Den blijden-wegh tot Bethleem voor de Christelijcke jonckheyt
(1645)–Anoniem Blijden-weg tot Bethleem voor de Christelijcke jonckheyt–
Auteursrechtvrijvermeerdert met vele nieuwe leysenen, lof-sanghen ende gheestelijcke liedekens
[pagina 6]
| |
Op de wijse: Alsoo 't beghint.
LAet ons met herten reene
Loven dat soete kindeken kleene
Het brenght ons wt den weene.
Ons is een kindt gheboren,
Een soon ghepresenteert.
Hy comt de hel verstooren,
Als mensch ghefigureert:
Godt ende mensch met [c]ene
Onsen verlosser goet alleene
Wordt hier met ons ghemeene.
Laet ons, etc.
Dies moghen wy wel eeren
De Maghet die hem droech
Dien grooten Heere der Heeren,
Die haer niet en verwoecht
Sy is, en anders gheene
Moeder, en Maghet alleene.
Godt is met haer ghemmen.
Laet ons, etc.
Groet alle vriendelijcke
Die schoone suyver jeught:
Men vant noyt haers ghelijcke
Sy mach wel zijn verheucht.
Sy is, en anders geene, etc.
Laet ons, etc.
| |
[pagina 7]
| |
Ghe-eert soo moet dan wesen,
Nu, en tot alder tijt,
De Moeder godts ghepresen
Al ist de Ketters spijt:
Sy is, en anders geene etc.
|
|