Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

¶ Hoe Ioannes dat doopsel der boete predicte ende leerde, Ende hoe si meynden dat Iesus Iosephs sone was, ende vanden gheslachten der vaderen achterwaerts tot Adam toe.

1

⁺ INden vijftiende Iare des Keyserdoms, Keysers Tiberij, doen Pontius Pilatus Lantvoocht was in Iudea, ende^* Herodes een viervorst in Galilea, ende zijn broeder Philippus een viervorst in Iturea, ende inde gelegentheyt Trachonitis, ende Lisanias een viervorst tot Abilene,

+ A vers 1

* Luce. 23.a.7.

2

^‡ Doen Hannas ende Cayphas hooghe Priesters waren, Doen gheschiedde dat beuel Gods tot Iohannem Sacharias sone inder woestijnen.

‡ Acto. 4.a.6.

3

^† Ende hy quam in alle Contreyen rontsom der Iordane, ende predicte dat Doopsel der boete, tot vergheuinghe der sonden,

† Matth. 3.a.1. Marc. 1.a.4. Ioan. 1.b.23.

4

Als gheschreuen staet in den boeck der Reden Isaie des Propheets, die daer seyt:^‡ Daer is een stemme eenes Predikers in der woestijne: Bereyt den wech des Heeren, ende maect zijn paden recht.

‡ Esai. 40.a.3. Matth. 3.a.3.

5

Alle dalen sullen vol worden, ende alle Berghen ende hueuelen sullen vernedert worden. Ende wat crom is, sal recht worden: Ende wat oneffen is, sal eenen slechten wech worden.

6

^* Ende alle tvleesch sal den Heylandt Gods sien.

* Luce. 2.e.30.

7

⁺ Doen sprack hy tot den volcke, dat wt ghinck, dattet hem van hem liete doopen:^† Ghy aderen gheslachte, wie heeft v dan ghetoont, dat ghy den toecomenden toorne ontloopen sult?

+ B vers 7

† Math. 3.a.7. 23.d.32.

8

Siet toe, doet rechtsinnighe vruchten der boete, ende en neemt niet voor v te segghen,^† Wy hebben Abraham tot eenen vader. Want ick segghe v: Godt can Abraham wt dese steenen kinderen verwecken.

† Matt. 3.a.9. Ioan. 8.d.39. Acto. 13.c.26.

9

De Bijl is alreede den boomen aen de wortel gheleyt:^* Welcken boom geen goede vrucht en brengt, die wort af ghehouwen, ende int vier gheworpen.

* Matt. 3.a.10. 7.b.19.

10

Ende dat volc vraechde hem, ende sprack:

[p. 25v]

^* Wat sullen wy dan doen?

* Acto. 2.d.37.

11

Hy antwoorde, ende sprac tot haer:^† Wie twee rocken heeft, die gheue dien, die gheenen en heeft: Ende wie spijse heeft, die doe oock alsoo.

† Iaco. 2.c.15. 1.Ioan. 3.c.17.

12

De Tollenaers quamen oock, dat si haer lieten doopen, ende spraken tot hem: Meester, wat sullen wy dan doen?

13

Hy sprack tot haer: Ende eysschet niet meer, dan gheset en is.

14

Doen vraechden hem oock de Crijchslieden, ende spraken: Wat sullen wy dan doen? Ende hy sprack tot haer: En doet niemanden ghewelt, noch onrecht, ende laet v ghenoeghen aen uwe soudije.

15

⁺ Ende als dat volck meynde, ende dachten alle in haer herte van Iohanne, oft hy misschien Christus ware,

+ C vers 15

16

Antwoorde Iohannes, ende sprack tot allen:^* Ick doope v met water, maer daer coemt een stercker na my, dien ick niet genoechsaem en ben, dat ick de riemen zijnder schoenen ontbinde,^† die sal v met den heyligen Gheest, ende met vier doopen.

* Matt. 3.b.11. Marc. 1.a.8. Ioan. 1.c.26.

† Esa. 44.a.3 Iohel. 2.f.28.

17

In^‡ des seluen hant is de wan, ende hy sal sinen dorschvloer veghen, ende sal de terwe in zijn Schuere vergaderen, ende dat caf sal hy met eewighen viere verbranden.

‡ Mat. 3.b.12.

18

Ende veel anders meer vermaende ende vercondichde hy den volcke.

