Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

¶ Paulus vertelt de oorsake waerom hy gheuanghen is, ende beroemt hem van veel ghenade die hem gheschiet is, ende seyt dat de rechtueerdicheyt coemt wt den ghelooue.

1

⁺ OM dies wille ick Paulus de^* gheuangene Christi Iesu, voor v Heydenen:

+ A vers 1

* Actor. 21.d.33. 2.Timo. 1.b.8

2

Nademael ghy ghehoort hebt vanden^† Ampte der genaden Gods die my aen v ghegheuen is,

† Actor. 13.a.2. 22.b.14.

3

Dat my is condich gheworden dese verholentheyt^‡ door openbaringhe, ghelijck ick te voren opt alder cortste gheschreuen heb,

‡ Galat. 1.b.12.

4

Daer ghy, ist dat ghijt leest, aenmercken moecht, mijn verstant aen de verborghentheyt Christi:

5

^* Welcke niet condich ghedaen en is inde voorleden tijden den menschen kinderen, alst nv gheopenbaert is zijnen heylighen Apostelen ende Propheten, door den gheest,

* Actor. 10.c.28.

6

Namelijck:^† Dat de Heydenen mede Erfghenamen zijn, ende mede inghelijuet, ende medeghenooten zijnder Beloftenisse in Christo, door dat Euangelium.

† Esaie. 2.a.4. 43.b.8.

7

Des ick een dienaer gheworden ben, na der gaue wt der ghenade Gods^* die my nae zijnder machtigher cracht ghegheuen is.

* Ephe. 1.c.19.

[p. 80v]

8

^+* My, den alderminsten onder alle Heylighen, is dese genade gegheuen^† onder de Heydenen te vercondighen, den onwtsprekelijcken rijckdom Christi,

+ B vers 8

* 1.Cor. 15.a.9.

† Acto. 9.c.15. 22.d.21.

9

Ende te verlichten alleman, welcke daer sy de ghemeynschap des^‡ verholenheyts, die vander werelt af, in Gode verborghen gheweest is^* die alle dinck gheschapen heeft, door Iesum Christum:

‡ Ephesi. 1.b.9. Collo. 1.d.26.

* Psal. 33.a.6 Ioan. 1.a.1. Collo. 1.b.16.

10

^† Op dat nv condich werde, den Vorstendommen ende Heerschappien inden Hemel, aen der ghemeynte, de menichuuldighe wijsheyt Godts,

† 1.Pe. 1.d.20.

11

Na het opset, vander werelt aen, welc hy bewesen heeft in Christo Iesu onsen Heere,

12

^‡ Door welcken wy vrijmoedicheyt hebben, ende eenen toeganck in alle betrouwinghe, door dat ghelooue aen hem.

‡ Roma. 5.a.2. Ephe. 2.c.17. Hebr 10.c.19.

13

^* Daerom bidde ick, dat ghy niet traech en wordet, om mijnder droeffenissen wille^† die ick voor v lijde, die v een eere zijn.

* Phi. 1.b.14. 1.Tessa. 3.a.3.

† Collo. 1.c.24

14

⁺ Om dies wille buyghe ick mijn knyen, tot den Vader onses Heeren Iesu Christi,

+ C vers 14

15

Die de rechte Vader is, ouer al wat kinderen heet, in Hemel ende op Aerden.

16

Dat hy v cracht geue, na den rijcdom zijnder heerlijcheyt, sterck te worden door zijnen gheest, aenden inwendighen mensche,

17

Ende Christum te woonen door dat gelooue in uwe herten, ende door de liefde inghewortelt ende ghegront te worden:

18

Op dat ghy moecht begrijpen met allen Heylighen, welcke daer sy de breede, ende de lengde, ende de diepte, ende de hoochte,

19

Oock bekennen, dat Christum lief hebben, veel beter sy, dan alle weten: Op dat ghy veruult wordet, met alderley Gods volheyt.

20

^* Maer dien, die oueruloedelijck meer doen can, dan al wat wy bidden oft verstaen, nae de cracht, die in ons werckt.^† Dien sy eere inder ghemeynte, die in Christo Iesu is, tot alder tijt, van eewicheyt tot eewicheyt, Amen.

* Matt. 6.b.6.

† Rom. 16.d.26