Den blijden-wegh tot Bethleem voor de Christelijcke jonckheyt
(1645)–Anoniem Blijden-weg tot Bethleem voor de Christelijcke jonckheyt–
Auteursrechtvrijvermeerdert met vele nieuwe leysenen, lof-sanghen ende gheestelijcke liedekens
[pagina 105]
| |
Op de wijse: Quam Mariam dulcibus in caelo.
COmt laet ons nu eens den Heere gaen dienen
Met al ons macht, ende cracht, der sielen,
Want hy is den Heer, der Heeren, verheven
Die ons sijnen seghen, al wilt gheven,
Foy ghy valsche werelt foy, gemaeckte sijn van goet
Goeden Iesu, brandt en blaeckt in mijn ghemoet.
Ist dat ghy sijt somtijds vol droefheden
Wilt niet claghen maer sijt in als te vreden,
Stelt uwen wil naer 't behaghen vanden Heere
Hy sal't al naer sijn beliefte keeren,
Foy ghy valsche wereldt, etc.
Iesu helpt my mijn Cruysken draghen
Al crocht natuer wat wilt daer niet naer vraghen,
Want naer u is alle mijn verlanghen
Wilt ons hier naermaels in u rijck ontfanghen
Foy ghy valsche wereldt, etc.
Lof sy u ghebenedijde Maghet
Die den Heer der Heeren hebt behaghet
Wilt ons by uwen lieven Soon verwerven
D' eeuwich goedt als wy comen te sterven,
Foy ghy valsche wereldt, etc.
|
|