Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

¶ De Apostel leert Titum dat hy dat volck vermanen soude, de Princen onderdanich, der Ouerheyt ghehoorsaem tot allen goeden wercken bereyt te zijn: Ende dat hy hem soude ontslaen alle sotte vraghen ende onnutte questien. Ende dat hy den ketterschen mensche mijden sal na de vermaninghe.

1

⁺ VErmaent haer,^* dat sy den Vorsten, ende der Ouerheyt onderdanich ende ghehoorsaem zijn, tot allen goeden wercke bereyt zijn,

+ A vers 1

* Roma. 13.a.1. 1.Petr. 2.b.13.

2

^† Niemant lasteren, niet kijuen, vriendelijck zijn, alle saechtmoedicheyt bewijsen teghen alle menschen.

† Rom. 12.b.17

3

^‡ Want wy waren oock wel eer onwijs, ongehoorsaem, dwalende, den lusten, ende menigherley wellusten dienende, ende wandelden in boosheyt ende nijdicheyt, ende haetten ons onder malcanderen.

‡ 1.Cor. 6.b.11. Ephesi. 2.a.2. Coloss. 3.a.7.

4

Maer doen de vriendelijckheyt, ende^* Liedelieffelijcheyt Gods onses Salichmakers verscheen,

* Deut. 33.a.3.

5

Niet^† om der wercken willen der gherechticheyt, die wy ghedaen hadden, maer na zijn barmherticheyt, maeckte hy ons salich, door dat^‡ Badt der wedergheboorten, ende vernieuwinghe des Heylighen Gheests,

† 2.Tim. 1.b.9

‡ Ioan. 3.a.5.

6

^* Welcken hy rijckelijck wtghegoten heeft ouer ons, door Iesum Christum onsen Salichmaker:

* Eze. 56.e.27.

7

Op^† dat wy door des seluen ghenade rechtueerdich, ende Erfghenamen zijn des eewigen leuens, na der hopinghe,

† Acto. 15.b.11. Ephe. 2.a.4.

8

⁺ Dat is ymmer ghewisselijck waer. Sulcx wil ick, dat ghy vast leert, op dat die, die aen Godt gheloouich zijn gheworden, in eenen staet der goeder wercken gheuonden worden.^‡ Sulcx is goet ende nutte den menschen.

+ B vers 8

‡ Esa. 48.d.17

9

Maer der^* dwaser vraghen, der gheslacht Register, des ghekijfs ende strijts ouer de Wet, ontslaet v, want si zijn onnut ende ydel.

* 1.Tim. 1.a.4. 6.d.20. 2.Tim. 2.c.16

10

Eenen^† Ketterschen mensche vermijdet, als hy eens oft twee mael vermaent is:

† mat. 18.b.17 Rom. 16.b.16 2.Tess. 3.a.6. 2.Tim. 3.b.5. 2.Ioan. b.10.

11

Ende wetet, dat een soodanich verkeert is, ende sondicht, als die hem seluen veroordeelt heeft.

12

Wanneer ick Arteman of Tychicum tot v seynden sal, so coemt haestelijck tot my tot Nicopolim. Want aldaer heb ick besloten den winter ouer te blijuen.

13

Senam den Schriftgheleerden, ende^‡ Apollo, seynt wech met neersticheyt, op dat haer niet en ghebreke.

‡ Acto. 18.c.24. 1.Cor. 1.b.11. 3.a.4. 16.b.12

14

Ende laet oock de onse leeren, dat si inden staet der goeder wercken haer laten vinden, waermen haerder behoeft: Op dat sy niet onuruchtbaer en zijn.

15

Dy groeten alle die met my zijn. Groetet alle die ons lief hebben int ghelooue.

De ghenade sy met v allen, Amen.

¶ Gheschreuen van Nicopoli in Macedonia.