Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

¶ Petrus onderwijst de vrouwen, hoe dat si haer mans onderdanich sullen zijn, ende leert de mannen dat sy met alle bescheydenheydt by haer woonen souden, hy prijstse salich die daer om de waerheyt lijden, Hy verhaelt van de Arcke Noe, ende van dat Doopsel wat daer door beteekent is.

1

⁺ DEs^* seluen ghelijcken sullen de Vrouwen haren Mannen onderdanich zijn: Op dat ooc die, die niet en gheloouen aen dat woordt, door der vrouwen wandel, sonder woort gewonnen worden,

+ A vers 1

* Genes. 3.c.16. 1.Cor. 11.a.2. Ephe. 5.c.22. Collos. 3.c.18. Titum. 2.a.5.

2

Wanneer si aensien uwe cuyssche wandelinghe, inder vreese.

3

Welcker^† vercieringhe en sal niet wtwendich zijn met hayrvlechten, ende omhangen des gouts, oft aentreckinge der cleederen:

† 1.Tim. 2.b.9. Titum. 2.a.3.

4

Maer de verborgen mensch des herten onuerdoruen, met eenen saechtmoedighen ende stillen gheeste, Dat is costelijck voor Gode.

5

Want alsoo hebben haer oock in voortijden, de heylighe vrouwen geciert, die haer hope op Godt setteden, ende haren mannen onderdanich waren.

6

Ghelijck als Sara Abraham ghehoorsaem was, ende hiet hem^‡ heere: Welcker dochteren ghy gheworden zijt, ist dat ghy wel doet, ende niet soo vreesachtich en zijt.

‡ Gen. 18.b.12.

7

Des seluen ghelijcken ghy mannen,^* woont by haer met verstant, ende gheeft den wijfschen als den swacsten wercktuyghe^† zijn eere, als ooc mede Erfghenamen der ghenaden des leuens, op dat uwe ghebeden niet verhindert en worden.

* 1.Cor. 7.a.3.

† 1.Tes. 4.a.4.

8

^+‡ Maer eyndelijc, zijt al te samen ghelijck gesint, medelijdich, broederlijc, bermhertich, vriendelijck.

+ B vers 8

‡ Rom. 12.c.16.

9

^* En vergheldet niet quaet met quaet, gheen scheltwoorden met scheltwoorden: Maer daer en teghen segent.^† Ende weet, dat ghy daer toe geroepen zijt, dat ghy de segeninge beeruet.

* Prou. 20.c.22. Mat. 5.c.44 Rom. 12.c.14

† Gen. 12.a.3. Mat. 25.c.34

10

^‡ Want wie leuen wil, ende goede dagen sien,^* die stille zijn tonghe, dat si niet quaets en spreke, ende zijn lippen, dat si niet en bedriegen.

‡ Ps. 34.b.13.

* Iaco. 1.c.26. 3.b.6.

11

^† Hy keere hem vanden boosen, ende doe dat goede. Hy soecke vrede, ende iage hem na.

† Psa. 37.a.8. Esaie. 1.c.16.

12

Want de oogen des Heeren sien op de Rechtueerdighen ende sine ooren op haer gebet: Maer dat aensicht des Heeren, siet op die, die quaet doen.

13

Ende wie isset, die v schaden conne, ist dat ghy dat goede nauolghet?

14

^* Ende oft ghy oock lijdet om der gherechticheyt wille, so zijt ghy doch salich.^† Maer en vreest v voor haer pocchen niet, ende en verschrict niet:

* Matt. 5.a.10. 1.Pet. 2.d.20.

† Esai. 8.a.4. Mat. 10.d.26

15

^‡ Maer heylighet Godt den Heere in uwe herten.^* Ende zijt altijt bereydt ter verantwoordinghe eenen yegelijcken, die daer gront eysschet des hoops, die in v is,

‡ Iob. 1.c.21.

* Ps. 119.f.42 Actor. 4.a.8.

16

Ende dat met saechtmoedicheydt ende vreese. Ende hebt een goede conscientie,^† op dat die, die van v achterclappen, als van misdaders, te schanden worden, dat si bespot hebben uwe goede wandelinge in Christo.

† 1.Pet. 2.b.12. Titum. 2.a.8.

17

^+‡ Want het is beter,^* ist dattet de wille Godts is, dat ghy van weldoens weghen lijdet, dan van quaetdoens weghen.

+ C vers 17

‡ Matt. 5.a.10. 1.Pet. 2.c.19.

* 1.pet. 1.a.6.

18

^† Nademael oock Christus eenmael voor onse sonden geleden heeft: De rechtueerdighe, voor de onrechtueerdigen: Op dat hy ons Gode offerde: Ende is gedoodet na den vleessche, maer leuendich ghemaect na den geest.

† Rom. 5.a.6. Hebr. 9.c.28.

19

^‡ Inden seluen is hy ooc henen gegaen, ende heeft ghepredict den geesten in der^* geuanckenis, die voortijden niet en gheloofden,

‡ 1.Pet. 4.a.6.

* Luce. 16.c.30.

20

Doen^† Godt eenmael verwachtede, ende ghedoochsaemheyt hadde, tot den tijden Noe, doenmen de Arcke toebereyde,^‡ in welcke weynich, dat is, acht sielen, behouden werden, door dat water:

† Genes. 6.a.3. mat. 24.d.37. Luc. 17.c.26.

‡ Gen. 7.a.7. 8.c.16.

21

Welck oock ons nv salich maect in dat^* doopsel, dat door tgene beteekent is: Niet dat afdoen der onreynicheyt aent vleesch, maer dat verbont eender goeder conscientien met Gode door de verrijsenisse Iesu Christi,

* Ro. 6.a.4.

22

^† Die daer is ter rechterhant Godts inden Hemel gheuaren:^‡ Ende de Enghelen zijn hem onderdaen, ende de gheweldighen, ende de crachten.

† Ephe. 1.d.20.

‡ Hebr. 1.b.6. 2.b.7.