Den Bibel, Inhoudende dat Oude ende Nieuwe Testament (Biestkensbijbel)

¶ Dat .xxv. Capittel.

¶ Niet en isser bouen een goet wijf, niet schandelijcker dan een quaet, toornich ende boos wijf.

1

⁺ DAer zijn drie schoone stucken, die beyde Gode ende den menschen wel behaghen.

+ A vers 1

2

^† Als ghebroeders eens zijn: Ende de ghebueren malcanderen lief hebben:^* Ende als man ende Wijf met malcanderen wel ouer een draghen.

† Psalm. 133.a.1 Genes. 13.b.8. Rom. 12.b.16.

* Gen. 2.d.24 1.Cor. 6.c.16.

3

Daer zijn drie stucken, die ick van herten hate, ende haer wesen verdriet my gantsch seere.

4

Als een arme hooueerdich is: Ende eenen rijcken geerne^† liecht: Ende als een oudt Sot, een Ouerspeelder is.

† Eccli. 20.c.26.

5

⁺ Als ghy inder iuecht niet en vergadert, wat wilt ghy inden Ouderdom vinden?

+ B vers 5

6

O hoe wel staetet,^* als de grauwe hoofden, wijs, ende de Oude cloec, ende de Heeren vernuftich ende voorsichtich zijn.

* Deut. 31.a.1. Iosue. 23.a.2.

7

8

Dat is der Ouden Croone, als si veel besocht hebben: Ende het is haer eere, als si Godt vreesen.

9

Daer zijn neghen stucken, die ick in mijn herte hooghe te louen houde, ende dat thiende wil ick met mijnen monde prijsen.

10

Een man, die daer vruecht aen zijn kinderen heeft, wiet beleeft, dat hy zijn Vianden siet vergaen.

11

^† Wel dien, die een verstandich Wijf heeft,

† Eccli. 26.a.1.

12

Wie^* met sinen spreken gheen schade en doet.

* Iacob. 3.a.2.

13

⁺ Wie niet dienen en derre dien, dies niet weerdich en zijn.

+ C vers 13

14

Wel dien, die eenen ghetrouwen vrient heeft.

15

Wel dien, die daer cloeck is. Ende die daer leert daerment gheerne hoort.

16

O Hoe groot is die, die daer wijs is: Maer wie God vreest, bouen dien en is niemant.

17

Want de vreese Gods gaet bouen alle dinc: Wie de selue vast hout, by wien canmen dien ghelijcken?

18

Daer en is gheen wee soo groot, als dat herten leedt.

19

Daer en is gheenen list bouen vrouwen list.

20

Daer en is geen loeren, bouen dat loeren der afgonstiger.

21

Daer en is geen wraecghiericheyt, bouen der Vianden wraecghiericheyt.

22

Daer en is geen hooft so listich, als der Slanghen hooft: Ende daer en is gheenen toorne so bitter, als des Wijfs toorne.

23

^* Ic wilde lieuer by Leeuwen ende Draken woonen, dan by eenen quaden Wijue.

* Prou. 21.c.19

24

Als si quaet wort, so verandert si haer ghedaente, ende wort soo mismaect, als eenen Sack.

25

Haren man moet hem haerder schamen, ende alsment hem voor werpt, soo doedet hem int herte wee.

26

Alle boosheyt is cleyne, teghen des Wijfs boosheyt: Haer gheschiede, wat den Godloosen gheschiet.

27

⁺ Een clapachtich Wijf, is eenen stillen man, ghelijck eenen opgaenden Sandtwech eenen Ouden man.

+ D vers 27

28

^† En laet v niet bedrieghen, dat si schoone is: Ende en begheertse om dies wil niet.

† Eccli. 42.c.34 2.Reg. 11.a.4 13.a.1. Gene. 34.a.1.

29

30

Als het Wijf den man rijcke maect, soo is daer enckel twist, verachtinghe ende versmaetheyt.

31

Een quaet Wijf maeckt een bedroeft herte, een truerich aensicht, ende den hertseer.

32

Een Wijf, daer de man geen vruecht af en heeft, die maeckt hem verdrietich, tot allen dinghen.

33

De^† sonde coemt van eenen Wijue, ende om harent wille, moeten wy alle steruen.

† Genes. 3.a.6.

34

Ghelijcmen twater gheen ruymte laten en sal,

35

Also en salmen den Wijue haren wille niet laten.

36

^* Wilse v niet nader hant gaen, soo scheyt v van haer.

* Deut. 24.a.1. Malac. 2.c.16