Den Bibel, Inhoudende dat Oude ende Nieuwe Testament (Biestkensbijbel)

¶ Dat .ix. Capittel.

¶ De Apostel wtsluytende alle quaet vermoeden, leert datmen de aelmoesen gheuen sal, gheringhe, oueruloedelijck, ende blijdelijck.

1

⁺ VVant van sulcker^* hantreyckinghe die den Heylighen gheschiet, en is my niet van nooden v te schryuen.

+ A vers 1

* Actor. 11.d.29. Rom. 15.d.26 1.Cor. 16.a.2. 2.Cor. 8.a.4.

2

Want ick weet uwen goeden wille, daer ick of beroem by dien wt Macedonia (ende segghe:) Achaia is bereyt gheweest van int voorleden Iaer, ende uwe exempel, heefter veel verweckt.

3

Maer ick hebbe dese Broeders daerom ghesonden, op dat onse beroeminghe van v, niet te niet en worde in dat stucke, ende dat ghy bereyt zijt, ghelijck als ick van v geseyt hebbe,

4

Op dat, waert dat die wt Macedonia met my quamen ende v onbereyt vonden, wy (ick en wil niet segghen, ghy) niet te schanden en werden, met sulcken Roem.

5

⁺ Aldus heb ickt voor nootsakelijc aengesien de Broeders te vermanen, dat sy voor henen tot v togen, om te bereyden, dese te voren beloefde segheninghe, dat sy bereyt sy, alsoo, dattet sy een segheninghe, ende niet een giericheyt.

+ B vers 5

6

^* Maer ick meyne dat: Soo wie carichlijc saeyet, die sal oock carichlijck oogsten:

* Pro. 11.c.18. Gala. 6.a.9.

7

Ende wie daer saeyt in segheninge, die sal ooc oogsten in segheninghe. Een yeghelijck nae zijnen wille^† niet met onwille, oft wt bedwanck.^‡ Want eenen vrolijcken gheuer, heeft Godt lief.

† Deut. 15.b.10.

‡ Exo. 25.a.2. 35.a.5. Pro. 19.c.17. Eccli. 35.a.10.

8

Ende Godt can maken, dat alderley ghenade rijckelijck onder v sy, dat ghy in alderley dinghen, volle ghenoeghe hebt, ende rijck zijt tot alderley goede wercken,

9

Alsser gheschreuen staet:^* Hy heeft wtghestroyt, ende ghegeuen den Armen, zijn gherechticheyt blijft in eewicheyt.

* Psal. 112.b.9.

10

⁺ (Ende die dat saet geeft den Saetsayer, die sal ymmer ooc dat broot geuen

+ C vers 10

[p. 76v]

ter spijse,^* ende sal vermeerderen uwe saet, ende laten wassen de vrucht uwer gherechticheyt)

* Acto. 14.c.16.

11

Dat ghy rijck zijt in allen dingen, met alder eenuuldicheyt, die door ons werckt, dancsegginghe Gode.

12

Want de hantreyckinghe deser hulpe en veruult niet alleen de nootdruft der Heylighen: Maer is oock oueruloedich daer in, dat vele Gode dancken,

13

Voor desen onsen trouwen dienst, ende prijsen Godt van uwe onderdanighe bekennisse des Euangeliums Christi, ende van uwe eenuuldighe hantreyckinge aen haer, ende aen allen,

14

Ende van haer ghebet voor v, welcken verlangt na v, om der oueruloedigher ghenade Gods wille in v.

15

Nv Gode sy danck, voor zijn onwtsprekelijcke gaue.