Den Bibel, Inhoudende dat Oude ende Nieuwe Testament (Biestkensbijbel)

¶ Dat .iij. Capittel.

¶ Vande Predicatie Ioannis des doopers by de Iordane, ende van Christus doopsel.

1

⁺ TOt^† dier tijdt quam Iohannes de Dooper, ende predicte inder woestijne des Iootschen lants, ende sprack:

+ A vers 1

† Mar. 1.a.4.

2

^† Doet boete, dat Hemelrijc is na by gecomen.

† Acto. 2.d.38.

3

Ende hy is die, van welcke^* de Propheet Isaias geseyt heeft ende gesproken: Daer is een stemme eens Predikers inder woestijne: Bereyt den HEERE den wech, ende maect zijn toepaden recht.

* Esa. 40.a.3. Ioan. 1.b.23.

4

^† Ende Iohannes had een cleet van Cemelshayren, ende eenen leren gordel om zijn lendenen. Sijn spijs was Sprinchanen ende wilden honich.

† 4.Re. 1.b.8. Mar. 1.a.6.

5

Doen ginck tot hem wt de stadt Ierusalem, ende dat gheheel Iootsche lant, ende alle Landen aen de Iordaen,

6

Ende sy lieten haer van hem doopen in de Iordaen,^* ende bekenden hare sonden.

* Acto. 19.d.18.

7

^† Als hi nv veel Phariseen ende Saduceen sach tot zijn doopsel comen, sprack hy tot haer:^* Ghy Aderen gheslacht, wie heeft v dan ghewesen, dat ghy den toecomenden toorn ontloopen sult?

† Luc. 3.b.17.

* Mat. 23.d.32.

8

Siet toe, doet oprechte vruchten der boete.

9

^* En denct slechs niet, dat ghy by v seluen wildet segghen:^† Wy hebben Abraham tot eenen vader. Ick seg v, Godt vermach den Abraham wt desen steenen kinderen te verwecken.

* Luc. 3.b.8.

† Ioan. 8.d.39.

10

De bijle is alreede den boomen aen de wortel gheleyt.^† Daerom welcken boom gheen goede vrucht en brengt, die wort af ghehouwen ende int vier geworpen.

† Matt. 7.b.19. Luc. 3.b.9.

11

^+‡ Ick doop v met water tot boete: Maer die na my coemt, is stercker dan ick. Dien ick oock niet ghenoechsaem en ben, zijn schoenen te draghen, die sal v met den heylighen gheest, ende met vier doopen.

+ B vers 11

‡ Marc. 1.a.8. Luc. 3.c.16. Ioan. 1.c.26.

12

Ende hy heeft zijnen^† Wan in de hant, hy sal zijnen dorschvloer veghen, ende de Terwe sal hi in Schuere vergaderen, maer dat Caf sal hy verbranden met den eewigen viere.

† Luc. 3.c.17.

13

^* Doen ter tijt quam Iesus van Galileen aen de Iordaen, tot Iohannem op dat hy hem van hem doopen liete.

* Marc. 1.a.9. Luc. 3.c.21.

14

Maer Iohannes belette hem, ende sprack: Ic behoefde wel dat ic van v gedoopt worde, ende coemt ghy tot my?

15

Iesus antwoorde, ende sprac: Latet nv also zijn, also behoortet ons, alle gerechticheyt te veruullen. Doen liet hijt hem toe.

16

^† Ende doen Iesus ghedoopt was, clam hy terstont op wt dat water, ende siet, doen dede hem den Hemel bouen hem open. Ende Iohannes sach den geest Gods ghelijc een duyue neder dalen, ende op hem comen.

† Luc. 3.c.21. Ioan. 1.c.32.

17

^‡ Ende siet, Een stem vanden Hemel af, sprack: Dit is mijn lieue sone, aen welcken ick een wel behaghen heb.

‡ Esa. 42.a.1. Mat. 17.a.5. Luc. 9.d.35. 2.Pet. 1.d.17.