Bijdragen en Mededeelingen van het Historisch Genootschap. Deel 6

[p. 34]

Verzoek van Fr. van Lynden in 1655 aan den keizer om beleend te worden met de heerlijkheid Hemmen.¹⁾
(Medegedeeld door Fr. Baron van Lynden van Hemmen).

Augustissime ac invictissime imperator.

Quid nobilis vir, Franciscus a Lynden, Dominus in Hemmen, feudi imperii, siti in ducatu Gelriae, in Betuwe, a nobis petierit ac impetraverit, rogamus ut Sacrosancta Vestra Majestas ex humili ipsius supplicatione dignoscere dignetur, atq̄, ad ipsius instantiam, literas investiturae, ante a sacra Caesarea Vestra Majestate concessae, a Senatu Aulico expediri, jure tertii & cujuscunq̄ alterius semper salvo, quales nunquam in hoc ducatu denegantur, sed cuivis petenti extraduntur, praesertim, cum hic supplicans sit, post mortem ultimi defuncti vasalli ac patris sui Theodori a Lynden filius natu maximus, sive senior in platea, aut ut nos hic loquimur, die altste op straet, nec ulla repraesentatio hic apud nos, ex constitutione Caroli Quinti, sacratissimae memoriae, tanquam Ducis Gelriae, locum obtineat, sed natu maximo semper jus primogeniturae competat. Quapropter & nos requirimus, ne sacrosancta vestra Caesarea Majestas permittere velit, hanc petitam investituram praenominati feudi de Hemmen supplicanti diutius denegari, sed ex benignissima ante

1) Zijne schoonzuster, geb. Gravin van Limburg en Bronkhorst, betwistte hem die Heerlijkheid.

[p. 35]

obtenta concessione expediri & extradi. Datum Arnhemii 18/8 Novembris 1655.

Augustissime, gloriosissime ac invictissime Imperator, Vestrae Caes. Majestatis humillimi Ordines ducatus Gelriae ac comitatus Zutphaniae.

Ad praepotentes Dominos Ordines ducatus Gelriae ac comitatus Zutphanie.

Demonstrat quam humillime nobilis Franciscus a Lynden, Dominus de Hemmen, quomodo supplicans ante aliquot annos a sacrosancta Caesarea Majestate & ejusdem Consilio Aulico requisiverit ac obtinuerit concessionem investiturae dominii ac bonorum in Hemmen, in hoc Ducatu superiori-Batavia sitorum, jure feudi a sacra Caesarea Majestate recogniti. Quoniam autem in hoc Ducatu nemini investitura denegatur, ad quam concedendam domino semper manus patent, ac cuivis jus suum reservatur, absq̄ ullo praejudicio conceditur; ac hactenus petita ac concessa investitura a S. Caes. Majestatis Senatu Aulico retinetur ac retardatur, - Ideoq̄ rogat supplicans quam instantissime favorabiles vestras literas commendatitias ad Augustissimam ac Gloriosissimam Caesaream Majestatem ac Senatum Aulicum, quibus Caesarea Majestas requiratur, ne diutius praedicta investitura retineatur aut remoretur, sed supplicantem tanquam proximum agnatum & filium natumaximum et seniorem in platea, ac sui patris ultimi defuncti vassalli legitimum successorem investire dignetur, ac concessionis instrumentum expediri, juxta tenorem ultimae investiturae, idq̄ eo magis, quia in Gelria nulla repraesentatio ex Constitutione Caesaris Caroli Quinti, tanquam Ducis Gelriae de anno 1544, in feudis nec Sīgjeurialibus bonis locum obtineat.

Quod faciendo etc.