Den blijden-wegh tot Bethleem voor de Christelijcke jonckheyt


Een ander.
Op de wijse: Alsoo 't beghint HErderkens hoort hoort dese blijde maer En maeckt toch geen ghevaer Messias uwen Heer Haest op der aerden neer Haest u ghy herders kint Soeckt hem die u bemint Al leydt hy inden stal Hy is den Heer van al Comt knielt hier om en tom
[pagina 57]
En heet hem willecom. Nu Coridon sa sa, na Bethlehem, En hoort ghy niet de stem Haest u eer dat verdwijnt Dat schoon licht dat hier scheyndt, Wel hoe wat isser dan, En weet ghy daer niet van Wy woonen op het velt Aen ons soo wordt verteldt, Men sy dat desen nacht, Messias wordt verwacht. Laet ons dan met vreuchden henen gaen, Ghebuer-man blijft wat staen, Ick heb haest int ghesicht Ontrent dat groote licht, Wel haest u sijde ree En draecht ghy dan niet me, Men mach niet ydel gaen Ia dat sou qualijck staen, Misschien is daer van doen Wel 't eten voor den noen. Ick gaen vast voor sien oft ick vinden sal In dien ghebroken stal, In hoy en stroy gheleydt Want soo ist datmen seyt; En hoort ghy niet een liedt T'is op een herder vliedt My dunckt ick hoor een luydt Den citer ende, fluydt, Wie had dat noydt verwacht Op een soo couden nacht.