Den Bibel, Inhoudende dat Oude ende Nieuwe Testament (Biestkensbijbel)

¶ Dat .xj. Capittel.

¶ Menigerley schoone leeringhen ende onderwijsinghen.

1

⁺ MIjn kint, en steect v niet in menigerley handel, want ist dat ghi menigerley voor v neemt, soo en sult

+ A vers 1

[p. 115v]

ghy niet vele daer aen gewinnen, oft ghy alscoon geheel seer daer na worstelt, so en vercrijcht ghijt doch niet, ende oft ghy alschoon hier ende daer loopt, so en coemt ghyder doch niet wt.

2

Daer is menich, diet hem suer laet worden, ende haest hem tot rijckdom, ende verhindert slechs hem seluen daer mede.

3

Daer en tegen isser menich, diet saechte aen laet comen, die wel hulpe behoefde, ende is daer toe swack ende arm,

4

^† Dien siet Godt aen met ghenaden, ende helpt hem wter ellenden, ende brengt hem ter eeren, soo datter vele zijnder verwonderen.

† Iob. 42. c.12.

5

^+† Het coemt alle van Gode, gheluck ende ongeluck, dat leuen ende de doot^* armoede ende rijckdom.

+ B vers 5

† Tren. 3.d.37.

* 1.Re. 2.b.7.

6

^* Den vromen geeft Godt goeden, die daer blijuen, ende wat hy verleent, dat ghedijt altoos.

* Pro. 10.c.22.

7

^† Daer is menich die vreck is ende spaert, ende wort daer door rijcke, ende denckt:

† Psal. 39.a.7.

8

Hy heeft wat voor hem ghebracht, ende seyt:

9

^† Nv wil ic een goet leuen hebben, eten ende drincken van mijne goeden,

† Luc. 12.b.19.

10

Ende hy en weet niet dat zijn vre soo na is, ende^† moetet altemale anderen laten, ende steruen.

† Iob. 1.c.21. 27 c.19. Eccl. 5.b.14. Psal. 49.c.18. 1.Tim. 6.b.7.

11

Blijft by Gods woordt, ende oeffent v daer in,^* ende blijft in uwe beroepinghe, ende en latet v niet verwonderen, dat de godloose nae goet iagen.

* Ephe. 4.a.1 2.Pet. 1.b.10.

12

^† Betrout ghy Gode, ende blijft in uwen roep want het is den HEEre gheheel licht,^* eenen armen, rijck te maken.

† Eccl. 2.a.7.

* Iob. 42.b.10.

13

^‡ Godt ghebenedijt den vromen hare goeden, ende als den tijt coemt, so gedijen sy haestelijc.

‡ Gen. 26.b.12

14

En segt niet: Wat helpet my, ende wat heb ic daer en tusschen? En segt niet:

15

Ick hebbe ghenoech, hoe cant my ghefaelgeren?

16

^+† Alst v wel gaet, so denct, dattet v weder qualijc gaen can:

+ C vers 16

† Eccl. 18.d.28.

17

Ende alst v qualijc gaet, so denct, dattet v weder wel gaen can.

18

^† Want de HEEre can eenen yeghelijcken lichtelijck inder doot verghelden, gelijc hijt verdient heeft.

† Iere. 17.b.10. Psal. 28.a.4. 62.b.13. Iob. 34.b.11. Mat. 16.d.27 Rom. 2.a.6. 2.Cor. 5.b.10. Apoc. 2.d.23.

19

Een quade vre maect, datmen alle vruecht vergeet, ende als de mensche sterft so wort hy gewaer, hoe hy gheleeft heeft.

20

Daerom en sult ghy nyemanden prijsen voor zijn eynde: Want wat een voor een Man geweest is, dat beuintmen aen zijn Nacomelinghen.