19

^* Maer Herodes de Viervorst, doen hy van hem ghestraft wert, om Herodias wille, zijns broeders wijf, ende om alles quaets wille, dat Herodes dede.

* Mat. 14.a.3. Marc. 6.c.18.

20

Bouen dat alle, leyde hy Iohannem gheuanghen.

21

^† Ende het gheschiedde, doen al dat volck haer liet doopen, ende Iesus oock ghedoopt was, ende badt, Dat hem den Hemel open dede,

† Matt. 3.b.16. Marc. 1.a.9. Ioan. 1.d.32.

22

Ende de heylighe Gheest daelde neder, in lichamelijcker ghedaente op hem, als een duyue: Ende een stem quam wt den Hemel, die sprac:^* Ghy zijt mijn lieue Sone, aen dien ick een wel behaghen hebbe.

* Esaie. 42.a.1. Matt. 3.b.17. 17.a.5. Luce. 9.d.35. 2.Pet. 1.c.17.

23

Ende Iesus ghinck in dat dertichste iaer.^‡ Ende hy wert gehouden voor een sone Ioseph. Die daer was een sone Eli.

‡ Mat. 13.g.55 Marc. 6.a.3. Luce. 4.c.22. Ioan. 1.e.45. 6.e.42.

24

⁺ Die was een sone Mathat. Die was een sone Leui. Die was een sone Melchi. Die was een sone Ianna. Die was een sone Ioseph.

+ D vers 24

25

Die was een sone Mathatias. Die was een sone Amos. Die was een sone Nahum. Die was een sone Esli. Die was een sone Nange.

26

Die was een sone Maath. Die was een sone Mathathias, Die was een sone Semei. Die was een sone Iosech. Die was een sone Iuda.

27

Die was een sone Iohanna. Die was een sone Resia. Die was een sone Sorobabel.^* Die was een sone Salathiel. Die was een sone Neri.

* 1.Par. 3.c.19. Hagge. 1.a.1. Math. 1.b.12.

28

Die was een sone Melchi. Die was een sone Addi. Die was een sone Kosam. Die was een sone Elmadam. Die was een sone Her.

29

⁺ Die was een sone Ieso. Die was een sone Eliezer. Die was een sone Iorem. Die was een sone Mattha. Die was een sone Leui.

+ E vers 29

30

Die was een sone Simeon. Die was een sone Iuda. Die was een sone Ioseph. Die was een sone Ionam. Die was een sone Eliakim.

31

Die was een sone Melea. Die was een sone Menam. Die was een sone Mathathan. Die was een sone Nathan. Die was een sone Dauid.

32

^* Die was een sone Iesse. Die was een sone Obeth.^† Die was een sone Boos. Die was een sone Salmon. Die was een sone Nahasson.

* 1.Reg. 16.a.1. Matth. 1.a.6.

† ruth. 4.c.17. 1.Par. 2.a.12.

33

^‡ Die was een sone Aminadab. Die was een sone Aram. Die was een sone Esrom. Die was een sone Phares. Die was een sone Iuda.

‡ Nu. 7.b.12. Matt. 1.a.4.

34

^* Die was een sone Iacob. Die was een sone Isaac.

^+† Die was een sone Abraham.^‡ Die was een sone Thara. Die was een sone Nachor.

* Gene. 29.f.35. Matth. 1.a.2.

+ F vers 34

† Gen. 21.a.2.

‡ Gen. 11.d.27

35

Die was een sone Saruch. Die was een sone Ragahu. Die was een sone Phaleck.^* Die was een sone Eber. Die was een sone Sala.

* Gene. 11.c.16.

36

Die was een sone Cainan. Die was een sone Arphacsad.^* Die was een sone Sem.^† Die was een sone Noe. Die was een sone Lamech.

* Gene. 11.b.10.

† Gene. 5.d.32 6.b.10.

37

Die was een sone Mathusala.^‡ Die was een sone Enoch. Die was een sone Iared.^* Die was een sone Maleleel. Die was een sone Cainam.

‡ Gene. 5.c.21.

* Gen. 5.b.15.

38

^† Die was een sone Enos. Die was een sone Seth.^‡ Die was een sone Adam.^* Die was Godts.

† Gen. 5.b.10.

‡ Gen. 4.c.25.

* Gen. 1.d.27 2.a.7. 5.a.1.