Den Bibel, Inhoudende dat Oude ende Nieuwe Testament (Biestkensbijbel)

¶ Dat .xliiij. Capittel.

¶ Hier beghint een Lof ende prijs der goede Oude Vaderen, ende treffelijcke Helden, door welcke Godt, zijn eerlijcke macht ende wijsheyt op Aerden bewesen heeft.

1

⁺ LAet ons de vermaerde lieden louen, ende onse Vaderen, nae den anderen.

+ A vers 1

2

Veel heerlijcke dinghen heeft de HEERE by haer ghedaen, vanden beghinne door zijn groote macht.

3

Sy hebben haren Conincrijcken wel gheregeert, ende louelijcke daden ghedaen. Sy hebben wijselijck gheraden ende ghepropheteert.

4

Sy hebben Lant ende Lieden gheregeert,^† met raet ende verstant der Schrift.

† Exodi. 18.c.19

5

Sy hebben Musicam gheleert, ende gheestelijcke Lieden ghedicht.

6

^* Sy zijn oock rijcke geweest, ende hebben groote goeden ghehadt, ende in vreden gheregeert,

* Genes. 13.a.6. 26.b.12. 36.a.7.

7

Binnen den tijt dat si hier hebben gheweest. Also zijn sy alle tot haren tijden louelijck gheweest, ende binnen haren leuen vermaert,

8

Ende hebben eenen eerlijcken naem achter ghelaten.

9

Maer den anderen en hebben gheenen roem,^† ende zijn vergaen als oft si noyt gheweest en waren.

† Genes. 7.b.21.

10

Ende doen si noch leefden, waren si effen als oft sy niet gheleeft en hadden, ende haer kinderen nae haer oock alsoo.

11

⁺ Maer ghenen heyligen Lieden, welcker gerechticheyt niet vergeten en wort,

+ B vers 11

12

Is een goede Erue gebleuen, met haren kinderen. Haer Nacomelinghen zijn int verbont ghebleuen,

13

Ende om haren twille zijn haer kints kinderen oock altijts voort ende voort gebleuen,

14

Ende hare Lof en sal niet vergaen. Sy zijn in vrede begrauen, maer haren naem leeft eewelijck:

15

^* De Lieden spreken van haerder wijsheyt, ende de gemeynte vercondicht haer Lof.

* Eccli. 39.c.27.

16

^† Enoch behaechde den HEEre wel, ende hi is wech genomen, op dat hi der werelt een vermaninghe totter boete ware.

† Genes. 5.c.24 Hebre. 11.a.5. Eccli. 49.c.16 Sapi. 4.a.4.

17

18

^* Noe wert onstraffelijck beuonden, ende inden tijt des toorns, heeft hy genade gheuonden, ende is ouer behouden op Aerden, doen de Diluuie quam.

* Gene. 6.b.8 7. 8.

19

^† Hy ontfinc dat verbont voor de werelt, dat alle dat vleesch door de Diluuie, niet meer verdaen en soude worden.

† Gene. 9.b.13

20

⁺ Abraham de hoochberoemde^† Vader veelder volcken, en heeft zijns ghelijcke niet inder eere.

+ C vers 20

† Genes. 12.a.2. 15.a.5. 17.a.5.

21

Hy onderhielt de Wet des Alderhoochsten, ende Godt maecte met hem een verbondt,^* ende stichtede dat selue verbont in sinen vleessche.^† Ende hy wert ghetrouwe beuonden, doen hy beproeft wert.

* Gene. 17.b.10

† Gene. 22.a.1

22

^* Daerom beloofde hem Godt met eenen eedt, dat de Heydenen door sinen sade ghebenedijt souden worden, ende dat hy vermenichfuldicht soude worden, ghelijck het stof der Aerden,

* Gen. 22.c.18 Hebr. 11.b.17.

23

Ende zijn saet verhoocht ghelijck de Sterren, ende beeruen souden van de een See tot aen de andere, ende vanden water aen, tot aen des werelts eynde.

24

25

Ende hi heeft de selue benedictie ouer alle menschen,

25

^* ende dat verbont, ooc alsoo beuesticht met Isaac, om zijns Vaders Abrahams wille: Ende heuet op^† Iacob laten comen ende blijuen:

* Gene. 26.a.4

† Gene. 28.c.14

26

Hy heeft hem ghenadelijck ghebenedijt, ende dat erfdeel ghegheuen, ende zijn deel afghescheyden, ende^† inde twaelf Stammen ghedeylt.

† Iosue. 18. 19.