Den Bibel, Inhoudende dat Oude ende Nieuwe Testament (Biestkensbijbel)

¶ Dat .xxvj. Capittel.

¶ Van het Lof des goeden ende eerbaren wijfs: Ende wat een schadelijc dinck dattet is een quaet wijf.

1

⁺ VVel^* dien, die een duechdelijc Wijf heeft, dies leeft hy noch eens soo langhe.

+ A vers 1

* Prou. 18.c.22. 19.b.14. 21.b.10. Eccli. 25.b.11. Eccli. 26.b.16

2

Een huyslijck Wijf, is haren Man een vruecht, ende maect hem een fijn gerust leuen.

[p. 120r]

3

Een duechdelijc Wijf, is een edel gaue, ende wordt dien ghegheuen, die God vreest.

4

Hy sy rijck oft arm, so ist hem eenen troost, ende maect hem altijt vrolijc.

5

Drie dinghen zijn verschrickelijck, ende dat vierde is grouwelijc:

6

7

Verraderie, oproer,^* onschuldich bloet vergieten, de welcke alle ergher zijn dan de doot:

* 4.Re. 21.c.16 Prou. 6.b.17.

8

9

Maer dat is dat rechte verdriet des herten, als deen vrouwe ouer dander ieloers is, ende scheyntse by alleman.

10

Als yemant een quaet Wijf heeft, so ist euen ghelijck als een onghelijck paer Ossen, die neffens den anderen trecken moeten.^† Wiese crijcht, die crijcht een Schorpioen.

† Iudic. 16.c.16

11

⁺ Een droncken Wijf is een groote plaghe, want si en can haer schande niet bedecken.

+ B vers 11

12

Een hoerachtighe vrouwe kentmen by haer onschamel ghesichte, ende aen haer ooghen.

13

^* Is uwe dochter niet schamel, soo houtse hert, op datse haren moetwille niet en ghebruycke, wanneerse so vrij is.

* Eccli. 42.c.33.

14

Als ghy merckt, dat si stoutelijck om haer siet, soo siet daer wel op, waer des niet, ende si doet daer en bouen tegen v, soo en latet v oock niet verwonderen.

15

Ghelijck als een voetganger die dorstich is, hangt si haer tonghe, ende drinct dat naeste water datse crijcht, ende set haer neder waer si eenen staeck vint, ende neemt aen, wat haer ghebueren mach.

16

^* Een vriendelijck Wijf verhuecht haren man, ende als sy verstandelijc met hem omgaet, veruerst si hem zijn herte.

* Eccli. 26.a.2.

17

18

⁺ Een Wijf die swijghen can, dat is een gaue Godts: Een wel ghemaniert Wijf en is niet te betalen.

+ C vers 18

19

20

Daer en is niet lieuers op Aerden, dan een gemaniert Wijf, ende daer en is niet costelijcker dan een cuysch Wijf.

21

Ghelijck als de Sonne, als si opgaet inden hoogen Hemel des HEEren, een vercieringhe is, alsoo is een duechdelijck Wijf een verchieringhe binnen haren huyse.

22

23

Een schoon Wijf die daer vroom blijft, die is ghelijck de clare Lampe, op den heylighen Candelaer.

24

Een Wijf die een bestandich gemoet heeft, die is ghelijck de^† gulden Pilaernen, opten silueren Stoelen.

† Canti. 5.d.15.