Bijdragen en Mededeelingen van het Historisch Genootschap. Deel 6

[p. 28]

Brieven van Karel van Gelder en Willem van Gulik aan
Jasper van Lynden.
Medegedeeld door Fr. Baron van Lynden van Hemmen.

Kaerle, Hertoge van Gelre ind van Guylick ind Greve van Zutphen.

Lieve getrouwe, om sunderlinge saicken will wij mit u toe spreken hebn̄, ind sus aver wech nyet toe schrijven sijn, begēn¹⁾ wij guetlicken gij ansiensbrieffs opsitten ind alhier bij ons komen wilt, om weder onse guede meyninge toe verstain. Des versien wij ons gensselick tot u. Gegeven t'Arnhem den vij^en dach May, nostro sub secreto, anno mvxvij.

Charles.

Wirssen.

De superscriptie was: Unsen lieven getrouwen Jaspar van Lienden. Hē to Hym̄en ind to Blitterwijk.

(Copie.)

1) d.i. begeeren

[p. 29]

Karell, Hertouch van Gelre ind van Gulick ind Greve van Zutphen.

Lieve getrouwe. Wij sijn in eygener p̄soenen bij den Hocihgeboren Fursten, onsen lieven hern ind vader, hrn̄ Henrick, Hertoughen to Brunswijck gewest, ind hebben die Hoichgeboren Furstynne, onse fruntlicke lieve nichte ind gesellynne, sijnre lieffden dochter, frouwe Elisabeth, geboren van Bruynswijck ind van Lunenberch, Hertoughinne van Gelre ind van Guylick etc., tot eer ind wailfairt ons ind onser lantscaippen beslaipen, ind sijn verdraigen, dat men ons dieselve onse gesellynne bynnen onser stadt Zutphen vueren sall, soe begeren wij guetlick ghij ruytersche wijse mit uwen knechten in onser diensten gheel ind roet gecleydt, opt rustigste, den 29 dach der maendt Januarij neestkoemen̄, tavontijde ind niet lather bynnen ons vurs. stadt komen ind sijn wilt, gestalt des anderen dages myt onsen Banerheren, Reden ind Amptluyden ind anderen van onser Ritterschappen, der selver ons gesellynnen mit oeren frunden onder ougen to rijden, helpen ontfangen ind infuren. Wij sullen u mit uwen knechten ind perden onderhalden ind verplegen, so dat ghij des eyn guet benuegen heben sult. Des versien wij ons also tot u ind willent myt gnaden erkennen. Gegeven in ons stadt Arnhem den 20 dach Decemb., nostro sub secreto, anno decimo octavo. Item soe wij u hyrbevoerens van wilbrait doen schrijven hebben, begēn wij gij ons sulx soe voell gij up brengen kondt, tegen ons liever frouwen avondt off dach, then langsten lichtmiss, bynnen ons stadt Zutphen schikken wildt.

Charles.

(Copie.)

[p. 30]

Kairll, Herttoich van Gelre ind van Guylick ind Greve van Zutphen.

Lieve, getrouwe. Soe twiste ind scelonge¹⁾ sijn tusschen Wolff van Ruytenborch ther eenre, ind Hans Schaffer ther ander zijden, hercom̄ende van eyne leenguet, genoempt den Ruymeler, gelegen in onsen kerspell van Mauryck, heeft sich begeven²⁾ dat Adolff van Ruytenberch Hanss vurg. to Culenborch as vurden Leenhern doen citeeren heefft, Hanss aldair nyet willē komen, pretendeerende 't selve guet nyet to Culenborch, dan totten van Palanth gehoeren solde, wairdurch eyne sententie tegen denselven Hanss gegain ind gegeven is, 't wellick hij vur ons as averleenheer t'kennē gegevē ind aengeroipen heeft. Sijn wij dairom̄e in raide geslatē³⁾ die parthien quarta May neestcom̄en̄ vur onse mānen van leen to doen verhoēn⁴⁾ ind off deselve sententie van weerden sij, ind wie des mit recht Richter sijn sall to erkennē. Bevelen u dairom̄e guetlick, gij techen May neestcomen̄ bynnen onser stat alhyr komt ind savontz inder herbergen zijdt, umb sandē daeghz mit sampt andē onse man̄ van Leen, die alsdan oick hyr verscrevē sijn, die saicke to verhoēn ind dair inne t'helpen erkennen as recht ind behoēn sall. Hyrinne en lait geen gebreck vallen: want wij ons gensselick dair toe verlaten. Gegeven in onser stat Arnhem den xvij dach Aprilis, anno mdxxj.

Charlis.

H. van Amstell.

De superscriptie was: Unsen lieven, getrouwen Jaspar van Lienden, Hē tot Hymmen ind Blitterwijck.

(Copie.)

1) d.i. verschil.

2) d.i. is gebeurd.

3) d.i. besloten.

4) d.i. verhooren.

[p. 31]

Kairle, Hertouch van Gelre ind van Guylick ind Greve van Zutphen.

