve, de lederen zacken, daer t' voorseyde suffraen in was, het was al verbarrend, teen metten andren, ende voorseyde mannen waren elc 6 jaer ghebannen, up haer ooft.
| |
[1486-12-5]
Item up den 5den dach in December, anno 86, doe waren ghehouden ende ghedregen processyen generael tOnzer Liever Vrauwe kerke binnen Brugghe, ende in de voorseyde processye, zo gingen in vorme van hamende ende beterynghe 5 mannen, voor haerleder meshuuzen, alle 5 barvoed ende metten bloten oofden; de 3 waren ghecleed haer lyf ende droughen, elc in zyn hand, eene toordse van 3 ponden al barnende, ter cause, om dat se by nachte ende tontyden hadden ghegaen achter de strate, ende hem zelven heere ghemaect ende de lieden ghevangen ende tonrechte ghespabyteerd van den hueren; ter cause van dien zo was an elke toordse ghehangen eenen rooden schild van schilderyen, ende daer in ghemaect in elken schild eene colve van schilderyen ghelykende de colven van den heere cnapen; ende dese 3 voorseyde persoonen den eenen die hiet Jan van Rudt ende was van Cuelne of van daer omtrend, ende dandre was
| |
| |
een vry schepper nayer te Brugghe ende de 3de was een nagelmakers zuene, en hy heet Gregoris Lynier, zyn vader hiet Jan de Lynier ende hy wuend in de Eeckhoudstrate, tiegen hover de poorte van den Eechoute.
Item voord, den 4den persoon was een backers cnape, ende die hiet Jacop, ende die drouch ooc eene toordse van 3 ponden in zyn handen, ende hy gync metten bloten oofde ende bervoed, maer hy was ghecleedt, ende dat ter cause, om dat hy by nachte ende tontyde hadde ghesmeeten up der lieden duere, ende de lieden huut ghedaechst up de strate, om te grievene van hueren live. Item de 5den was eenen vry cuper van der stede van Brugghe, ende hy woende in de Ezelstrate, by thof van Halewyn, ende die ghync in zyn lynwaed zonder meer, beervoed ghelyc dandre viere deden, ende ooc metten bloten oofde, ende eene barnende toordse van 3 ponden in zyn hand.
| |
[1486-12-12]
Item up den 12sten dach in December, anno 86, doe was te Brugghe, in de Langhestrate, messchief van brande, tiegen hover tWildekin de brauwerye, up den houc van den Hodevaer straetkene, maer Gode lof, het vergync metten minsten quets.
| |
[1486-12-23]
Item up den 23den dach in December anno 86, doe zo was te Brugghe justicye ghedaen van 3 manoofden, de twee waren executye ghedaen, ende gherecht metten zweerde, ende dandre was ghehanghen ende execucye ghedaen metten baste; waer of de 2 die gherecht waren metten zwerde, den eenen hiet Jan de Raymaker ende dandre hiet Jacop ende was van Ypre, ende den 3den die gehangen was, die hiet Jan van de Mote. God hebbe der zielen, ende alle zielen, daer God bede voren begeerd. Amen.
| |
[1486-12-31]
Item up den laetsten dach van December, anno 86, doe zo was eenen man ghequetst ende ghegrieft van zynen live,
| |
| |
van der welker quetsuere dat hy starf terstond, ende hy was een cleeder scriver, ende hy hiet Jacop, ende het dedem eenen vry backer van der stede van Brugghe, ende het gheschiede by dbueterhuus, by Sinte Kartoffels kerke. God hebbe zyn ziele, ende alle zielen, daer God bede voren begeerd. Amen.
Item up den laetsten dach in December, anno 86, doe was groot messchief van brande, bachten den Augustinen, tusschen der Rooder Mauwe, ende den Machden Dalle, alzo men gaet van bachten inder makelaers capelle, in de strate voorzeyd, daer verbarrende een huus of.
Tjaer van 86, dat es huut, ende by der gracie van Gode almachtich ghebenedyt zo sal ic begunnen tjaer van 87, ende dit ooc vulhenden, by zynder zoeter gracien ghebenedyt. Amen.
|
|
Auteursrechtvrij