Bijdragen en Mededeelingen van het Historisch Genootschap. Deel 7

[p. 357]

Acte van resignatie eener vicarie in de domkerk te Utrecht.
(31 Juli 1591.)

Anno a nativitate Domini millesimo quingentesimo nonagesimo primo, die quidem postrema mensis Julij, in mei Notarii publici testiumque infra scriptorum, ad hoc vocatorum specialiter et rogatorum, presentia, personaliter constitutus honestus Bruno a Kuyck, rector et possessor pro tempore Vicariae, sive perpetuae capellaniae fondatae, erectae et dotatae in capella Udonis, in Ecclesia Metropolitana Trajectensi, non ex dolo, metu, fraude aliave aliqua sinistra machinatione inductus vel circumventus, sed sua libera et spontanea voluntate, ex certa scientia animoque deliberato omnibus melioribus modo, via, jure, causa, forma et stylo, quibus melius et efficacius potuit et debuit, potestque et debet, fecit, constituit, creavit, deputavit et solemniter ordinavit suos veros, certos, legitimos et indubitatos procuratores, actores, factores negociorumque suorum infra scriptorum gestores ac nuncios speciales et generales, ita tamen quod specialiter generalitati non deroget, nec e contra honorabilem nec non providum, discretum virum Timannum a Kuyck, ad ipsius con-

[p. 358]

stituentis nomine et pro eo a reverendo ac venerabilibus dominis Decano seu Vicedecano et Capitulo Ecclesiae Metropolitanae predictae, licentiam dictam suam Vicariam resignandi et dimittendi petendum et obtinendum, nec non eandem suam vicariam simpliciter vel causa canonicae permutationis in et ad manus dictorum Decani seu Vicedecani et Capituli, aut alterius cuiuscunque ad id potestatem habentis resignandum et dimittendum eandemque resignationem seu permutationem admitti petendum et obtinendum. Quodque in resignatione seu permutatione huiusmodi non intervenient nec interveniet fraus, dolus, Simoniae tabes aut alia quecumque illicita pacto vel corruptela, ac aliud quodcumque licitum et honestum judicamentum in animam ipsius constituentis jurandum; unum quoque vel plures procuratorem seu procuratores cum simili vel limitata potestate loco suo substituendum eumque vel eos revocandum omnisque procurationis huiusmodi in se crassimentum (sic) toties quoties opus fuerit ipsisque videbitur expedire, et generaliter omnia alia et singula faciendum, dicendum, operandum, exercendum et procurandum quae in premissis, vel aliquo premissorum necessaria fuerint vel quomodolibet opportuna atque ipsemet constituens faceret, seu quomodolibet facere posset, si premissis omnibus et singulis presens et personaliter interesset. Promittens idem constituens ad manus mei Notarii infra scripti solemniter stipulantis et recipientis se ratum, gratum atque firmum perpetuo habiturum totum id et quidque in premissis vel aliquo premissorum per dictos suos vel eorum aliquem et ab eis vel eorum aliquo substituendum vel substituendos procuratorem seu procuratores, actum, factum, dictum, gestum, procuratumve fuerit. Sub hipothecqua et obligatione omnium et singulorum bonorum suorum, mobilium et immobi-

[p. 359]

lium, presentium et futurorum eadem subjiciendo et submittendo jurisdictionem et coarctionem omnium et singulorum judicum et jurisdictionem cum clausulis ad hoc necessariis pariter ac opportunis. Acta fuerunt haec Trajecti inferioris in aedibus mei Notarii, anno et die quibus supra presentibus ibidem honestis ac discretis viris Martino Utenwael et Petro Brunonis, testibus requisitis qui imbrimaticum (sic) presentis actus ad instantiam constituentis una cum me notario subsignaverunt teste me

J. van Herwaerden, Not^s. 1591.

(De minuut dezer notariëele acte (waarbij de handteekening der getuigen ontbreekt) is te vinden in Quoijer, IX, fol. 135 v^o van de prothocollen van Jacob van Herwaerden, Notaris bij den Hove van Utrecht; - berustende in de gerechtelijke bewaarplaats van prothocollen der notarissen, op de Arrondissements-Rechtbank te Utrecht.)