Lieve getrouwe. Umb wege ind middell vur to nemen dienen̄ tot underhaldonge ons staitz, inloissinge onsser renthen, betalonge onsser schulden, ind umb onse daigelixsche lasten vur to komen, hebn̄ wij ther begeeren der stede onss averquartiers Baenerhēn¹⁾, Ritterschap ind Stede onss alinges lantschap doen verschrijven op ten xxvij^en dach van deser maent, nementlick op sint Johans avont decollation̄, bij ons in onss stat Arnhem to komen, ind to sijn 's avonts inder herbergen, umb sanderen daighss deshalven mit malckanderen to communicieren as tot eer ind wailfairt onss ind onsser alinger lantschap 't best dienen sall. Begeren dairum̄ guetlick, dat ghij u opten selven daige fuegen wilt ind op die vurss. saicke helpen sluyten. Hyr inne en laet geen gebreck noch vertoch vallen, want wij ons des genslick tot u versien. Gegeven opt Loe op deinsdach post assumption̄ Marie a. mdxxiij.

Charles.

B. van der Elst.

De superscriptie was: Unsen lieven getrouwen Jaspar van Lienden, Hēn tot Hym̄en ind Blitterswijck.

(Copie.)

Veste und froeme, besonder guede frundt, durch schryftlick beveell ons gen̄ lieven hēn, ind umb sunderlynge saicken sus niet toe schrievē, sijn wij van wege sijner F.G. myt u t'spreek hebben, dair ghij die gestalt uyth sijner F.G. schryften in kortz gehantreickt wail vernaimē hebt, is van wege sijner F.G. onse guetlicke gesynnē, neestcoemende dynstach 's morgens toe acht uren, sych persoenlick tot Broickhuysē

1) d.i. baanderheeren.

[p. 32]

ynt doerp erschienē wyllē, sijner F.G. meynonge ind beveell wyeder alsdan van ons muntlick toe vernemē. Vertrouwē ons des vā wege sijner F.G. alsoe genslick tot u l., die Got almechtich yn frouden bewairt. Ges^en op frydach post cineres, anno xxx.

Loeff van Egheren.

Johan vā Wyttenhorst.

De superscriptie was: Dem vesten und froemē Jaspar vā Liendē, Hēn tot Heym̄ ind Blytterswijck, onss besondren gued frunt.

(Copie.)

Veste ind frome, besonder guede vrundt.

Soemen up der daichfairt kortzleden alhyer den Droesten dis quartyers geschreven, der pennongen halven, die sij van wegē unss g.l. heren understanden hadn̄ toe voirderen, en hebn̄ wyr vnss g.l. here antwoirt dairup untfangen ain Ritterscap ind stede dis vierdells haldende. Begerē dair umb guetlichen yr up mayndach naistkomende des avents alhyr inder herberge sijn wyllē umb sijne F. genade mijnonge te vernemē. Gode dem almechtigen befaelen. Gegevē up dynsdach alreheilige avont a^o xxxvj.

Burgemeistē Scep̄n ind Raidt der stadt van Ruremunde.

De superscriptie was: Dem erntfesten ind fromen Jaspar van Lynden, here tot Hymmē ind Blytterswijck, unsen besonderen gued vrunden.

(Copie.)

[p. 33]

Wilhelm, Hertzoch zu Gulick, Gelre, Cleve und Berg, Grave zu der Marck, Zutphen und Ravenssberg, Her zu Ravestein etc.

Lieve Rait und getruwer, umb der setting¹⁾ und anderer ursachen willen, dairan unns ind unsen landenn myrcklick gelegenn, bescheidenn wij u up nestkomenden dinxtach, nementlick denn viij^en disses monats Junij tegen denn avont, inn unse stat Arnheim, dairmede inn denn vurss. saeckenn alssdan mag geraitsaigt innd gehandelt werdenn. Versehenn wij unns also tot u. Gegeven tot dinxtach up denn ij^en dach Junij anno mdxl.

Wassenberg.

De superscriptie was: Unsen lieven Rait ind getruwe Jaspar vann Lynden, H. tot Blijterswijck.

(Copie.)

1) d.i. belasting.

Wilhelm, Hertouch to Gulich, Gelre, Cleeff und Berg, Greve to der Marck, Zutphen ind Ravenssberg, Her tho Ravestein etc.

Lieve Raith ind getruwe. Umb sonderlinge oirsaecken will, daran uns ind unsen landen gelegenn, iss unse meynung ind gesynnen, dat ghij u up frijdach nae den sonnendach Judica, nementlick denn xix^en dach dieses maents Martii, den avent, alhier to Cleeff bij uns ind andere unsere Raede verfuegenn willet, ind u dairan niet behinderen laetenn. Versien wij uns also tot u. Gegeven to Cleeff am xij^e dags Marty, anno mdxlv.

De superscriptie was: Unseren lievenn Raith ind getruwen Jaspar vann Lynden, Hern tho Hymmen ind Blijterswick.

(Copie.)