Den blijden-wegh tot Bethleem voor de Christelijcke jonckheyt

vermeerdert met vele nieuwe leysenen, lof-sanghen ende gheestelijcke liedekens

Van de ydelheydt des wereldts.

O Wilt aenmercken ghy wilde herten
V lichaem trane dat sterffelijck is
En doet ghy't niet 't sal u naemaels smerten,
Als de doot comt, die vreeselijck is:
Hierom soo wilt u spoeyen,
Die wereldt te verfoeyen,
Ick leer u als de Wijseman doet,
Wat batet al, als ick sterven moet.

Wy moeten sterven arm ende rijcke

Wat willen wy ons vermeten dan,
De pijn der hellen duert eeuwelijcke
Wijs is hy die't wel bevroeden can.

[p. 75]

 

Want dansen ende springhen

 

En sijn maer ydel dinghen,

 

Die doot beneemt ons het leven soet,

 

Wat batet al, als ick sterven moet.

 

Bereydt u huys in soo corten stonden

 

En wil altijts in Godts vreese staen

 

O! wee hen die sterven in haer sonden

 

Sy sullen loon na wercken ontfaen

 

Als d'ooghen sullen keeren,

 

En t'herte sal failleren,

 

Waer blijft gheselschap en't aertsche goet?

 

Wat batet al, als ick sterven moet.

 

Adieu snoo werelt met u wellusten

 

Bedrieghelijck is u solaes,

 

Ick wil in God gaen soecken mijn rusten

 

Ick moet eens worden der wormen aes

 

Wat sal dat profiteren

 

Leckerlijck bancketeren,

 

Die bitter doot grijpt elck onverhoet

 

Wat batet al, als ick sterven moet.

 

Waer sijn die pleghen te triumpheren

 

Zy sijn verdwenen, men sietse niet:

 

Wat willen wy dan ghenucht hanteren

 

Als d'eynde niet is dan groot verdriet

 

Dus laet ons gaen beginnen

 

Ons selven te verwinnen,

 

De doot comt op de slaende voet;

 

Wat batet al, als ick sterven moet.

 

Laet ons nu gheestelijck laeten sterven

 

Ende beweenen ons misdaet

[p. 76]

 

Willen wy naemaels Godts rijck be-erven

 

Elck moet God dienen na sijnen staet,

 

Want waer dat wy ons keeren,

 

Schrifture sal ons leeren,

 

Teghen de doot en is schilt noch boet

 

Wat batet al, als ick sterven moet.